စံးထီၣ်ပတြၢၤ 52:5 - Sgaw Karen Common Bible

⁵ မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ. အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ, ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ

စံးထီၣ်ပတြၢၤ 52:5 Iomraidhean Croise

လံာ်စီၤယိၤဘး 18:14

အဝဲဘၣ်တၢ်ထဲးကွံာ်အီၤလၢဒဲလၢအဝဲအိၣ်ဂၢၢ်ကျၢၤဝဲလၢအပူၤ, ဒီးဘၣ်တၢ်တွံၢ်ထုးထီၣ်အီၤလၢကကွၢ်ဆၢၣ်မဲာ်တၢ်သံအစီၤပၤ အဂီၢ်န့ၣ်လီၤ.

စံးထီၣ်ပတြၢၤ 116:9

လၢတၢ်န့ၣ်အဃိ, ယလဲၤတၢ်လၢယွၤအမဲာ်ညါ, လၢပှၤမူသ့ၣ်တဖၣ်အဟီၣ်ခိၣ်အပူၤန့ၣ်လီၤ.

စံးထီၣ်ပတြၢၤ 27:13

ယနာ်လၢယကအိၣ်မူထံၣ်ဘၣ်ယွၤအတၢ်ဂ့ၤတၢ်ဝါလၢပှၤ အမူတဖၣ်အကီၢ်အပူၤန့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

တၢ်ကတိၤဒိ. 12:19

တၢ်လီတၢ်ဝ့ၤတမံၤအိၣ်ဒီးတၢ်အိၣ်မူလၢအဖုၣ်လီၤ. မ့မ့ၢ်, တၢ်မ့ၢ်တၢ်တီမူဝဲဆူညါအစိၤစိၤအဃၣ်ဃၣ်လီၤ.

တၢ်ကတိၤဒိ. 19:5

နမ့ၢ်ကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်အပူၤန့ၣ်နကဘၣ် တၢ်စံၣ်ညီၣ်လီၤ. တၢ်ပူၤဖျဲးတအိၣ်ဘၣ်ဝဲဘၣ်.

တၢ်ကတိၤဒိ. 19:9

ပှၤလၢအကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်ပူၤန့ၣ်ပူၤဖျဲး ဒီးတၢ်စံၣ်ညီၣ်တသ့ဘၣ်နီတဂၤဘၣ်. အဝဲဘၣ်တၢ်စံၣ်ညီၣ်ဃါမနၤလီၤ.

တၢ်ကတိၤဒိ. 2:22

ဘၣ်ဆၣ်ဒီး, ကစၢ်ယွၤကဖ့ၣ်ထဲးထီၣ်ကွံာ်ပှၤတတီတလိၤတဖၣ်ဒီးထုး ထီၣ်ကွံာ်ပှၤတၢ်ဒဲးဘးဖိတဖၣ်လၢထံဧိၤကီၢ်ဧိၤအပူၤဒ်တၢ်မုၢ် တၢ်ဘိတဖၣ်လၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 22:19

ယွၤကသုးကွံာ်နၤလၢနမူနဒါအလီၢ်ဒီးထုးလီၤတဲာ်ကွံာ်နၤလၢ နလီၢ်ဒိၣ်နလၤထီအလီၢ်န့ၣ်လီၤ.”

လံာ်ယၡါယၤ 38:11

ယဆိကမိၣ်တ့ၢ်, လၢပှၤမူတဖၣ်အကီၢ်ပူၤအံၤ, ယတထံၣ်ဘၣ်ကဒီးယွၤမ့ၢ်ဂ့ၤ, ပှၤအမူတဂၤဂၤမ့ၢ်ဂ့ၤ, နီတစုလၢၤဘၣ်.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”