စံးထီၣ်ပတြၢၤ 59:4 - Sgaw Karen Common Bible

⁴ ယွၤဧၢ, ဒီးယတၢ်ကမၣ်မ့ၢ်တအိၣ်ဒၣ်လဲာ်, အဝဲသ့ၣ်ဃ့ၢ်ဝဲဒီးအိၣ်ကတဲာ်ကတီၤ အသးလၢကဒုးယၤအဂီၢ်လီၤ.

စံးထီၣ်ပတြၢၤ 59:4 Iomraidhean Croise

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

စံးထီၣ်ပတြၢၤ 35:19

တဘၣ်ပျဲယဒုၣ်ယဒါလၢအလီတၢ်သ့ၣ်တဖၣ် သူၣ်ခုသးခုလၢ ယဘၣ်တၢ်မၤနၢၤယၤအဃိန့ၣ်တဂ့ၤ. တဘၣ်ပျဲပှၤလၢအသးဟ့ယၤကွၢ်တကျ့ယၤလၢ တၢ်ဂ့ၢ်တအိၣ်ဘၣ်နီတမံၤအပူၤန့ၣ်တဂ့ၤ.

စံးထီၣ်ပတြၢၤ 35:23

ထိၣ်ဂဲၤထီၣ်နသး, ဒီးဖုသံနီၣ်ထီၣ်လၢနကဒီဒၣ်ယၤ ဒီးကတိၤပူၤဖျဲးန့ၢ်တၢ်လၢယကွီၢ်အဂီၢ်တက့ၢ်. ယွၤယကစၢ်ယွၤဧၢ,

စံးထီၣ်ပတြၢၤ 44:23

ယွၤဧၢ, ဖုသံနီၣ်ထီၣ်တက့ၢ်, ဘၣ်မနုၤလၢနမံန့ၣ်လဲၣ်. ဂဲၤထၢၣ်တက့ၢ်. တဘၣ်စူးကွံာ်ပှၤထီဘိန့ၣ်တဂ့ၤ.

စံးထီၣ်ပတြၢၤ 5:6

နမၤဟးဂီၤပှၤလၢအကတိၤကဘျံးကဘျၣ်တၢ်လီၤ. ပှၤလၢအအဲၣ်ဒိးတၢ်ဂၢ်သွံၣ်ဂၢ်စီၤ, ဒီးပှၤလီတၢ်သ့ၣ်တဖၣ်န့ၣ် နသးဘၣ်အၢအီၤလီၤ.

စံးထီၣ်ပတြၢၤ 56:7

ကစၢ်ယွၤဧၢ, မ့ၢ်အဝဲသ့ၣ်ကပူၤဖျဲးလၢအတၢ်ကမၣ်အဃိန့ၣ်ဧါ, လၢနတၢ်သးထီၣ်အပူၤမၤလီၤဃံၤကွံာ် ပှၤဂီၢ်မုၢ်တဖၣ်န့ၣ်တက့ၢ်.

တၢ်ကတိၤဒိ. 1:16

အဂ့ၢ်ဒ်အံၤ, အဝဲသ့ၣ်တဖၣ်အခီၣ်ဃ့ၢ်ဝဲချ့ချ့ကလဲာ်ဆူတၢ် အၢတၢ်သီအပူၤလီၤ. ဒီးအိၣ်ကတဲာ်ကတီၤအသးထီဘိလၢကမၤသံတၢ်အဂီၢ်လီၤ.

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

မၤတၢ် 23:15

လၢတၢ်န့ၣ်အဃိခဲကနံၣ်အံၤ, သုဝဲဒီးကီၣ်ကးမၤလိာ်ရိမ့ၤသုးဖိတကထိအခိၣ်လၢအကဟဲ ဆှၢစီၤပီလူးဆူသုအိၣ်, ပာ်မၤသုသးလၢသုအဲၣ်ဒိးသ့ၣ်ညါလီၤတံၢ်ဂ့ၤထီၣ်အဝဲ အဂ့ၢ်အကျိၤန့ၣ်တက့ၢ်. မ့မ့ၢ်ပဝဲ, ပကအိၣ်ကတဲာ်ကတီၤ ပသးလၢပကမၤသံအီၤတချုးအဝဲဒၣ်ဟဲတုၤဖဲအံၤန့ၣ်လီၤ.”

ရိမ့ၤ 3:15

အဝဲသ့ၣ်ပ့ၢ်ချ့လၢကမၤဆါဒီးမၤသံတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:4

စီၤယိနၤသၣ်စံးပတြၢၤစီၤဒၤဝံးလၢစီၤစီလူးအမဲာ်ညါဒီး စံးဘၣ်အီၤ, “တၢ်ဒိၣ်ဧၢ, မၤကမၣ်နခ့နပှၤစီၤဒၤဝံးတဂ့ၤ. အဝဲတမၤကမၣ်တ့ၢ်နၤနီတမံၤဘၣ်. မ့မ့ၢ်တခီ, ကယဲၢ်တၢ်ကိးမံၤလၢအမၤတ့ၢ်ဝဲန့ၣ်ကဲထီၣ်တၢ်မၤစၢၤဖးဒိၣ်လၢ နဂီၢ်လီၤ.