စံးထီၣ်ပတြၢၤ 57:1 - Sgaw Karen Common Bible

¹ သူၣ်ကညီၤသးကညီၤယၤ, ကစၢ်ယွၤဧၢ, သူၣ်ကညီၤသးကညီၤယၤတ က့ၢ်. အဂ့ၢ်ဒ်အံၤ, ယသးသန့ၤအသးလၢနၤလီၤ. ယကဟံးန့ၢ်တၢ်အိၣ်ဘံၣ်အိၣ်ဘၢလၢနဒံးဆ့အဖီလာ် တုၤတၢ်ကိၢ်တၢ်ဂီၤအကလံၤမုၢ် လဲၤပူၤကွံာ်ယၤန့ၣ်လီၤ.

စံးထီၣ်ပတြၢၤ 57:1 Iomraidhean Croise

စံးထီၣ်ပတြၢၤ 125:1

ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ်စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ်ဝဲဆိးဝဲလီၤထူလီၤယိာ်လီၤ.

စံးထီၣ်ပတြၢၤ 13:5

ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်, ယကသးခုယဲ, မ့ၢ်လၢ နကအုၣ်က့ၤခီၣ်က့ၤယၤအဃိလီၤ.

စံးထီၣ်ပတြၢၤ 142:1

ယကိးထီၣ်ယွၤလၢတၢ်မၤစၢၤအဂီၢ်, ယဃ့ကညးတၢ်ဒီးအီၤန့ၣ်လီၤ.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 36:7

ယွၤဧၢ, နတၢ်အဲၣ်ဂၢၢ်ကျၢၤအံၤလုၢ်ဒိၣ်ပှ့ၤဒိၣ်ဆံးဒိၣ်လဲၣ်. ပထံၣ်န့ၢ်တၢ်ကဟုဘံၣ်ကယာ်ဘၢလၢနဒံးဆ့အကဒုအဖီလာ်န့ၣ် လီၤ.

စံးထီၣ်ပတြၢၤ 56:1

ကစၢ်ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ ယဘၣ်တၢ်ဒုးထီဒါယၤ ဒီးယဒုၣ်ယဒါတဖၣ် မၤနးမၤဖှီၣ်ယၤတထံၣ်ဃီလီၤ.

စံးထီၣ်ပတြၢၤ 58:1

မ့ၢ်သုဝဲပှၤပၢတၢ်တဖၣ်ကတိၤတၢ် မ့ၢ်တၢ်တီနီၢ်နီၢ်ကစီဒီဧါ. မ့ၢ်သုစံၣ်ညီၣ်ပှၤကိးဂၤဒဲး တီတီလိၤလိၤကစီစီဧါ.

စံးထီၣ်ပတြၢၤ 59:1

ကစၢ်ယွၤဧၢ, မၤပူၤဖျဲးယၤလၢယဒုၣ်ယဒါတဖၣ်န့ၣ်တက့ၢ်. ကဟုဘံၣ်ကယာ်ဘၢယၤလၢပှၤလၢ အဂဲၤဆၢထၢၣ်ထီဒါယၤတဖၣ်န့ၣ်တက့ၢ်.

စံးထီၣ်ပတြၢၤ 61:4

ပျဲယကအိၣ်ဘၣ်လၢနဒဲစီဆှံအပူၤလီၤထူလီၤယိာ်, ဟ့ၣ်ယၤတၢ်ပူၤဖျဲးလၢနဒံးဆ့အဖီလာ်န့ၣ်တက့ၢ်. စ့လၤ

စံးထီၣ်ပတြၢၤ 63:7

အဂ့ၢ်ဒ်အံၤ, ထီဘိနမ့ၢ်တ့ၢ်ယတၢ်မၤစၢၤ ဒီးယသးဝံၣ်တၢ်လၢတၢ်သူၣ်ဖှံသးညီအဃိ, လၢနဒံးဆ့အဖီလာ်လီၤ.

စံးထီၣ်ပတြၢၤ 75:1

ကစၢ်ယွၤဧၢ, ပစံးဘျုးစံးဖှိၣ်နၤ, ပစံးဘျုးစံးဖှိၣ်တၢ်လီၤ. ပကိးထီၣ်နမံၤ ဒီးပဂံၢ်ထီၣ်ဒွးထီၣ်က့ၤနတၢ်ဒိၣ်တၢ်မုၢ် နတၢ်မၤလီၤလးတဖၣ်န့ၣ်လီၤ.

စံးထီၣ်ပတြၢၤ 9:10

ဒီးပှၤလၢအသ့ၣ်ညါနမံၤန့ၣ်ကသန့ၤအသးလၢနၤလီၤ. အဂ့ၢ်ဒ်အံၤ, ယွၤဧၢ, နတစူးကွံာ်ညိကွံာ်ပှၤလၢအဃုနၤန့ၣ်ဘၣ်.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

စံးထီၣ်ပတြၢၤ 91:4

အဝဲကကျၢၢ်ဘၢနၤလၢအဒံးဆ့တဖၣ်, နကဘၣ်တၢ်မၤပူၤဖျဲးနၤလၢ အတၢ်အံးထွဲကွၢ်ထွဲနၤအပူၤ, ဒီးအတၢ်သူၣ်တီသးလိၤ ကကဟုဘံၣ်ကယာ်ဘၢနၤဒီးကဒီသဒၢနၤလီၤ.

စံးထီၣ်ပတြၢၤ 91:9

အဂ့ၢ်ဒ်အံၤ, နဒုးကဲထီၣ်တ့ၢ်လံယွၤလၢ နတၢ်ပူၤဖျဲးအလီၢ် ဒီးတၢ်ထီကတၢၢ်တဂၤလၢ နတၢ်အိၣ်တၢ်ဆိးအလီၢ်န့ၣ်လီၤ.

လံာ်ယၡါယၤ 10:25

လၢတစိၢ်ဖိအတီၢ်ပူၤန့ၣ်, ယကမၤဝံၤယတၢ်စံၣ်ညီၣ်သု, ဝံၤဒီးယကမၤဟးဂီၤအဝဲသ့ၣ်လီၤ.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

လံာ်ယိၤဟၣ် 16:20

ယစံးဘၣ်တဲဘၣ်သုတၢ်မ့ၢ်တၢ်တီ, သုကဟီၣ်သုကယၢၤဘၣ်ဆၣ်ဒီး ဟီၣ်ခိၣ်ကသးခုလီၤ. သုကသူၣ်အုးသးအုးဘၣ်ဆၣ်ဒီး သုတၢ်သူၣ်အုးသးအုးန့ၣ်, ကကဲထီၣ်ကဒါက့ၤလၢ တၢ်သူၣ်ခုသးခု န့ၣ်လီၤ.

လံာ်သိၣ်လီၤသီလီၤတၢ် 9:26

ဒီးယဘါထုကဖၣ်တၢ်ဒီးစံး, ယွၤပၢဘၣ်တၢ်ခဲလၢာ်ကစၢ်ဧၢ, မၤဟးဂီၤကွံာ်နပှၤဂီၢ်မုၢ်ဒၣ်နဲတဂ့ၤ. ပှၤဂီၢ်မုၢ်အံၤနမၤပူၤဖျဲးတ့ၢ်အီၤဒီးထုးထီၣ်ကွံာ်အီၤလၢ ကီၢ်အဲၤကူပတူးအပူၤလၢနဂံၢ်နဘါဖးဒိၣ်ဒီးတၢ်စိတၢ်ကမီၤအပူၤန့ၣ် လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်နီၢ်ရူၤသး 2:12

မ်ယွၤဟ့ၣ်ဘျုးက့ၤနၤလၢတၢ်လၢနမၤတ့ၢ်တဖၣ်အဃိန့ၣ်တက့ၢ်. မ်အံၣ်စရ့လးအကစၢ်ယွၤလၢနဟဲဃုတၢ်အိၣ်သဒၢလၢအဒံးဆ့ဖီလာ် တဂၤန့ၣ်ဟ့ၣ်ဘျုးက့ၤနၤလၢလၢပှဲၤပှဲၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 22:1

စီၤဒၤဝံးဃ့ၢ်ထီၣ်ကွံာ်လၢကီၢ်ကၤသးအဝ့ၢ်ပူၤဒီးလဲၤဆူ လ့ကအိတခါလၢအဘူးဒီးဝ့ၢ်ဧးဒူးလၣ်လီၤ. ဖဲအဒီပုၢ်ဝဲၢ်တဖၣ်ဒီးအဟံၣ်ဖိဃီဖိလၢအအိၣ်လီၤတဲာ်တဖၣ်နၢ်ဟူလၢအအိၣ်ဖဲန့ၣ်ဒီးအဝဲသ့ၣ်လဲၤမၤသကိးတၢ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:3

အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:4

ပှၤတဖၣ်စံးဘၣ်အီၤ, “တၢ်အံၤမ့ၢ်နခွဲးနယာ်လီၤ. ယွၤစံးတ့ၢ်ဝဲလၢကပာ်နဒုၣ်နဒါလၢနစိကမီၤအဖီလာ်ဒီးနမၤအီၤ ဒ်နသးအိၣ်မၤအီၤအသိးန့ၣ်သ့ဝဲဒၣ်လီၤ.” စီၤဒၤဝံးလဲၤစွါဝဲဒီးကူးတဲာ်န့ၣ်စီၤစီလူးအဆ့ကၤဖးထီတက့လီၤ. တၢ်န့ၣ်စီၤစီလူးတသ့ၣ်ညါဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:8

အန့ၣ်ဝံၤဒီးစီၤဒၤဝံးဟးထီၣ်လၢအလီၢ်ဒီးကိးအီၤလီၤ, “နဲဒၣ်စီၤပၤဖးဒိၣ်ဧၢ” ဒီးစီၤစီလူးဃၣ်တရံးအသးဒီး စီၤဒၤဝံးတီၤလီၤဆူဟီၣ်ခိၣ်လိၤအိၣ်ဒီးတၢ်ယူးယီၣ်,

လံာ်စီၤၡမူၤအ့လးအခီၣ်ထံးတဘ့ၣ် 26:9

ဘၣ်ဆၣ်ဒီးစီၤဒၤဝံးစံးဝဲ, “နတဘၣ်မၤဆါအီၤဘၣ်. ပှၤတဂၤလၢ်လၢ်လၢအမၤဆါယွၤအပှၤဃုထၢဖိစီၤပၤန့ၣ်ယွၤကစံၣ် ညီၣ်အီၤသပှၢ်ကတၢၢ်လီၤ.”