စံးထီၣ်ပတြၢၤ 54:7 - Sgaw Karen Common Bible

⁷ နမၤပူၤဖျဲးတ့ၢ်လံယၤလၢကယဲၢ် ယတၢ်ကိၢ်တၢ်ဂီၤခဲလၢာ်, ဒီးယမဲာ်ထံၣ်လံယဒုၣ်ယဒါတဖၣ် ဘၣ်တၢ်မၤနၢၤအီၤလံန့ၣ်လီၤ.

စံးထီၣ်ပတြၢၤ 54:7 Iomraidhean Croise

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 4:9

စီၤဒၤဝံးစံးဆၢအဝဲသ့ၣ်, “ယဆိၣ်တၢ်တမံၤလၢယွၤလၢအမူဝဲ, လၢအအုၣ်က့ၤခီၣ်က့ၤယၤလၢကယဲၢ်တၢ်ဘၣ်ယိၣ်ဘၣ်ဘီခဲလၢာ်တဂၤ အမံၤအပူၤလီၤ.

စံးထီၣ်ပတြၢၤ 112:8

အဝဲတဘၣ်ယိၣ်ဘၣ်ဘီမ့ၢ်ဂ့ၤ ပျံၤတၢ်ဖုးတၢ်မ့ၤဂ့ၤဘၣ်. အဝဲကထံၣ်ဘၣ်အဒုၣ်အဒါဘၣ်. တၢ်မၤဃၣ်အီၤသပှၢ်ကတၢၢ်လီၤ.

စံးထီၣ်ပတြၢၤ 118:7

ယွၤအိၣ်လၢယအိၣ်တခီလၢကမၤစၢၤယၤလီၤ. ဒီးယကထံၣ်ဘၣ် ယဒုၣ်ယဒါတဖၣ် ဘၣ်တၢ်မၤဃၣ်ကွံာ်အီၤန့ၣ်လီၤ.

စံးထီၣ်ပတြၢၤ 143:12

ဒီးလၢနတၢ်အဲၣ်ဂၢၢ်ကျၢၤအဃိန့ၣ်, ဒီၣ်တဲာ်ကွံာ်ယဒုၣ်ယဒါတဖၣ်, ဒီးမၤဟးဂီၤကွံာ်ကယဲၢ်ပှၤလၢအမၤအၢယၤ ခဲလၢာ်န့ၣ်တက့ၢ်. အဂ့ၢ်ဒ်အံၤ, ယမ့ၢ်နခ့နပှၤလီၤ.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 59:10

ယကစၢ်ယွၤအဲၣ်ယၤဒီး ကဟဲဆူယအိၣ်လီၤ. အဝဲကဒုးထံၣ်ယၤလၢဒုၣ်ယဒါဘၣ် တၢ်မၤနၢၤကွံာ်အီၤန့ၣ်လီၤ.

စံးထီၣ်ပတြၢၤ 91:8

နကကွၢ်တၢ်ဒီးထံၣ်ဘၣ်ပှၤတတီတလိၤတဖၣ် ဘၣ်တၢ်သိၣ်ဃီၣ်အီၤဒ်လဲၣ်န့ၣ်လီၤ.

စံးထီၣ်ပတြၢၤ 92:11

ယမဲာ်ထံၣ်တ့ၢ်လံယဒုၣ်ယဒါတဖၣ် ဘၣ်တၢ်မၤနၢၤကွံာ်အီၤ ဒီးယနၢ်ဟူတ့ၢ်လံ ပှၤတတီတလိၤတဖၣ်အတၢ်ကိးထီၣ်န့ၣ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:24

ဒ်ယပျဲပူၤတ့ၢ်နသးသမူတနံၤအံၤအသိး, မ်ယွၤမၤတၢ်တမံၤဃီ လၢယၤဒီးမၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်ခဲလၢာ် န့ၣ်တက့ၢ်.”