စံးထီၣ်ပတြၢၤ 57:8 - Sgaw Karen Common Bible

⁸ ဖုသံနီၣ်ထီၣ်, ယသးဧၢ, ဖုသံနီၣ်ထီၣ်, ယသီတူၢ်ဒီးတနၢ်သ့ၣ်ဧၢ, ယကထိၣ်ဂဲၤမုၢ်ဆ့ၣ်ဝါန့ၣ်လီၤ.

စံးထီၣ်ပတြၢၤ 57:8 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:28

ဖဲအဝဲသ့ၣ်က့ၤတုၤဆူဝ့ၢ်န့ၣ်, အဝဲသ့ၣ်လဲၤထီၣ်ဆူယွၤအတၢ် လုၢ်ဟံၣ်အိၣ်ဒီးတၢ်သးဝံၣ်အသီၣ်လၢသီတူၢ်တဖၣ်, ဒီးကွဲၤတဖၣ်န့ၣ်လီၤ.

စံးထီၣ်ပတြၢၤ 150:3

စံးထီၣ်ပတြၢၤအီၤလၢကွဲၤအသီၣ်န့ၣ်တက့ၢ်. စံးထီၣ်ပတြၢၤအီၤလၢသီတူၢ်ဒီးတနၢ်တက့ၢ်.

စံးထီၣ်ပတြၢၤ 16:9

လၢတၢ်န့ၣ်အဃိ, ယသးပှဲၤဒီးတၢ်စံးဘျုးစံးဖှိၣ် ဒီးယသူၣ်ခုယသးခုယဲလီၤ. ဒီးယသ့ၣ်ညါလၢယပူၤဖျဲးလၢလၢပှဲၤပှဲၤလံန့ၣ်လီၤ.

စံးထီၣ်ပတြၢၤ 27:6

ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 30:12

ဒ်သိးယသးအသုတအိၣ်ဘှီၣ်တဂ့ၤ ဒီးကစံးထီၣ်ပတြၢၤနၤအဂီၢ်လီၤ. ယွၤ, ယကစၢ်ယွၤဧၢ, ယကစံးထီၣ်ပတြၢၤနၤလီၤထူလီၤယိာ်လီၤ.

စံးထီၣ်ပတြၢၤ 43:4

အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 52:9

ကိးသတြီထီၣ်လၢတၢ်သးခု အတၢ်ကိးထီၣ်တဖၣ်တက့ၢ်, သုဝဲဝ့ၢ်ယရူၤၡလ့ၣ်အတၢ်ဟးဂီၤတဖၣ်ဧၢ. ယွၤကမၤပူၤဖျဲးအဝ့ၢ်ဒၣ်ဝဲဒီးမၤမုာ်မၤခုၣ်အပှၤဂီၢ်မုၢ်လီၤ.

မၤတၢ် 2:26

အန့ၣ်ဒီးယသးပှဲၤဒီးတၢ်သးခု, ယတၢ်စံးတၢ်ကတိၤတဖၣ်ပှဲၤဒီး တၢ်သူၣ်ဖှံသးညီလီၤ. ဒီးယဲဒၣ်ယမ့ၢ်ပှၤလၢအသံသ့သနာ်က့, ယကအိၣ်မံသူၣ်မံသးလၢတၢ်မုၢ်လၢ်အပူၤလီၤ.

လံာ်ပှၤစံၣ်ညီၣ်ကွီၢ် 5:12

ဆှၢဆူညါ, နီၢ်ဒဘိရၤဧၢ, ဆှၢဆူညါတက့ၢ်. ဆှၢဆူညါ, သးဝံၣ်ထီၣ်တၢ်သးဝံၣ်တယုၢ်, ဆှၢဆူညါတက့ၢ်. လဲၤထီၣ်ဆူညါ, စီၤအဘံနိၣ်အဖိခွါစီၤဘါရးဧၢဆှၢပှၤလၢတၢ်စိာ်မၢကဲကုၢ်အီၤတဖၣ်တက့ၢ်.