စံးထီၣ်ပတြၢၤ 56:13 - Sgaw Karen Common Bible

¹³ အဂ့ၢ်ဒ်အံၤ, နမၤပူၤဖျဲးယသးလၢတၢ်သံ, ဒ်သိးယခီၣ်သုတလီၤတလံာ်တဂ့ၤ, ဒ်သိးယကလဲၤတၢ်လၢကစၢ်ယွၤအမဲာ်ညါလၢ ပှၤမူတဖၣ်အတၢ်ကပီၤအပူၤန့ၣ်လီၤ.

စံးထီၣ်ပတြၢၤ 56:13 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်စီၤယိၤဘး 33:30

ဒ်သိးကဒုးဟဲက့ၤကဒါက့ၤအီၤလၢတၢ်သံအကီၢ်ပူၤ, ဒ်သိးကဒုးကပီၤဘၣ်အီၤတၢ်မူအတၢ်ကပီၤလီၤ.

စံးထီၣ်ပတြၢၤ 145:14

အဝဲမၤစၢၤပှၤလၢအအိၣ်လၢတၢ်ကိၢ်တၢ်ဂီၤအပူၤ ဒီးအဝဲဝံၢ်ထီၣ်ပှၤလၢအလီၤဃံၤတဖၣ်လီၤ.

စံးထီၣ်ပတြၢၤ 17:5

ယလဲၤတ့ၢ်တၢ်လၢနကျဲအပူၤထီဘိ ဒီးယတဟးဖးဒီးအီၤနီတဘျီဘၣ်.

စံးထီၣ်ပတြၢၤ 49:15

ဘၣ်ဆၣ်ကစၢ်ယွၤကပှ့ၤက့ၤယသးလၢ တၢ်သံအစိကမီၤအပူၤလီၤ. အဂ့ၢ်ဒ်အံၤကတူၢ်လိာ်ယၤလီၤ. စ့လၤ

စံးထီၣ်ပတြၢၤ 94:18

ဖဲယစံး, “ယလီၤဃံၤလံ” န့ၣ်, ယွၤဧၢ, နတၢ်အဲၣ်ဂၢၢ်ကျၤန့ၣ်, ဒုးဆၢထၢၣ်ကျၢၤယၤလီၤ.

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:38

ဒီးမူးတဖၣ်အံၤမ့ၢ်မူးတဖၣ်လၢပှၤအံၣ်စရ့လးဖိညီနုၢ်မၤအီၤလၢအမ့ၢ်မုၢ်အိၣ်ဘှံးနံၤတဖၣ်, တၢ်မၤဘူၣ်တဖၣ်, ဒီးတၢ်မၤဘူၣ်ဘၣ်ဃးဒီးတၢ်ဆိၣ်တၢ်တဖၣ်, ဒီးတၢ်မၤဘူၣ်ဒၣ်တၢ် တဖၣ်အမဲာ်ညါန့ၣ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

ဧ့ၤဘြံၤ 2:15

ဒီးမၤထူၣ်ဖျဲးထီၣ်ကွံာ်ပှၤဘၣ်တၢ်စၢဃာ်အီၤတစိၤသးလၢ အပျံၤတၢ်သံအဃိတဖၣ်န့ၣ်ခဲလၢာ်လီၤ.

ယၤကိာ် 5:20

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤဂ့ၤတဂၤဂ့ၤလၢအဃၣ်လိၤက့ၤပှၤတၢ်ဒဲးဘးဖိလၢ အပိာ်တ့ၢ်ကျဲလၢအကမၣ်တဂၤန့ၣ်, ကအုၣ်က့ၤခီၣ်က့ၤပှၤတဂၤအံၤအသးသမူလၢတၢ်သံ, ဒီးတၢ်ဒဲးဘးအါမံၤကဘၣ်တၢ်ပျၢ်ကွံာ်အီၤလၢတၢ်အံၤ အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:9

အဝဲဒီဒၣ်အိၣ်ပှိၤအပှၤလၢအသူၣ်တီသးလိၤတဖၣ်အသးသမူလီၤ. မ့မ့ၢ်ပှၤတတီတလိၤတဖၣ်န့ၣ်ကလီၤမၢ်ကွံာ်လၢတၢ်ခံးတၢ်နၤအပူၤလီၤ. ပှၤတဂၤန့ၣ်မၤနၢၤတၢ်လၢအဂံၢ်အဘါဒၣ်ဝဲတသ့ဘၣ်.