စံးထီၣ်ပတြၢၤ 57:10 - Sgaw Karen Common Bible

¹⁰ အဂ့ၢ်ဒ်အံၤ, နတၢ်အဲၣ်အဂၢၢ်အကျၢၤဒိၣ် တုၤအထီၣ်ဘးဆူမူခိၣ်အလီၢ်တဖၣ်ဒီး နတၢ်တီတၢ်လိၤပၢၢ်လၢတၢ်အၢၣ်တဖၣ်လီၤ.

စံးထီၣ်ပတြၢၤ 57:10 Iomraidhean Croise

စံးထီၣ်ပတြၢၤ 103:11

အဂ့ၢ်ဒ်အံၤ, ဒ်မူခိၣ်ကစီၤထီၣ်ဝဲလၢ ဟီၣ်ခိၣ်အဖီခိၣ်အသိးန့ၣ် အတၢ်အဲၣ်ဂၢၢ်ကျၢၤဒိၣ်ဝဲအါဝဲလၢ ပှၤလၢအပျံၤအီၤအဂီၢ်ဒ်န့ၣ်အသိးလီၤ.

စံးထီၣ်ပတြၢၤ 108:4

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤဒိၣ်ဝဲလၢမူခိၣ်အဖီခိၣ်, နတၢ်သူၣ်တီသးလိၤ ပၢၢ်တုၤလၢတၢ်အၢၣ်တဖၣ်န့ၣ်လီၤ.

စံးထီၣ်ပတြၢၤ 18:50

ကစၢ်ယွၤဟ့ၣ်တၢ်မၤနၢၤဖးဒိၣ်တဖၣ်လၢအစီၤပၤ, ပာ်ဖျါထီၣ်အတၢ်အဲၣ်ဂၢၢ်ကျၢၤဆူ အပှၤဒိးဖှူအသး, ဆူစီၤဒၤဝံးဒီးအစၢၤအသွဲၣ်တဖၣ် ထီဘိတဘိယူၢ်ဃီန့ၣ်လီၤ.

စံးထီၣ်ပတြၢၤ 36:5

ယွၤဧၢ, နတၢ်အဲၣ်ဂၢၢ်ကျၢၤ, ထီၣ်ဘးဆူမူခိၣ်, နတၢ်သးတီန့ၣ်တုၤလၢမူကပိာ်လိၤန့ၣ်လီၤ.

စံးထီၣ်ပတြၢၤ 59:17

ယဂံၢ်ယဘါဧၢ, ယကသးဝံၣ်စံးထီၣ်ပတြၢၤနၤလီၤ. နဲဒၣ်ကစၢ်ယွၤဧၢ, နမ့ၢ်ယတၢးထီၣ်ထီ, ကစၢ်ယွၤလၢအအဲၣ်ယၤလီၤ.

စံးထီၣ်ပတြၢၤ 71:19

ကစၢ်ယွၤဧၢ, နတၢ်တီတၢ်လိၤတုၤဃီၤဆူ မူခိၣ်လၢအထီန့ၣ်လီၤ. ပှၤလၢအမၤတၢ်အဒိၣ်တဖၣ်တဂၤဧၢ, မ့ၢ်မတၤမၤသးဒ်နၤအသိးန့ၣ်တဂၤလဲၣ်, ယွၤဧၢ.