စံးထီၣ်ပတြၢၤ 59:5 - Sgaw Karen Common Bible

⁵ ဂဲၤဆၢထၢၣ်, ယွၤ, သ့တၢ်လၢာ်အကစၢ်ယွၤဧၢ, ဟဲလၢတၢ်မၤစၢၤယၤအဂီၢ်တက့ၢ်. အံၣ်စရ့လးအကစၢ်ယွၤဧၢ, ဟဲကွၢ်လၢနကစၢ်ဒၣ်နဲတက့ၢ်. ဖုသံနီၣ်ထီၣ်ဒီးစံၣ်ညီၣ်ပှၤလၢ တဘူၣ်ထီၣ်ဘါထီၣ်နၤတဖၣ်, ဒုးနဲၣ်နတၢ်သးကညီၤဆူပှၤကူၣ်လီတၢ်တဖၣ် နီတစဲးတဂ့ၤ. စ့လၤ

စံးထီၣ်ပတြၢၤ 59:5 Iomraidhean Croise

လံာ်တၢ်ကဲထီၣ်အခီၣ်ထံး 33:20

ဒီးဖဲန့ၣ်မၤထီၣ်ဝဲတၢ်လုၢ်လီၢ်တခါဒီးကိးဝဲအမံၤလၢ “အ့ၤလံ,” ဒ်ပစံးတၢ်အသိး, “အံၣ်စရ့လးအကစၢ်ယွၤ” န့ၣ်လီၤ.

စံးထီၣ်ပတြၢၤ 54:3

အဂ့ၢ်ဒ်အံၤ, ပှၤပာ်ထီၣ်ထီအသးတဖၣ် ဂဲၤဆၢထၢၣ်ထီဒါယၤ, ပှၤမၤတၢ်အၢတဖၣ်ဃုယသးလီၤ. အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ

စံးထီၣ်ပတြၢၤ 55:15

မ်တၢ်သံလီၤဘၣ်လၢယဒုၣ်ယဒါတဖၣ်အလိၤ တချုးအဆၢကတီၢ်ဘၣ်ဒံးတက့ၢ်. မ်အလဲၤလီၤမူဒံးဝဲဆူပျုၤပူၤတက့ၢ်, တၢ်အၢတၢ်သီအိၣ်ဝဲလၢအတၢ်အိၣ်တၢ်ဆိးအလီၢ် ဒီးလၢအသးကံၢ်ပူၤန့ၣ်လီၤ.

စံးထီၣ်ပတြၢၤ 7:7

ဒုးအိၣ်ဖှိၣ်ရိဖှိၣ်ပှၤကလုာ်ခဲလၢာ်ဝးတရံးနၤ ဒီးပၢအီၤလၢနလီၢ်ထီၣ်ထီန့ၣ်တက့ၢ်.

စံးထီၣ်ပတြၢၤ 80:4

ယွၤသ့တၢ်လၢာ်အကစၢ်ယွၤဧၢ, မ့ၢ်နကသးထီၣ်နပှၤဂီၢ်မုၢ် အတၢ်ထုကဖၣ်န့ၣ်ဆံးယံာ်လဲၣ်.

စံးထီၣ်ပတြၢၤ 84:8

ယွၤ, သ့တၢ်လၢာ်အကစၢ်ယွၤဧၢ, ဒိကနၣ်ယဘါထုကဖၣ်တၢ်တက့ၢ်. စီၤယၤကိာ်အကစၢ်ယွၤဧၢ, ဒိကနၣ်လၢ်တက့ၢ်. စ့လၤ

စံးထီၣ်ပတြၢၤ 9:15

ပှၤတဘူၣ်ထီၣ်ဘါထီၣ်ယွၤတဖၣ်လီၤတဲာ်နုာ်ဆူ တၢ်ပူၤလၢအခူၣ်ဝဲလီၤ. အခီၣ်ဘၣ်ဘျးလံလၢပှာ်ဧိၤစၤဧိၤလၢ အပာ်လီၤခူသူၣ်ဒၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်တၢ်ဟးထီၣ်ကွံာ် 3:15

တဲဘၣ်ပှၤအံၣ်စရ့လးဖိတဖၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤန့ၣ်ဆှၢလီၤနၤဆူ အဝဲသ့ၣ်အအိၣ်တက့ၢ်. အအံၤမ့ၢ်ယမံၤအထူအယိာ် လၢပှၤတစိၤဘၣ်တစိၤကဘၣ်ကိးယၤန့ၣ်တက့ၢ်.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယံးရမံယၤ 18:23

ဘၣ်ဆၣ်ဒီးယွၤဧၢ, နသ့ၣ်ညါအဝဲသ့ၣ်အတၢ်ကူၣ်ကျဲၤတဖၣ်လၢ ကမၤသံယၤအဂီၢ်န့ၣ်လီၤ. ပျၢ်ဖျဲးအဝဲသ့ၣ်အတၢ်အၢတၢ်သီမ့ၢ်ဂ့ၤ, ပျဲပူၤအဝဲသ့ၣ်လၢအတၢ်ဒဲးဘးမ့ၢ်ဂ့ၤန့ၣ်တဂ့ၤ. ကွံာ်လီၤကွံာ်အဝဲသ့ၣ်လၢအတၢ်ဃၣ်ကွံာ်အပူၤဒီးမၤအဝဲသ့ၣ် ဖဲနသးဒိၣ်ထီၣ်ဒံးအဖၢမုၢ်အံၤန့ၣ်တက့ၢ်.”

လံာ်ဒၤနံးယ့လး 6:7

ပဝဲခဲလၢာ်လၢအပၢဆှၢနဘီနမုၢ်ဒ်ပှၤပၢဆှၢအံးထွဲကွၢ်ထွဲတၢ်, ကီၢ်စဲၣ်အပဒိၣ်ဖးဒိၣ်တဖၣ်, ဒီးပှၤပၢတၢ်ဖိတဖၣ်, ဘၣ်သူၣ်ဘၣ် သးအၢၣ်လီၤသကိးလၢနဲဒၣ်, စီၤပၤကဟ့ၣ်လီၤအကလုၢ် တမံၤဒီးမၤဆူၣ်မၤကျၢၤအီၤဃံးဃံးန့ၣ်လီၤ. ဟ့ၣ်လီၤနကလုၢ်ဒ်သိးလၢအသီသၢဆံအတီၢ်ပူၤန့ၣ်မ့တမ့ၢ် ဘၣ်ထဲတၢ်ကိးထီၣ်ဆူနအိၣ်ဒီးပှၤတဘၣ်ဘါထုကဖၣ်တၢ်ဆူ ကစၢ်တဂၤဂၤမ့ၢ်ဂ့ၤပှၤကညီတဂၤဂၤအအိၣ်မ့ၢ်ဂ့ၤနီတဂၤဘၣ်. ပှၤတဂၤလၢ်လၢ်လၢအလုၢ်သ့ၣ်ခါပတာ်တၢ်ကလုၢ်အံၤန့ၣ် ကဘၣ်တၢ်တ့ၢ်လီၤကွံာ်အီၤဆူခ့ယုၢ်တဖၣ်အတဝၢအပူၤန့ၣ်လီၤ.

လံာ်ဧၤမိၣ် 9:7

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.

ရိမ့ၤ 9:6

ယတစံးလၢကစၢ်ယွၤအတၢ်အၢၣ်လီၤဟးဂီၤကွံာ်လံ န့ၣ်ဘၣ်. အဂ့ၢ်ဒ်အံၤ, ပှၤဂီၢ်မုၢ်လၢအံၣ်စရ့လးအပူၤ တမ့ၢ်ကစၢ်ယွၤအပှၤဂီၢ်မုၢ်ခဲလၢာ်ဘၣ်.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.