စံးထီၣ်ပတြၢၤ 55:3 - Sgaw Karen Common Bible

³ ယသးဒံဝ့ၤဒံဝီၤလၢယဒုၣ်ယဒါအကလုၢ်အဃိ, ဒီးလၢပှၤတတီတလိၤအတၢ်ဆီၣ်ဘံၣ်ဆီၣ်ဘၢအဃိန့ၣ်လီၤ. အဂ့ၢ်ဒ်အံၤ, အဝဲသ့ၣ်ဟဲစိာ်တၢ်ကိၢ်တၢ်ဂီၤလၢယဂီၢ်, ဒီးလၢအတၢ်သးထီၣ်အပူၤ အဝဲသ့ၣ်သးဟ့ယၤလီၤ.

စံးထီၣ်ပတြၢၤ 55:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:3

စီၤအးဘၡါလိၣ်ညီနူၢ်စံးဝဲ, “ကွၢ်ကွၢ်, တၢ်သိၣ်တၢ်သီန့ၣ်အိၣ်လၢနအိၣ်တတပၤလီၤ. ဘၣ်ဆၣ်ဒီးစီၤပၤအခၢၣ်စးလၢအဒိကနၣ်နကွီၢ်န့ၣ်တအိၣ်ဘၣ်နီတဂၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:19

ဒီးစံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤသးပ့ၤနီၣ်ကွံာ်တၢ်ကမၣ်လၢယမၤတ့ၢ်အီၤဖဲမုၢ်တနံၤ လၢနဟးထီၣ်ကွံာ်လၢဝ့ၢ်ယရူၤၡလ့ၣ်န့ၣ်တက့ၢ်. စၢဃာ်ယတၢ်ကမၣ်မ့ၢ်ဂ့ၤ, ဆိကမိၣ်လၢၤလၢအဂ့ၢ်မ့ၢ်ဂ့ၤန့ၣ်, တဂ့ၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 17:9

လၢပှၤတတီတလိၤအတၢ်ထီဒါယၤ, လၢယဒုၣ်ယဒါလၢအအဲၣ်ဒိးမၤသံယၤ အတၢ်ကဝီၤဃာ်ယၤန့ၣ်တက့ၢ်.

စံးထီၣ်ပတြၢၤ 27:12

တဘၣ်ဟ့ၣ်လီၤကွံာ်ယၤဆူယဒုၣ်ယဒါသ့ၣ်တဖၣ် အတၢ်ဘၣ်အသးအပူၤတဂ့ၤ, အဂ့ၢ်ဒ်အံၤ, ပှၤလၢအအုၣ်အသးကဘျံးကဘျၣ် တဖၣ် ဂဲၤဆၢထၢၣ်ထီဒါယၤ ဒီးသါတဖှိထီၣ်တၢ်စုဆူၣ်ခီၣ်တကးန့ၣ်လီၤ.

စံးထီၣ်ပတြၢၤ 35:11

ပှၤအုၣ်အသးကဘျံးကဘျၣ်ဂဲၤဆၢထၢၣ်ထီဒါယၤ ဒီးပာ်တၢ်ကမၣ်လၢယလိၤလၢတၢ်လၢ ယတသ့ၣ်ညါအဂ့ၢ်နီတမံၤဘၣ်န့ၣ်လီၤ.

စံးထီၣ်ပတြၢၤ 54:3

အဂ့ၢ်ဒ်အံၤ, ပှၤပာ်ထီၣ်ထီအသးတဖၣ် ဂဲၤဆၢထၢၣ်ထီဒါယၤ, ပှၤမၤတၢ်အၢတဖၣ်ဃုယသးလီၤ. အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ

စံးထီၣ်ပတြၢၤ 71:11

ဒီးစံးဝဲ, “ကစၢ်ယွၤလဲၤသဒၣ်တ့ၢ်လံအီၤလံ, လူၤဒီးဖီၣ်န့ၢ်အီၤတက့ၢ်. အဂ့ၢ်ဒ်အံၤ, ပှၤကမၤပူၤဖျဲးအီၤတအိၣ်နီတဂၤဘၣ်.”

စံးထီၣ်ပတြၢၤ 73:8

အဝဲသ့ၣ်နံၤဘၣ်ဖၣ်လဲပှၤဂၤဒီး ကတိၤတၢ်အၢတၢ်သီတဖၣ်လီၤ. အဝဲသ့ၣ်ပာ်ထီၣ်ထီအသးဒီးကူၣ်ထီၣ်တၢ်လၢ ကမၤအၢမၤနးပှၤဂၤတဖၣ်န့ၣ်လီၤ.

လံာ်မးသဲ 26:59

ပှၤလုၢ်တၢ်အခိၣ်အဒိၣ်တဖၣ်, ဒီးကီၣ်ကးဒီဖုညါကျဲးစၢးဃုတၢ်အုၣ်အသးကဘျံးကဘျၣ် ထီဒါယ့ၣ်ၡူးဒ်သိးကမၤသံဘၣ်အီၤအဂီၢ်လီၤ.