စံးထီၣ်ပတြၢၤ 58:6 - Sgaw Karen Common Bible

⁶ ကစၢ်ယွၤဧၢ, မၤပိာ်အမဲလၢအကိာ်ပူၤန့ၣ်တက့ၢ်. ယွၤဧၢ, မၤကၢ်ကွံာ်အမဲလၢအလီၤဂာ်ဒီးခ့ ယုၢ်ဖိအမဲထွံၣ်န့ၣ်တက့ၢ်.

စံးထီၣ်ပတြၢၤ 58:6 Iomraidhean Croise

လံာ်စီၤယိၤဘး 29:17

ယမၤဟးဂီၤကွံာ်ပှၤအၢပှၤသီတဖၣ်အစိကမီၤဒီးအုၣ်က့ၤခီၣ် က့ၤပှၤလၢအဝဲသ့ၣ်မၤအၢမၤနးဝဲဒၣ်တဖၣ်န့ၣ်လီၤ.

လံာ်စီၤယိၤဘး 41:14

မတၤအိးထီၣ်အခၣ်ဃံလၢအပှဲၤဒီးအမဲလီၤပျံၤလီၤဖုးတဖၣ် ဘူၣ်တဂၤလဲၣ်.

စံးထီၣ်ပတြၢၤ 10:15

မၤကၢ်ပှၤတတီတလိၤဒီးပှၤမၤတၢ်အၢဖိတဖၣ်အစု, စံၣ်ညီၣ်အဝဲသ့ၣ်လၢ တၢ်ကမၣ်လၢ မၤတ့ၢ်ဝဲအဃိ, တုၤလၢအတမၤလၢၤဝဲနီတစုတက့ၢ်.

စံးထီၣ်ပတြၢၤ 17:12

အဝဲသ့ၣ်လီၤဂာ်ဒီးခ့ယုၢ်တဖၣ်လၢအခိးကွၢ်ယၤ လၢအကဖှီယာ်ယၤန့ၣ်လီၤ.

စံးထီၣ်ပတြၢၤ 3:7

ယွၤဧၢ, ဂဲၤဆၢထၢၣ်တက့ၢ်. ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်. နကျီကွံာ်လံယဒုၣ်ယဒါအခၣ်ဃံခဲလၢာ်လံ. နမၤပိာ်လံပှၤတတီတလိၤဘၣ်တဖၣ်အမဲလံ.

စံးထီၣ်ပတြၢၤ 91:13

နကယီၢ်တံၢ်ခ့ယုၢ်တဖၣ်ဒီးဂုၢ်သီတဖၣ်, ခ့ယုၢ်ဖိဒီးဂုၢ်လၢအစုၣ်အၢန့ၣ်နကယီၢ်တံၢ်အီၤလၢ နခီၣ်အဖီလာ်လီၤ.

လံာ်ပှၤစံၣ်တဲၤတဲလီၤတၢ် 10:11

နမ့ၢ်ပျဲဂုၢ်သ့ၣ်အ့ၣ်ဆိနၤဒီး, တၢ်သ့ၣ်ညါရဲၢ်န့ၢ်ဂုၢ်သ့ၣ်တဘိ န့ၣ်အဘျုးတအိၣ်လၢနဂီၢ်နီတမံၤဘၣ်.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယံးရမံယၤ 8:17

ယွၤစံးဝဲ, “ပလီၢ်သုသးတက့ၢ်. ယဆှၢလီၤလံဂုၢ်သ့ၣ်တဖၣ်လၢသုကျါ, ဂုၢ်တဖၣ်လၢအစုၣ်အၢ, လၢတၢ်သမူပယၢ်န့ၢ်အီၤတသ့ဘၣ်ဒီးအ ဝဲသ့ၣ်ကအ့ၣ်သုလီၤ.”

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်မံကၤ 5:8

ဒီးကီၢ်အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ဒံးလၢ ပှၤကလုာ်တဖၣ်အကျါန့ၣ်ကလီၤဂာ်ဒီးခ့ယုၢ်တဒုလၢအဃုကွၢ်တၢ် အိၣ်လၢပှၢ်လၢ်ကျါမ့တမ့ၢ်လၢတၢ်အီၣ်ဆၣ်အလီၢ်န့ၣ်လီၤ. ဟဲနုာ်ဆူသိတဖၣ်အကျါ, စံၣ်ပှီၤအဝဲသ့ၣ်ဒီးအ့ၣ်ဖှီလီၤကလဲ ကွံာ်အီၤဒီးတၢ်မုၢ်လၢ်လၢကပူၤဖျဲးတအိၣ်ဘၣ်.

လံာ်တၢ်ဂံၢ် 23:24

ကီၢ်အံၣ်စရ့လးအပှၤကလုာ်အံၤလီၤဂာ်ဒ်ခ့ယုၢ်လၢအဂံၢ်ဆူၣ်ဘါ ဆူၣ်တဒုအသိးန့ၣ်လီၤ. တချုးလၢအအ့ၣ်ဖှီတၢ်ဒီးအီၣ်ကွံာ်တၢ်ဒံးဘၣ်, တချုးအအီဘၣ်တၢ်တဖၣ်လၢအမၤသံဝဲအသွံၣ်ဘၣ်န့ၣ်, တအိၣ်ဘှံးဝဲဘၣ်.”