စံးထီၣ်ပတြၢၤ 55:7 - Sgaw Karen Common Bible

⁷ ကွၢ်ကွၢ်, ယကယူၤဝ့ၤဝီၤလၢအယံၤ, ယကအိၣ်လၢပှၢ်မုၢ်ကနၢလီၤ. စ့လၤ

စံးထီၣ်ပတြၢၤ 55:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:14

လၢတၢ်န့ၣ်အဃိ, စီၤဒၤဝံးစံးဘၣ်ကယဲၢ်အပဒိၣ်ပပှၢ်ခဲလၢာ်လၢ အအိၣ်ဒီးအီၤလၢဝ့ၢ်ယရူၤၡလ့ၣ်အပူၤန့ၣ်, “ပမ့ၢ်အဲၣ်ဒိးပူၤဖျဲးကွံာ်လၢစီၤအးဘၡါလိၣ်န့ၣ် ပကဘၣ်ဟးထီၣ်ကွံာ်တဘျီဃီန့ၣ်လီၤ. မၤချ့ချ့တက့ၢ်. မ့တမ့ၢ်ဘၣ်န့ၣ်တယံာ်ဘၣ်ဒီးအဝဲကဟဲတုၤဖဲအံၤ, ဒီးမၤနၢၤကွံာ်ပှၤဒီးမၤသံကွံာ်ကယဲၢ်ပှၤအိၣ်လၢဝ့ၢ်ပူၤခဲလၢာ်န့ၣ်လီၤ.”

လံာ်ယံးရမံယၤ 37:12

လၢတၢ်န့ၣ်အဃိ, ယဟးထီၣ်လၢ ဝ့ၢ်ယရူၤၡလ့ၣ် ဒီၤလဲၤဆူပှၤဘံၣ်ယၤမံၣ် အဒူၣ်အလီၢ်ကဝီၤအပူၤဒ် သိးယကဟံးန့ၢ်တၢ်နီၤဖး လၢယဂီၢ်လၢ ဒူၣ်ဖိထၢဖိ အစုလီၢ်ခီၣ်ခိၣ်အကျါန့ၣ်လီၤ.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်ယံးရမံယၤ 9:2

ယသးအိၣ်မးလၢယကအိၣ်ဒီးတၢ်လီၢ်တတီၤလၢမဲးမုၢ်ခိၣ်ဖဲ ယအိၣ်ယံၤကွံာ်ဒီးယပှၤဂီၢ်မုၢ်ကသ့ဝဲလီၤ. အဝဲသ့ၣ်ခဲလၢာ်တသူၣ်တီသးရၤဘၣ်. ဒီးမ့ၢ်ပှၤပူထီၣ်လီထီၣ်တၢ်တဖုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”