စံးထီၣ်ပတြၢၤ 54:5 - Sgaw Karen Common Bible

⁵ အဝဲဟ့ၣ်ကၣ်တၢ်အၢလၢယဒုၣ်ယဒါတဖၣ်ဒီး ယွၤကမၤဟးဂီၤကွံာ်အဝဲသ့ၣ်လၢ အတၢ်သူၣ်တီသးလိၤအပူၤန့ၣ်လီၤ.

စံးထီၣ်ပတြၢၤ 54:5 Iomraidhean Croise

စံးထီၣ်ပတြၢၤ 137:8

ဘၤဘူၤလိၣ်ဧၢ, နကဘၣ်တၢ်မၤဟးဂီၤန့ၣ်လီၤ. ပှၤလၢအဟ့ၣ်ကၣ်က့ၤနၤလၢ တၢ်လၢနမၤဘၣ်တ့ၢ်ပှၤအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 143:1

ယွၤဧၢ, နၢ်ဟူယတၢ်ထုကဖၣ်တက့ၢ်. လၢနတၢ်တီတၢ်လိၤအပူၤန့ၣ် ဒိကနၣ်လၢ်ယတၢ်ဃ့ကညး ဒီးစံးဆၢလၢ်ယၤလၢနတၢ်သးတီအပူၤန့ၣ်တက့ၢ်.

စံးထီၣ်ပတြၢၤ 143:12

ဒီးလၢနတၢ်အဲၣ်ဂၢၢ်ကျၢၤအဃိန့ၣ်, ဒီၣ်တဲာ်ကွံာ်ယဒုၣ်ယဒါတဖၣ်, ဒီးမၤဟးဂီၤကွံာ်ကယဲၢ်ပှၤလၢအမၤအၢယၤ ခဲလၢာ်န့ၣ်တက့ၢ်. အဂ့ၢ်ဒ်အံၤ, ယမ့ၢ်နခ့နပှၤလီၤ.

စံးထီၣ်ပတြၢၤ 27:11

ယွၤဧၢ, တၢ်လၢနဆၢလၢယကမၤန့ၣ်, သိၣ်လိယၤတက့ၢ်. ဒီးဆှၢယၤလၢကျဲအမုာ်အပၢၤအပူၤ, အဂ့ၢ်မ့ၢ်လၢယအိၣ်ဒီးဒုၣ်ဒါအါဂၤအဃိန့ၣ်လီၤ.

စံးထီၣ်ပတြၢၤ 31:23

အဲၣ်ယွၤ, အပှၤစီဆှံခဲလၢာ်သ့ၣ်ဧၢ, ယွၤအံးထွဲကွၢ်ထွဲပှၤလၢအသးတီဒီးအီၤ, ဘၣ်ဆၣ်ဟ့ၣ်ကၣ်ပှၤပာ်ထီၣ်ထီအသး အါအါကလဲာ်န့ၣ်လီၤ.

စံးထီၣ်ပတြၢၤ 5:8

ယွၤဧၢ, ဆှၢယၤလၢနကျဲမ့ၢ်ကျဲတီအပူၤ မ့ၢ်လၢယအိၣ်ဒီးယဒုၣ်ယဒါအါမးအဃိန့ၣ်တက့ၢ်. မၤလိၤမၤပျီနကျဲလၢယမဲာ်ညါတက့ၢ်.

စံးထီၣ်ပတြၢၤ 86:14

ကစၢ်ယွၤဧၢ, ပှၤပာ်ထီၣ်ထီအသးသ့ၣ်တဖၣ်ဟဲထီဒါယၤ, ပှၤအၢပှၤသီတဖုဃုယသးသမူဒီး အဝဲသ့ၣ်တပာ်ကဲနၤဘၣ်.

စံးထီၣ်ပတြၢၤ 89:49

ယွၤဧၢ, နတၢ်အဲၣ်ဂၢၢ်ကျၢၤလၢပျၢၤ ဒီးနဆိၣ်တ့ၢ်တၢ်ဒီးစီၤဒၤဝံးလၢ တၢ်သူၣ်တီသးလိၤအပူၤန့ၣ်, မ့ၢ်အအိၣ်ဖဲလဲၣ်.

စံးထီၣ်ပတြၢၤ 94:23

ယွၤကသိၣ်ဃီၣ်အဝဲသ့ၣ်လၢအတၢ်တတီတလိၤအဃိ ဒီးကမၤဟးဂီၤအဝဲသ့ၣ်လၢ အတၢ်ဒဲးဘးတဖၣ်အဃိန့ၣ်လီၤ. ယွၤပကစၢ်ယွၤကမၤဟးဂီၤအဝဲသ့ၣ်လီၤ.

၂ တံၤမသ့း 4:14

ပှၤပိာ်တိၢ်ပိာ်ထးစီၤအလ့းစၣ်ဒြူးတဂၤမၤအၢယၤဒိၣ်မးလီၤ. ကစၢ်ကဟ့ၣ်ကၣ်အီၤဒ်အမၤတ့ၢ်တၢ်အသိးန့ၣ်လီၤ.

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.