စံးထီၣ်ပတြၢၤ 58:4 - Sgaw Karen Common Bible

⁴ အဝဲသ့ၣ်အစုၣ်လီၤဂာ်ဒ် ဂုၢ်သ့ၣ်တဖၣ်လၢအအိၣ်ဒီးအစုၣ် မၤအသးလီၤဂာ်ဒီးဂုၢ်သီ လၢအနၢ်တအၢ, ဆွံတံာ်အနၢ်ပူၤ,

စံးထီၣ်ပတြၢၤ 58:4 Iomraidhean Croise

လံာ်တၢ်ကဲထီၣ်အခီၣ်ထံး 3:2

ဒီးပိာ်မုၣ်န့ၣ်စံးဆၢအီၤ, “သ့ၣ်အသၣ်လၢကယဲၢ်သ့ၣ်တထံးလၢ် လၢ်လၢတၤသၣ်အလီၢ်ပူၤန့ၣ်ပအီၣ်အီၤသ့လီၤ.

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤယိၤဘး 20:14

ဘၣ်ဆၣ်ဒီး တၢ်အီၣ်န့ၣ် ကကဲထီၣ်က့ၤတၢ်အခၣ်နးနးကလဲာ်လၢ အကဖုပူၤ, ခၣ်ဝဲဒ်ကယဲၢ်မ့ၢ်တၢ်စုၣ်တမံၤလၢ်လၢ်အသိးန့ၣ်လီၤ.

လံာ်စီၤယိၤဘး 20:16

အဝဲကဆူးအီၣ်ဝဲဂုၢ်အၢတဖၣ်အစုၣ်ဒီးဂုၢ်ဘီၣ်အီးအမဲထွံၣ်က မၤသံအီၤလီၤ. တၢ်လၢပှၤအၢပှၤသီတဂၤယူၢ်လီၤဝဲန့ၣ် လီၤဂာ်ဒ်တၢ်စုၣ်အသိး, တၢ်န့ၣ်မၤသံအီၤလီၤဂာ်ဒီး ဂုၢ်သ့ၣ်လၢအစုၣ်အိၣ်, အတၢ်အ့ၣ်အီၤန့ၣ်လီၤ.

စံးထီၣ်ပတြၢၤ 140:3

အပျ့ၤသ့ၣ်တဖၣ်လီၤဂာ်ဒ်ဂုၢ်လၢအဖျးသံတၢ်, ဒီးအတၢ်ကတိၤတဖၣ်လီၤဂာ်ဒ် ဂုၢ်သီအစုၣ်အသိးန့ၣ်လီၤ. စ့လၤ

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်ပှၤစံၣ်တဲၤတဲလီၤတၢ် 10:11

နမ့ၢ်ပျဲဂုၢ်သ့ၣ်အ့ၣ်ဆိနၤဒီး, တၢ်သ့ၣ်ညါရဲၢ်န့ၢ်ဂုၢ်သ့ၣ်တဘိ န့ၣ်အဘျုးတအိၣ်လၢနဂီၢ်နီတမံၤဘၣ်.

လံာ်ယၡါယၤ 11:8

ဖိသၣ်ဖိတဂၤ, မ့ၢ်လိာ်ကွဲဘူးဒီးဂုၢ်လၢအစုၣ်အိၣ်တဘိဒၣ်လဲာ်, တဘၣ်ဒိဘၣ်ထံးဝဲဘၣ်.

လံာ်ယံးရမံယၤ 8:17

ယွၤစံးဝဲ, “ပလီၢ်သုသးတက့ၢ်. ယဆှၢလီၤလံဂုၢ်သ့ၣ်တဖၣ်လၢသုကျါ, ဂုၢ်တဖၣ်လၢအစုၣ်အၢ, လၢတၢ်သမူပယၢ်န့ၢ်အီၤတသ့ဘၣ်ဒီးအ ဝဲသ့ၣ်ကအ့ၣ်သုလီၤ.”

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

ရိမ့ၤ 3:13

အဝဲသ့ၣ်အကိာ်ပူၤတဖၣ်လီၤဂာ်ဒ် တၢ်သွၣ်ခိၣ်အပူၤအိၣ်အိးထီၣ်အသးအသိး, တၢ်လီတၢ်ဝ့ၤအအၢအသီတဖၣ် ဟဲထီၣ်လၢအပျ့ၤအလိၤ, ဒီးတၢ်ကတိၤအအၢအသီဒ် ဂုၢ်အၢအစုၣ်အပျၢ်အသိးတဖၣ်န့ၣ် ဟးထီၣ်လၢအထးခိၣ်,

လံာ်သိၣ်လီၤသီလီၤတၢ် 32:33

အဝဲသ့ၣ်လီၤဂာ်ဒီးစံးထံလၢတၢ်မၤန့ၢ်အီၤလၢဂုၢ်တဖၣ်အစုၣ် န့ၣ်လီၤ.

ယၤကိာ် 3:8

မ့မ့ၢ်ပျ့ၤန့ၣ်ပှၤမၤဘှါအီၤတန့ၢ်ဒံးနီတဂၤဘၣ်. မ့ၢ်တၢ်အၢတၢ်သီလၢပှၤပၢၤဃာ်အီၤတန့ၢ်ဒီးလၢပှဲၤဝဲဒီး အစုၣ်အပျၢ်လၢအမၤသံတၢ်လီၤ.