စံးထီၣ်ပတြၢၤ 59:7 - Sgaw Karen Common Bible

⁷ ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

စံးထီၣ်ပတြၢၤ 59:7 Iomraidhean Croise

စံးထီၣ်ပတြၢၤ 10:11

အဝဲသ့ၣ်စံးဝဲလၢအသးကံၢ်ပူၤ, “ကစၢ်ယွၤသးပ့ၤနီၣ်လံတၢ်လံ. ပာ်တဒၢလံအမဲာ်လံ. တထံၣ်ယၤနီတစုဘၣ်.”

စံးထီၣ်ပတြၢၤ 10:13

ဘၣ်မနုၤပှၤတတီတလိၤကတိၤတရီတပါကစၢ်ယွၤ, ဒီးစံးဝဲလၢအသးကံၢ်ပူၤ, “ကစၢ်ယွၤတစံၣ်ညီၣ်ယၤဘၣ်” န့ၣ်လဲၣ်.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

စံးထီၣ်ပတြၢၤ 73:11

အဝဲသ့ၣ်စံးဝဲ, “ကစၢ်ယွၤတသ့ၣ်ညါဘၣ်, တၢ်ထီကတၢၢ်တဂၤတထံၣ်န့ၢ်ဝဲဘၣ်.”

စံးထီၣ်ပတြၢၤ 94:4

ပှၤမၤကမၣ်တၢ်တဖၣ်အံၤ ကပာ်ထီၣ်ထီအသးဒီး ပာ်ကဖၢလၢအသးလၢ အတၢ်မၤကမၣ်တဖၣ်အဃိန့ၣ်ဆံးယံာ်ဒံးလဲၣ်.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 15:28

ပှၤအဂ့ၤအဝါတဖၣ်န့ၣ်တချုးလၢအစံးဆၢတၢ်ဒီးဆိကမိၣ်တၢ်လီၤ. မ့မ့ၢ်ပှၤအအၢအသီတဖၣ်န့ၣ်အိၣ်ဒီးတၢ်စံးဆၢလၢအချ့မးဘၣ်ဆၣ် ဒီး, ဒုးအိၣ်ထီၣ်တၢ်ကီတၢ်ခဲလီၤ.

လံာ်သးသယုၢ်တၢ် 3:62

အဝဲသ့ၣ်စံးကတိၤတၢ်လၢယဂ့ၢ်သ့တနံၤကျၢၤဒီးမၤထီၣ်အတၢ်ကူၣ် တၢ်တိာ်တဖၣ်လီၤ.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.