စံးထီၣ်ပတြၢၤ 55:20 - Sgaw Karen Common Bible

²⁰ ယတံၤသကိးယူာ်ထီၣ်အစုထီဒါ အတံၤသကိးသ့ၣ်တဖၣ် ဒီးမၤဟးဂီၤအတၢ်အၢၣ်လီၤအီလီၤတဖၣ်န့ၣ်လီၤ.

စံးထီၣ်ပတြၢၤ 55:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:12

ဘၣ်ဆၣ်ဒီးပှၤတဂၤန့ၣ်စံးဆၢအီၤ, “နမ့ၢ်ဟ့ၣ်ယၤစ့အဘ့ၣ်တကထိဒၣ်လဲာ်န့ၣ်ယတယူာ်ထီၣ်ဘၣ်ယစုထီ ဒါစီၤပၤအဖိခွါဘၣ်. ပဝဲကိးဂၤဒဲးပနၢ်ဟူဘၣ်စီၤပၤဟ့ၣ်လီၤအကလုၢ်ဆူနၤဒီးစီၤ အဘံၡဲၤဒီးစီၤအံတဲၤစံးဝဲလၢ, လၢတၢ်ကွၢ်မဲာ်ယၤအဃိန့ၣ် မၤဆါပှၤသးစၢ်စီၤအးဘၡါလိၣ်တဂ့ၤ, န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:4

အန့ၣ်ဝံၤဒီးပှၤကီၢ်ယူဒၤဖိတဖၣ်ဟဲဆူဝ့ၢ်ဃ့ဘြိၣ်ဒီးဖှူ စီၤဒၤဝံးဒ်ကီၢ်ယူဒၤအစီၤပၤအသိးန့ၣ်လီၤ. ဖဲစီၤဒၤဝံးနၢ်ဟူတ့ၢ်လၢပှၤဂီၢ်မုၢ်လၢဝ့ၢ်ယၤဘ့ၣ်အိၣ်လၢ ကီၢ်ကံးလဧးအပူၤခူၣ်လီၤဘျၢလီၤစီၤစီလူးန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:34

အဝဲသ့ၣ်မၤထွဲဒံးတၢ်လုၢ်တၢ်လၢ်အလီၢ်လံၤတဖၣ်တုၤလၢမုၢ်မဆါ တနံၤအံၤန့ၣ်လီၤ. အဝဲသ့ၣ်တဘူၣ်ထီၣ်ဘါထီၣ်ယွၤမ့ၢ်ဂ့ၤ, တဒိကနၣ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်မ့ၢ် ဂ့ၤ, လၢအဝဲဟ့ၣ်လီၤတ့ၢ်အီၤဆူစီၤယၤကိာ်လၢအကိးက့ၤဝဲအမံၤလၢ စီၤအံၣ်စရ့လးအစၢၤအသွဲၣ်, တဖၣ်အအိၣ်, န့ၣ်ဘၣ်.

စံးထီၣ်ပတြၢၤ 109:5

အဝဲသ့ၣ်ဟ့ၣ်ဆၢက့ၤယၤတၢ်အၢလၢတၢ်ဂ့ၤအဂီၢ် ဒီးတၢ်သးဟ့လၢတၢ်အဲၣ်အဂီၢ်လီၤ.

စံးထီၣ်ပတြၢၤ 6:10

ယဒုၣ်ယဒါခဲလၢာ်န့ၣ်အမဲာ်ကဆှး ဒီး ကပျံၤတၢ်ဖုးတၢ်ဒိၣ်မး, ကက့ၤကဒါက့ၤဆူအလီၢ်ခံ လၢတၢ်သဘံၣ်ဘုၣ်သတူၢ်ကလာ်အပူၤလီၤ.

စံးထီၣ်ပတြၢၤ 7:4

ယမ့ၢ်မၤဆၢက့ၤယတံၤသကိးလၢ တၢ်အၢတၢ်သီမ့တမ့ၢ်မၤတရီတပါယဒုၣ်ယဒါလၢ တၢ်ကလီကလီအပူၤဒီး,

စံးထီၣ်ပတြၢၤ 89:28

ယကပၢၤဃာ်ယတၢ်အဲၣ်ဂၢၢ်ကျၢၤလၢအဂီၢ် အစိၤစိၤအဃၣ်ဃၣ်, ဒီးယတၢ်အၢၣ်လီၤအီလီၤန့ၣ် ကအိၣ်ဂၢၢ်ဆိးကျၢၤလၢအဂီၢ်လီၤ.

စံးထီၣ်ပတြၢၤ 89:34

ယတမၤဟးဂီၤဘၣ်ယတၢ်အၢၣ်လီၤအီလီၤ. မ့တမ့ၢ်ယတဟံးန့ၢ်က့ၤတၢ်ကတိၤလၢ အထီၣ်ဖျဲးလၢယထးခိၣ်န့ၣ်ဘၣ်.

စံးထီၣ်ပတြၢၤ 89:38

ဘၣ်ဆၣ်, ခဲအံၤနသးထီၣ်ဘၣ်ပှၤလၢနဖှူအီၤ, နလဲၤသဒၣ်ဒီးညိကွံာ်လံအီၤလံ.

စံးထီၣ်ပတြၢၤ 93:2

ယွၤဧၢ, နလီၢ်ပစိာ်အိၣ်ဂၢၢ်ဆိးကျၢၤတ့ၢ်လံလၢ အခီၣ်ထံးလံၤလံၤ ဒီးနအိၣ်တ့ၢ်လံနဲလၢပျၢၤလၢကစၢၤ လီၤထူလီၤယိာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:2

မၤတၢ်လၢစီၤပၤစံးဘၣ်နၤတက့ၢ်. ဒီးမၤတၢ်အၢၣ်လီၤတဖၣ်ချ့ ဒံးချ့ဒူးဒီးကစၢ်ယွၤတဂ့ၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

မၤတၢ် 12:1

အကတီၢ်ဖဲန့ၣ်, စီၤပၤဟ့ၤရိာ်စးထီၣ်မၤအၢမၤနးတၢ်အိၣ်ဖှိၣ်ဖိတနီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:17

အန့ၣ်ဝံၤဒီးစီၤစီလူးစံးဘၣ်ပှၤပၢၤအသးသမူတဖၣ်လၢအဆၢထၢၣ် ဖဲအဃၢၤန့ၣ်, “မၤသံကွံာ်ယွၤအပှၤလုၢ်တၢ်အခိၣ်တဖၣ်တက့ၢ်. အဝဲသ့ၣ်ကူၣ်ထီၣ်ဖးလီၤသကိးတၢ်အၢတမံၤဃီဒီးစီၤဒၤဝံးဒီး သ့ၣ်ညါဝဲတၢ်ဂ့ၢ်ခဲလၢာ်ဘၣ်ဆၣ်ဒီး တတဲဘၣ်ယၤလၢအဝဲထွးထီၣ်ဃ့ၢ် အဂ့ၢ်န့ၣ်ဘၣ်.” ဘၣ်ဆၣ်ဒီးပှၤပၢၤအသးသမူတဖၣ် ဂ့ၢ်လိာ်ဝဲလၢကယူာ်ထီၣ်အစုဒ်သိးကမၤသံ ယွၤအပှၤလုၢ်တၢ်အခိၣ်တဖၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:10

ခဲအံၤအတီၢ်ပူၤဖိဒၣ်လဲာ်ယွၤပာ်နၤလၢယတၢ်စိကမီၤအဖီလာ်န့ၣ် နထံၣ်ဘၣ်အီၤလၢနနီၢ်ကစၢ်ဒၣ်နဲသ့လီၤ. ယပှၤတနီၤစံးယၤလၢယကမၤသံနၤဘၣ်ဆၣ်ဒီးယသးအုးလၢနဂီၢ်ဒီး စံးလၢယတမၤဆါနၤထဲတစဲးဖိဧိၤဘၣ်. အဂ့ၢ်ဒ်အံၤ, နမ့ၢ်ပှၤတဂၤလၢယွၤဃုထၢအီၤဒ်သိးနကကဲထီၣ်စီၤပၤလီၤ.