စံးထီၣ်ပတြၢၤ 52:2 - Sgaw Karen Common Bible

² နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

စံးထီၣ်ပတြၢၤ 52:2 Iomraidhean Croise

စံးထီၣ်ပတြၢၤ 109:2

အဂ့ၢ်ဒ်အံၤ, ပှၤတတီတလိၤဒီးပှၤလီတၢ် အထးခိၣ်တဖၣ်အဲၣ်ဒိးထီဒါယၤ, ကတိၤထီဒါယၤလၢ အပျ့ၤကဘျံးကဘျၣ်တဖၣ်န့ၣ်လီၤ.

စံးထီၣ်ပတြၢၤ 120:2

ယွၤဧၢ, မၤပူၤဖျဲးယၤလၢထးခိၣ်ကဘျံးကဘျၣ် ဒီးပျ့ၤလီတၢ်န့ၣ်တက့ၢ်.

စံးထီၣ်ပတြၢၤ 50:19

နဟ့ၣ်နထးခိၣ်ဆူတၢ်အၢတၢ်သီ, ဒီးနပျုၤဆူတၢ်လီတၢ်ဝ့ၤအပူၤန့ၣ်လီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 18:21

တၢ်လၢနကတိၤအီၤန့ၣ်ပၢၤဃာ်တၢ်အိၣ်မူမ့တမ့ၢ်မၤဟးဂီၤအီၤ သ့လီၤ. မၤသးဒ်န့ၣ်ဒီးနကဘၣ်တူၢ်လိာ်နတၢ်ကတိၤတဖၣ်အတၤသၣ်တဖၣ်လီၤ.

တၢ်ကတိၤဒိ. 30:14

ပှၤအိၣ်ဝဲတကလုာ်လၢအဟံးန့ၢ်တၢ်အခွဲးယာ်အၢသီလၢပှၤဖှီၣ်ဖိ ဒီးပှၤအတၢ်တအိၣ်တဖၣ်အဖီခိၣ်လီၤ. တၢ်န့ၣ်မ့ၢ်ကျဲလၢအဝဲသ့ၣ်မၤအီၣ်မၤအီတၢ်လၢအတၢ်အိၣ်မူ အိၣ်ဂဲၤအဂီၢ်လီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်မးသဲ 26:59

ပှၤလုၢ်တၢ်အခိၣ်အဒိၣ်တဖၣ်, ဒီးကီၣ်ကးဒီဖုညါကျဲးစၢးဃုတၢ်အုၣ်အသးကဘျံးကဘျၣ် ထီဒါယ့ၣ်ၡူးဒ်သိးကမၤသံဘၣ်အီၤအဂီၢ်လီၤ.

မၤတၢ် 24:1

ယဲၢ်သီပူၤကွံာ်ဝံၤအလီၢ်ခံန့ၣ်, ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဃုာ်ဒီးပှၤယူဒၤဖိ ကရၢအခိၣ်အနၢ်တနီၤဒီးပီၢ်ရီတဂၤလၢအမံၤမ့ၢ်စီၤတ့ၢ်တူးလူး, လဲၤဝဲဒၣ်ဆူဝ့ၢ်ကဲၤစါရံၤန့ၣ်လီၤ. အဝဲသ့ၣ်လဲၤထီၣ်ဆူပဒိၣ်ဖးဒိၣ်စီၤဖ့လံးအမဲာ်ညါဒီးပာ်တၢ် ကမၣ်ထီဒါစီၤပီလူးလီၤ.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

၂ ကရံၣ်သူး 11:13

ပှၤသ့ၣ်တဖၣ်န့ၣ်တမ့ၢ်ပှၤတၢ်မၢဖိနီၢ်နီၢ်ဘၣ်. အဝဲသ့ၣ်မ့ၢ်ပှၤတၢ်မၢဖိအဘျၣ်တဖၣ်, လၢအကတိၤကဘျံးကဘျၣ်တၢ်ဘၣ်ဃးအတၢ်ဖံးတၢ်မၤအဂ့ၢ်, ဒီးပျိာ်လီၤဆီအသးဒ်သိးအကလီၤဂာ်ဒီးခရံာ်အတၢ်မၢဖိနီၢ် နီၢ်တဖၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

လံာ်လီၣ်ဖျါ 12:10

တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.

လံာ်စီၤၡမူၤအ့လးအခီၣ်ထံးတဘ့ၣ် 22:9

စီၤဒိအ့းအိၣ်ဆၢထၢၣ်ဖဲန့ၣ်ဃုာ်ဒီးစီၤစီလူးအသုးခိၣ်သုး နၢ်တဖၣ်ဒီးစံးဝဲ, “ယထံၣ်တ့ၢ်စီၤဒၤဝံးဖဲအလဲၤဆူစီၤအဃံးတူာ် အဖိခွါစီၤအဃံၤမ့လ့းလၢအအိၣ်လၢဝ့ၢ်နိဘးန့ၣ်လီၤ.