စံးထီၣ်ပတြၢၤ 56:4 - Sgaw Karen Common Bible

⁴ ယသန့ၤယသးလၢကစၢ်ယွၤအပူၤ ယတအိၣ်ဘၣ်ဒီးတၢ်ပျံၤဘၣ်န့ၣ်လီၤ. ယစံးထီၣ်ပတြၢၤအီၤလၢ အတၢ်အၢၣ်လီၤအီလီၤအဃိ, ပှၤကညီမၤယၤကသ့ဒ်လဲၣ်.

စံးထီၣ်ပတြၢၤ 56:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:4

ပှၤဂီၢ်မုၢ်လၢကယဲၢ်ကီၢ်ယူဒၤအဝ့ၢ်တဖၣ်ဟဲချ့ချ့ဆူဝ့ၢ်ယရူၤ ၡလ့ၣ်လၢကဃ့ယွၤအတၢ်နဲၣ်ကျဲအဂီၢ်,

စံးထီၣ်ပတြၢၤ 118:6

ယွၤအိၣ်ဒီးယၤဒီးယတပျံၤဘၣ်တၢ်ဘၣ်. ပှၤကညီမၤယၤကသ့မနုၤလဲၣ်.

စံးထီၣ်ပတြၢၤ 119:160

နကလုၢ်ကထါအကံၢ်အလဲန့ၣ် မ့ၢ်တၢ်တီတၢ်လိၤလီၤ. ဒီးနတၢ်တီတၢ်လိၤအတၢ်စံၣ်ညီၣ်တဖၣ်န့ၣ် အိၣ်ဝဲလီၤစိၤလီၤထီကိးထံၣ်ဒဲးလီၤ.

စံးထီၣ်ပတြၢၤ 12:6

ယွၤအတၢ်အၢၣ်လီၤတဖၣ်တၢ်နာ်န့ၢ်အီၤသ့, ကဆှီဝဲဒ်စ့လၢအဘၣ်တၢ်ပှံၢ်ကဆှီထီၣ်အီၤ နွံဘျီလၢမ့ၣ်အူပူၤအသိးန့ၣ်လီၤ.

စံးထီၣ်ပတြၢၤ 138:2

ယဃၣ်ဃီၤယမဲာ်နတၢ်လုၢ်ဟံၣ်စီဆှံအအိၣ်, ဆုးလီၤယခိၣ် ဒီးစံးထီၣ်ပတြၢၤနမံၤ လၢနတၢ်အဲၣ်ဂၢၢ်ကျၢၤ ဒီးနတၢ်မ့ၢ်တၢ်တီအဃိန့ၣ်လီၤ. အဂ့ၢ်ဒ်အံၤ, နပာ်ထီၣ်ထီနမံၤဒီး နကလုၢ်ကထါ လၢတၢ်ခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

လံာ်ယၡါယၤ 31:3

ပှၤအဲၤကူပတူးဖိတဖၣ်တမ့ၢ်ကစၢ်တဖၣ်ဘၣ်. အဝဲသ့ၣ်မ့ၢ်ဒၣ်ပှၤကညီလီၤ. အကသ့ၣ်တဖၣ်တအိၣ်ဒီးစိ ကမီၤလၢန့ဆၢၣ်အဖီခိၣ်ဘၣ်. ဖဲယွၤမၤတၢ်လံဒီး, ပှၤကလုာ်လၢအဂံၢ်ဆူၣ်ကဟးဂီၤဝဲလီၤ. ဒီးပှၤကလုာ်လၢအဂံၢ်စၢ်လၢအဝဲသ့ၣ်မၤစၢၤဝဲန့ၣ်ကလီၤဃံၤ ဝဲလီၤ. ဒီးခံဖုလိာ်ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယိၤဟၣ် 10:35

မ့မ့ၢ်ဒ်န့ၣ်ဒီးကစၢ်ယွၤအကလုၢ်ကထါလၢအမ့ၢ်ဝဲတီဝဲတဘိ ယူၢ်ဃီ, မ့ၢ်ကိးပှၤလၢအဒိးန့ၢ်ယွၤအကလုၢ်ကထါတဖၣ်လၢ ယွၤတဖၣ်ဒီး,

ဧ့ၤဘြံၤ 13:6

လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.