စံးထီၣ်ပတြၢၤ 55:10 - Sgaw Karen Common Bible

¹⁰ လၢမုၢ်ဆါဒီးလၢမုၢ်နၤန့ၣ် လဲၤဝးတရံးဝဲလၢဝ့ၢ်ခိၣ်ဒူအဖီခိၣ်, ဒီးတၢ်မၤဟးဂီၤတၢ်ဒီးတၢ်နးတၢ်ဖှီၣ် အိၣ်ဝဲလၢအပူၤလီၤ.

စံးထီၣ်ပတြၢၤ 55:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

စံးထီၣ်ပတြၢၤ 58:3

ပှၤတတီတလိၤလဲၤကမၣ်တၢ်လၢအမိၢ်ဒၢလီၢ်အပူၤ, အဝဲသ့ၣ်မၤကမၣ်တၢ်ဒီးကတိၤကဘျံးကဘျၣ် တၢ်လၢအအိၣ်ဖျဲၣ်လံၤလံၤန့ၣ်လီၤ.

စံးထီၣ်ပတြၢၤ 59:6

အဝဲသ့ၣ်ဟဲက့ၤကဒါက့ၤဝဲကိးမုၢ်ဟါဒဲး, မီၤတၢ်ဒ်ထွံၣ်တဖၣ်အသိးဒီးလဲၤတရံးဝ့ၢ်န့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ဟိၤၡ့ 7:6

မ့ၢ်လီၤ. အဝဲသ့ၣ်မၤကိၢ်ဃၢၣ်တၢ်ဒီးအတၢ်ကူၣ်လီၤဂာ်ဒ်ဖၣ်ကပူၤ အသိးန့ၣ်လီၤ. သီတနၤကျၢၤန့ၣ်အဝဲသ့ၣ်အတၢ်သးထီၣ်ကဲၤသဝံထီၣ်ဝဲ ဒီးလၢမုၢ်ဂီၤန့ၣ်ကဲၤကပျီၤထီၣ်ဝဲဒီးမ့ၣ်အူလၣ်တဖၣ်န့ၣ်လီၤ.

လံာ်ဃဘးကူာ် 1:3

ဘၣ်မနုၤနဒုးထံၣ်ယၤလၢတၢ်ကိၢ်တၢ်ဂီၤဒ်အံၤန့ၣ်လဲၣ်. တၢ်မၤကမၣ်တၢ်ဒ်သိးအံၤန့ၣ်နကွၢ်တမိာ်အီၤကဲမးဒ်လဲၣ်. တၢ်မၤဟးဂူာ်ဟးဂီၤဒီးတၢ်မၤအၢမၤသီအိၣ်ဝးတရံးယၤ, ဒီးတၢ်ဒုးလိာ်ယၤလိာ်သးဒီးတၢ်အ့ၣ်လိာ်ဆိးက့လိာ် အိၣ်လၢတၢ်လီၢ်ကိးပူၤဒဲးန့ၣ်လီၤ.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

လံာ်ယိၤဟၣ် 18:3

စီၤယူဒၤလဲၤဆူတၤသၣ်လီၢ်အံၤဒီးလဲၤကိးဃုာ်ပှၤရိမ့ၤသုးဖိ တဖုဒီးပှၤပၢၤတၢ်လုၢ်ဟံၣ်ဖိတနီၤလၢပှၤလုၢ်တၢ်အခိၣ်အဒိၣ် တဖၣ်ဒီးပှၤဖၤရံၤၡဲတဖၣ်မၢလီၤအီၤန့ၣ်လီၤ. အဝဲသ့ၣ်အိၣ်ဒီး စုကဝဲၤဒီးစိာ်ဃုာ်မ့ၣ်အူဒၢဒီးဆှိတဖၣ်န့ၣ်လီၤ.

မၤတၢ် 9:24

ဘၣ်ဆၣ်အဝဲဒၣ်ဘၣ်တၢ်ဒုးသ့ၣ်ညါအီၤလၢအဝဲသ့ၣ် အတၢ်ကူၣ်အၢအီၤအဂ့ၢ်န့ၣ်လီၤ. အဝဲသ့ၣ်အိၣ်ခိးကွၢ်ဟုၣ်တၢ်ဖဲဝ့ၢ်အတြဲၤန့ၣ်လၢမုၢ်ဆါဒီး မုၢ်နၤ, လၢကမၤသံကွံာ်အီၤအဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:11

မုၢ်တနၤဃီန့ၣ်, စီၤစီလူးမၢလီၤပှၤလဲၤခိးကွၢ်စီၤဒၤဝံး အဟံၣ်ဒီးမၢအမၤသံကွံာ်အီၤလၢမုၢ်ဆ့ၣ်ထီၣ်န့ၣ်လီၤ. စီၤဒၤဝံးအမါနီၢ်မံကၤလးဟ့ၣ်ပလီၢ်အီၤ, “နမ့ၢ်တဟးထီၣ်ကွံာ်တနၤညါအံၤန့ၣ်, ခဲမုၢ်ဆ့ၣ်နကသံလီၤ.”