စံးထီၣ်ပတြၢၤ 51:8 - Sgaw Karen Common Bible

⁸ ဒုးနၢ်ဟူယၤလၢတၢ်သူၣ်ဖှံသးညီ, ဒီးတၢ်သူၣ်ခုသးခုတက့ၢ်. မ်တၢ်ဃံတၢ်ကွဲလၢနမၤကၢ်အီၤန့ၣ် သူၣ်ဖှံသးညီကဒီးတက့ၢ်.

စံးထီၣ်ပတြၢၤ 51:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

စံးထီၣ်ပတြၢၤ 13:5

ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်, ယကသးခုယဲ, မ့ၢ်လၢ နကအုၣ်က့ၤခီၣ်က့ၤယၤအဃိလီၤ.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

စံးထီၣ်ပတြၢၤ 35:10

ယကစံးလၢယသးဒီဖျၢၣ်ညါ, “ယွၤဧၢ, ပှၤလၢအလီၤဂာ်ဒီးနၤတအိၣ်နီတဂၤဘၣ်. နမၤပူၤဖျဲးပှၤဂံၢ်စၢ်ဘါစၢ်လၢ ပှၤဂံၢ်ဆူၣ်ဘါဆူၣ်အစုပူၤ, ပှၤဖှီၣ်ဖိယာ်ဖိလၢပှၤလၢ အဂုာ်န့ၢ်တၢ်လၢအီၤအစုပူၤန့ၣ်လီၤ.”

စံးထီၣ်ပတြၢၤ 38:3

လၢနတၢ်သးထီၣ်အဃိ, ယအိၣ်လၢတၢ်ဆါနးနးကလဲာ်အပူၤ, ယနီၢ်ကစၢ်ဒီတဂၤညါအိၣ်ဒီးတၢ်ဆူးတၢ်ဆါလၢ ယတၢ်ဒဲးဘးတဖၣ်အဃိန့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်မးသဲ 5:4

ပှၤလၢအသူၣ်အုးသးအုးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကဘၣ်တၢ်မၤမုာ်ထီၣ်က့ၤအီၤ လၢကစၢ်ယွၤလီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,