စံးထီၣ်ပတြၢၤ 55:18 - Sgaw Karen Common Bible

¹⁸ လၢတၢ်ဒုးတၢ်ယၤအပူၤန့ၣ်, ကမၤပူၤဖျဲးယသးလၢယဒုၣ်ယဒါအါဂၤအစုပူၤ ဒီးဟ့ၣ်ယၤတၢ်မုာ်တၢ်ခုၣ်န့ၣ်လီၤ.

စံးထီၣ်ပတြၢၤ 55:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:28

စီၤအဃံမ့ၤဧးကိးထီၣ်တၢ်ဆၢဂ့ၤဆၢဝါဆူစီၤပၤအအိၣ်, စုးလီၤအသးလၢဟီၣ်ခိၣ်လိၤလၢစီၤပၤအမဲာ်ညါဒီးစံးဝဲဒၣ်, “စံးထီၣ်ပတြၢၤယွၤ, နကစၢ်ယွၤလၢအဟ့ၣ်လီၤနၤတၢ်မၤနၢၤလၢ ပှၤတဖၣ်လၢအပူထီၣ်ထီဒါနဲဒၣ်တၢ်ဒိၣ်ကစၢ်စီၤပၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 22:1

ဖဲယွၤအုၣ်က့ၤခီၣ်က့ၤစီၤဒၤဝံးလၢစီၤစီလူး ဒီးအဝဲအဒုၣ်အဒါအဂၤတဖၣ်အစုပူၤန့ၣ် စီၤဒၤဝံးအုၣ်ထါသးဝံၣ်တယုၢ်အံၤဆူ ယွၤအအိၣ်လီၤ.

လံာ်စီၤပၤခံဘ့ၣ်တဘ့ၣ် 6:16

စီၤအလံၤၡါစံးဆၢဝဲဒၣ်, “ပျံၤတၢ်တဂ့ၤ. ပအိၣ်ဒီးပှၤလၢပအိၣ်တကပၤအါန့ၢ်ဒံးပှၤအိၣ်လၢအဝဲသ့ၣ်အအိၣ် တကပၤတက့ၢ်လီၤ.”

စံးထီၣ်ပတြၢၤ 17:1

ယွၤဧၢ, ဒိကနၣ်ယတၢ်ဃ့ကညးလၢ တၢ်တီတၢ်လိၤအဂီၢ်န့ၣ်တက့ၢ်. ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဒိကနၣ်ယတၢ်ထုကဖၣ်အတီအလိၤန့ၣ်တက့ၢ်.

စံးထီၣ်ပတြၢၤ 56:2

ယဒုၣ်ယဒါတဖၣ်ယီၢ်တံၢ်ယၤကိးမုၢ်နံၤမုၢ်နၤဒဲးလီၤ. အဂ့ၢ်ဒ်အံၤ, ပှၤအါဂၤဒုးတၢ်ထီဒါယၤ အိၣ်ဒီးတၢ်သးထီၣ်ထီလီၤ.

စံးထီၣ်ပတြၢၤ 57:3

အဝဲကစံးဆၢယၤလၢမူခိၣ်ဒီး အုၣ်က့ၤခီၣ်က့ၤယၤန့ၣ်လီၤ. စ့လၤ အဝဲကဒုးမဲာ်ဆှးပှၤလၢ အယီၢ်တံၢ်ယၤတဖၣ်န့ၣ်လီၤ. ကစၢ်ယွၤကလီၣ်ဖျါထီၣ်အတၢ်အဲၣ်ဂၢၢ်ကျၢၤဒီးအတၢ်တီတၢ်လိၤန့ၣ်လီၤ.

လံာ်သးသယုၢ်တၢ် 3:56

ဒီးဖဲယဃ့ကညးနၤလၢနကဒိကနၣ်ယတၢ်ကိးပသူထီၣ်ဒီးနနၢ်ဟူတ့ၢ် လီၤ.

လံာ်မးသဲ 26:53

မ့ၢ်နတသ့ၣ်ညါလၢယကိးထီၣ်တၢ်မၤစၢၤလၢယပၢ်အအိၣ်သ့ဝဲ, ဒီးတဘျီဃီ ကဆှၢလီၤန့ၢ်ယၤကလူးအသုးမုၢ်အါန့ၢ်ဒံးတဆံခံဖုန့ၣ်ဘၣ်ဧါ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.