စံးထီၣ်ပတြၢၤ 55:2 - Sgaw Karen Common Bible

² ဒိကနၣ်ယကလုၢ်, ဒီးစံးဆၢလၢ်ယၤတက့ၢ်. ယဘၣ်တၢ်မၤနၢၤယၤလၢယတၢ်ကိၢ်တၢ်ဂီၤ တဖၣ်န့ၣ်လီၤ.

စံးထီၣ်ပတြၢၤ 55:2 Iomraidhean Croise

စံးထီၣ်ပတြၢၤ 17:1

ယွၤဧၢ, ဒိကနၣ်ယတၢ်ဃ့ကညးလၢ တၢ်တီတၢ်လိၤအဂီၢ်န့ၣ်တက့ၢ်. ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဒိကနၣ်ယတၢ်ထုကဖၣ်အတီအလိၤန့ၣ်တက့ၢ်.

စံးထီၣ်ပတြၢၤ 32:3

ဖဲယတအၢၣ်လီၤအီလီၤယတၢ်ကမၣ်တဖၣ်န့ၣ်ဘၣ်ဒီး, ယနီၢ်ခိနီၢ်ကစၢ်အဂံၢ်အဘါလၢာ်ကွံာ်ဝဲလၢ ယတၢ်ကအုကစွါသ့သ့တနံၤအဃိလီၤ.

စံးထီၣ်ပတြၢၤ 38:6

ယသကူးလီၤယသးလၢာ်လၢာ်ဆ့ဆ့ ဒီးယထိၣ်လီၤပှီၤယသး, ယအိၣ်လၢတၢ်မိၣ်တၢ်မးအပူၤသ့သ့တနံၤလီၤ.

စံးထီၣ်ပတြၢၤ 43:2

အဂ့ၢ်ဒ်အံၤ, နမ့ၢ်ကစၢ်ယွၤ, ယတၢ်အိၣ်တဒၢအလီၢ်န့ၣ်လီၤ. ဘၣ်မနုၤလၢနသးပ့ၤနီၣ်ယၤလဲၣ်. ဘၣ်မနုၤလၢယဘၣ်ဟီၣ်ဘၣ်ယၢၤလၢဒုၣ်ဒါ အတၢ်ဆီၣ်ဘံၣ်ဆီၣ်ဘၢယၤအဃိန့ၣ်လဲၣ်.

စံးထီၣ်ပတြၢၤ 64:1

ကစၢ်ယွၤဧၢ, ဒိကနၣ်လၢ်ယတၢ်ထုကဖၣ်န့ၣ်တက့ၢ်. ယအိၣ်လၢတၢ်ကိၢ်တၢ်ဂီၤအပူၤလီၤ. ယပျံၤယဲယဒုၣ်ယဒါသ့ၣ်တဖၣ်လီၤ. မၤပူၤဖျဲးယသးသမူန့ၣ်တက့ၢ်.

စံးထီၣ်ပတြၢၤ 66:19

မ့မ့ၢ်ကစၢ်ယွၤကနၣ်လံဝဲလံ. အဝဲဒိကနၣ်တ့ၢ်လံဝဲ ယတၢ်ထုကဖၣ်အကလုၢ်န့ၣ်လံ.

စံးထီၣ်ပတြၢၤ 77:3

တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်သးသယုၢ်တၢ် 3:56

ဒီးဖဲယဃ့ကညးနၤလၢနကဒိကနၣ်ယတၢ်ကိးပသူထီၣ်ဒီးနနၢ်ဟူတ့ၢ် လီၤ.