စံးထီၣ်ပတြၢၤ 58:10 - Sgaw Karen Common Bible

¹⁰ ပှၤတီပှၤလိၤကသးခုဝဲဖဲ အထံၣ်တၢ်စံၣ်ညီၣ်ပှၤတၢ်ဒဲးဘးဖိတဖၣ်, ဒီးကသ့ကွံာ်အခီၣ်လၢပှၤတတီတလိၤအသွံၣ်အကျါန့ၣ်လီၤ.

စံးထီၣ်ပတြၢၤ 58:10 Iomraidhean Croise

လံာ်စီၤယိၤဘး 22:19

တုၤပှၤတတီတလိၤဘၣ်တၢ်စံၣ်ညီၣ်အီၤန့ၣ်ဒီးပှၤဂ့ၤပှၤဝါတဖၣ် သးခုဝဲ, ဒီးပှၤလၢအတၢ်ဒဲးဘးတအိၣ်ဘၣ်တဖၣ်န့ၣ်နံၤဘၣ်ဖၣ် လဲအီၤလီၤ.

လံာ်စီၤယိၤဘး 29:6

ယဂီၤဖံးမိၢ်တဖၣ်ဒီးမဲာ်တဲးလဲးတဖၣ်ဟ့ၣ်ယၤတၢ်နုၢ်ထံအါမး ဒီးယသ့ၣ်စၤယံးသ့ၣ်တဖၣ်မဲထီၣ်ဝဲလၢလၢၢ်ခိၣ်လ့ကျါအပူၤန့ၣ်လီၤ.

စံးထီၣ်ပတြၢၤ 107:42

ပှၤအတီအလိၤထံၣ်တၢ်အံၤဒီးသးခုဝဲ, မ့မ့ၢ်ပှၤအၢပှၤသီခဲလၢာ်ကျၢၢ်တံၢ်အထးခိၣ်လီၤ.

စံးထီၣ်ပတြၢၤ 52:6

ပှၤအတီအလိၤကထံၣ်ဘၣ်ဝဲ, ဒီးကပျံၤတၢ်, ဒီးကနံၤဘၣ်နၤ, ဒီးစံးဝဲ,

စံးထီၣ်ပတြၢၤ 64:10

မ်ပှၤတီပှၤလိၤသးခုလၢယွၤအပူၤ ဒီးအိၣ်ပူၤဖျဲးလၢအပူၤန့ၣ်တက့ၢ်. မ်ပှၤလၢအအိၣ်ဒီးတၢ်သူၣ်တီသးလိၤ မၤလၤကပီၤအပီၤအီၤလၢ အသးပူၤတက့ၢ်. စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 68:23

ဒ်သိးသုကဘျၢလီၤသုခီၣ်လၢ အဝဲသ့ၣ်အသွံၣ်အပူၤဒီး သုထွံၣ်တဖၣ်ကလ့ၣ်တၢ်ဖဲအဲၣ်ဒိးလ့ၣ်ဝဲန့ၣ်လီၤ.”

စံးထီၣ်ပတြၢၤ 91:8

နကကွၢ်တၢ်ဒီးထံၣ်ဘၣ်ပှၤတတီတလိၤတဖၣ် ဘၣ်တၢ်သိၣ်ဃီၣ်အီၤဒ်လဲၣ်န့ၣ်လီၤ.

တၢ်ကတိၤဒိ. 10:25

ကလံၤသီၣ်ဂီၤဟဲလီၤဝဲဒီးပှၤတတီတလိၤတဖၣ်ဒံကွံာ်ဒံဖျိး ကွံာ်ဝဲလီၤ. မ့မ့ၢ်, ပှၤအတီအလိၤတဖၣ်အိၣ်ဂၢၢ်ဆိးကျၢၤဝဲတဘိ ယူာ်ဃီလီၤ.

တၢ်ကတိၤဒိ. 11:10

ဝ့ၢ်တဝ့ၢ်သးခုဝဲဖဲပှၤအတီအလိၤတဖၣ်ဘီၣ်ထီၣ်ညီထီၣ်န့ၣ်လီၤ. ဒီးတၢ်သးခုအတၢ်ကိးပသူထီၣ်တဖၣ်အိၣ်ဝဲဖဲပှၤတတီတလိၤတဖၣ် သံဝဲန့ၣ်လီၤ.

လံာ်သိၣ်လီၤသီလီၤတၢ် 32:43

ပှၤကလုာ်တဖၣ်ဧၢ, သုကဘၣ်စံးထီၣ်ပတြၢၤယွၤအပှၤဂီၢ်မုၢ်, အဝဲစံၣ်ညီၣ်ကယဲၢ်ပှၤလၢအမၤသံအဝဲသ့ၣ်န့ၣ်လီၤ. အဝဲဟ့ၣ်ကၣ်တၢ်လၢအဒုၣ်အဒါတဖၣ်အလိၤ ဒီးပျၢ်ကွံာ်အဝဲအပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ.”

လံာ်လီၣ်ဖျါ 14:20

စပံးသၣ်တဖၣ်ဘၣ်တၢ်ယီၢ်အီၤလၢကျိးပူၤဖဲဝ့ၢ်အချၢဒီး တၢ်သွံၣ်ဟဲထီၣ်လၢနီၣ်စံၢ်စပံးသၣ်အကျိးပူၤဒီးပုာ်ထီၣ် ယွၤလီၤဝဲအထီကဘၣ်အမံးလးခံကယၤဒီးအယိာ်ကဘၣ် သၢပျၢ်တထါန့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်ပှၤစံၣ်ညီၣ်ကွီၢ် 5:31

မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.