စံးထီၣ်ပတြၢၤ 56:7 - Sgaw Karen Common Bible

⁷ ကစၢ်ယွၤဧၢ, မ့ၢ်အဝဲသ့ၣ်ကပူၤဖျဲးလၢအတၢ်ကမၣ်အဃိန့ၣ်ဧါ, လၢနတၢ်သးထီၣ်အပူၤမၤလီၤဃံၤကွံာ် ပှၤဂီၢ်မုၢ်တဖၣ်န့ၣ်တက့ၢ်.

စံးထီၣ်ပတြၢၤ 56:7 Iomraidhean Croise

စံးထီၣ်ပတြၢၤ 36:12

ကွၢ်, ပှၤမၤတၢ်အၢတဖၣ်လီၤဃံၤန့ၣ်တက့ၢ်. အဝဲသ့ၣ်မံလီၤဖဲန့ၣ်, ဂဲၤဆၢထၢၣ်က့ၤဝဲတန့ၢ်လၢၤဘၣ်န့ၣ် လီၤ.

စံးထီၣ်ပတြၢၤ 37:32

ပှၤအၢပှၤသီကွၢ်ဟုၣ်ကွၢ်စုာ်ပှၤအဂ့ၤအဝါ ဒီးဃုမၤသံအီၤန့ၣ်လီၤ.

စံးထီၣ်ပတြၢၤ 49:6

ပှၤလၢအနာ်န့ၢ်အတၢ်ထူးတၢ်တီၤ ဒီးပာ်ကဖိအသးလၢအတၢ်ထူးတၢ်တီၤ အဒိၣ်အအါအဃိသ့ၣ်တဖၣ်န့ၣ်ဘၣ်.

စံးထီၣ်ပတြၢၤ 55:15

မ်တၢ်သံလီၤဘၣ်လၢယဒုၣ်ယဒါတဖၣ်အလိၤ တချုးအဆၢကတီၢ်ဘၣ်ဒံးတက့ၢ်. မ်အလဲၤလီၤမူဒံးဝဲဆူပျုၤပူၤတက့ၢ်, တၢ်အၢတၢ်သီအိၣ်ဝဲလၢအတၢ်အိၣ်တၢ်ဆိးအလီၢ် ဒီးလၢအသးကံၢ်ပူၤန့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

စံးထီၣ်ပတြၢၤ 55:9

ယွၤဧၢ, မၤဟးဂီၤအတၢ်တိာ်ပာ် ဒီးမၤသဘံၣ်ဘုၣ်အပျ့ၤတဖၣ်န့ၣ်တက့ၢ်. အဂ့ၢ်ဒ်အံၤ, ယထံၣ်တၢ်မၤအၢဒီး တၢ်အ့ၣ်လိာ်ဆိးက့လိာ်လၢဝ့ၢ်ပူၤလီၤ.”

စံးထီၣ်ပတြၢၤ 59:4

ယွၤဧၢ, ဒီးယတၢ်ကမၣ်မ့ၢ်တအိၣ်ဒၣ်လဲာ်, အဝဲသ့ၣ်ဃ့ၢ်ဝဲဒီးအိၣ်ကတဲာ်ကတီၤ အသးလၢကဒုးယၤအဂီၢ်လီၤ.

လံာ်ပှၤစံၣ်တဲၤတဲလီၤတၢ် 8:8

ပှၤဟံးဃာ်ပၢၤဃာ်အသးလၢအသုတသံမ့ၢ်ဂ့ၤ, လၢကသုးယံာ်ကွံာ်အတၢ်သံအမုၢ်နံၤအဂီၢ်မ့ၢ်ဂ့ၤ, တသ့ဘၣ်နီတဂၤဘၣ်. တၢ်န့ၣ်မ့ၢ်တၢ်ဒုးတၢ်ယၤတမံၤလၢပဃ့ၢ်ပူၤဖျဲးကွံာ်မ့ၢ်ဂ့ၤ, ပလီကဒံလီကဒါတၢ်လၢပတၢ်ထူၣ်ဖျဲးအဂီၢ်မ့ၢ်ဂ့ၤတသ့ဘၣ်န့ၣ်လီၤ.

လံာ်ယၡါယၤ 28:15

သုပာ်ကဖၢလၢသုသးလၢသုမၤတ့ၢ်တၢ်အၢၣ်လီၤအီလီၤဒီး တၢ်သံဒီးမၤန့ၢ်တၢ်သးလီၤပလိာ်တမံၤဃုာ်ဒီးပှၤသံတဖၣ် အကီၢ်အဃိလီၤ. သုနာ်သပှၢ်တၢၢ်လၢဖဲတၢ်တတၢးတနါဟဲဝဲ အခါန့ၣ်ကကွၢ်ကပာ်သုလီၤ. အဂ့ၢ်ဒ်အံၤ, သုသန့ၤသုသးလၢတၢ်လီတၢ်ဝ့ၤဒီးတၢ်ကဘျံးက ဘျၣ်လၢအကမၤပူၤဖျဲးသုလီၤ.

လံာ်ယံးရမံယၤ 10:25

ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ယံးရမံယၤ 7:10

သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ဃဘးကူာ် 1:13

ဘၣ်ဆၣ်ဒီးပှၤလီတၢ်ဝ့ၤတၢ်, ပှၤအၢပှၤသီတဖၣ်အံၤ, နဝံသးစူၤအီၤကဲဒ်လဲၣ်. နမဲာ်ချံတဖၣ်စီဆှံဒိၣ်မးလၢ နကကွၢ်ဃီၤတၢ်အၢတၢ်သီ, ဒီးနကွၢ်ပှၤဂီၢ်မုၢ်လၢ အမၤကမၣ်တၢ်န့ၣ်တကဲဘၣ်. မၤသးဒ်န့ၣ်ဒီးဘၣ်မနုၤလၢ နအိၣ်ဘှီၣ်ကလာ်ဖဲအဝဲသ့ၣ်မၤဟးဂီၤပှၤဂီၢ်မုၢ်လၢ အတီန့ၢ်လိၤန့ၢ်ဒံးအဝဲသ့ၣ်တဖၣ်အခါန့ၣ်လဲၣ်.