စံးထီၣ်ပတြၢၤ 53:3 - Sgaw Karen Common Bible

³ ဘၣ်ဆၣ်အဝဲသ့ၣ်လဲၤကမၣ်လံခဲလၢာ်လံ. အဝဲသ့ၣ်ဟးဂီၤလံတပူၤဃီလံ. ပှၤလၢအမၤတၢ်ဂ့ၤတအိၣ်ဘၣ်လၢ အဝဲသ့ၣ်အကျါ နီတဂၤဘၣ်. ထဲတဂၤဧိၤတအိၣ်ဘၣ်.

စံးထီၣ်ပတြၢၤ 53:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:2

လၢတၢ်န့ၣ်အဃိ, ပှၤကီၢ်အံၣ်စရ့လးဖိတဖၣ်ဟးသဒၣ်ကွံာ် စီၤဒၤဝံးဒီးလဲၤဃုာ်တၢ်ဒီးစီၤၡဘၤန့ၣ်လီၤ. မ့မ့ၢ်ပှၤကီၢ်ယူဒၤဖိတဖၣ်အိၣ်တ့ၢ်ဝဲလၢတၢ်သူၣ်တီသးရၤ အပူၤဒီးပိာ်ထီၣ်စီၤဒၤဝံးအခံစးထီၣ်လၢထံကျိယၢ်ဒ့ၣ်တုၤ ဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤယိၤဘး 15:16

ဒီးပှၤကညီအီဝဲတၢ်အၢဒ်အမ့ၢ်တ့ၢ်ထံအသိး, မ့ၢ်မးပှၤကညီ ဟးဂီၤဝဲဒီးတဂီာ်တသီၣ်ဘၣ်တၢ်ဘၣ်.

စံးထီၣ်ပတြၢၤ 14:3

ဘၣ်ဆၣ်အဝဲသ့ၣ်လဲၤကမၣ်တ့ၢ်လံခဲလၢာ်လံ. အဝဲသ့ၣ်ခဲလၢာ်ဟးဂီၤဝဲဒ်သိးသိးလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်. ထဲတဂၤဧိၤဒၣ်လဲာ်တအိၣ်ဘၣ်.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

ရိမ့ၤ 3:12

ပှၤကညီခဲလၢာ်ဃၣ်ကဒါကွံာ်အသးလၢကစၢ်ယွၤအအိၣ်, အဝဲသ့ၣ်ခဲလၢာ်လဲၤကမၣ်က့ၤကမၣ်လၢာ်လံ. ပှၤမၤတၢ်အဂ့ၤအဘၣ်တအိၣ်နီတဂၤဘၣ်, ထဲတဂၤဧိၤဒၣ်လဲာ်တအိၣ်ဘၣ်.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

၁ ယိၤဟၣ် 2:29

သုသ့ၣ်ညါလၢခရံာ်န့ၣ်တီဝဲလိၤဝဲလီၤ. မ့မ့ၢ်ဒ်န့ၣ်ဒီး, သုကြၢးသ့ၣ်ညါလၢပှၤကိးဂၤဒဲးလၢအမၤတၢ်လၢအဘၣ် န့ၣ်, မ့ၢ်ကစၢ်ယွၤအဖိန့ၣ်လီၤ.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.

လံာ်လီၣ်ဖျါ 22:11

ပှၤလၢအအၢအသီဝဲတဂၤလၢ်လၢ်န့ၣ်, ကအၢကသီဒၣ်ဝဲ, ဒီးပှၤလၢအဘၣ်အၢဘၣ်သီဝဲတဂၤလၢ်လၢ်န့ၣ်ကဘၣ်အၢဘၣ်သီ ဒၣ်ဝဲ, ပှၤလၢအဂ့ၤဝဲဝါဝဲတဂၤလၢ်လၢ်န့ၣ်, ကမၤဒၣ်ဝဲတၢ်ဂ့ၤတၢ်ဝါဒီးပှၤလၢအစီဝဲဆှံဝဲတဂၤလၢ်လၢ်န့ၣ်, ကစီဆှံဒၣ်ဝဲတက့ၢ်.