စံးထီၣ်ပတြၢၤ 51:6 - Sgaw Karen Common Bible

⁶ တၢ်သူၣ်တီသးလိၤဒီးတၢ်မ့ၢ်တၢ်တီန့ၣ် မ့ၢ်တၢ်လၢနသးလီန့ၣ်လီၤ. မၤပှဲၤယသးလၢနတၢ်ကူၣ်သ့န့ၣ်တက့ၢ်.

စံးထီၣ်ပတြၢၤ 51:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်စီၤယိၤဘး 32:8

ဘၣ်ဆၣ်တၢ်အံၤမ့ၢ်ယွၤသ့တၢ်လၢာ်ကစၢ်အသးလၢအဟဲ ဆူပှၤကညီတဖၣ်အအိၣ်ဒီးဟ့ၣ်အီၤလၢတၢ်ကူၣ်သ့န့ၣ်လီၤ.

လံာ်စီၤယိၤဘး 38:36

မတၤပာ်လီၤတ့ၢ်တၢ်ကူၣ်သ့လၢတၢ်အၢၣ်တဖၣ်အကျါ ဒီးမ့ၢ်မတၤဟ့ၣ်တၢ်သ့ၣ်ညါနၢ်ပၢၢ်ဆူဘှ့ၣ်မုၢ်ပစီၤန့ၣ်လဲၣ်.

စံးထီၣ်ပတြၢၤ 125:4

ယွၤဧၢ, မၤဂ့ၤပှၤအဂ့ၤအဝါ, ဒီးပှၤလၢအသးတီဝဲလိၤဝဲတဖၣ်န့ၣ်တက့ၢ်.

စံးထီၣ်ပတြၢၤ 15:2

ပှၤတဖၣ်လၢအစူၢ်ကစၢ်ယွၤလၢတၢ်ခဲလၢာ်အပူၤ, မၤတၢ်တီတၢ်လိၤထီဘိ, ဒီးကတိၤတၢ်မ့ၢ်တၢ်တီလၢတၢ်သးတီအပူၤ,

စံးထီၣ်ပတြၢၤ 26:2

ဃုကွၢ်ယၤဒီးမၤကွၢ်ယၤ, ယွၤဧၢ, စံၣ်ညီၣ်ယသးအတၢ်ဆၢန့ၢ်ဒီး ယတၢ်ဆိကမိၣ်တဖၣ်န့ၣ်တက့ၢ်.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

စံးထီၣ်ပတြၢၤ 41:5

ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ ဒီးစံးဝဲ, “အဝဲကသံဒီးအမံၤကဘၣ်တၢ် သးပ့ၤနီၣ်အီၤအခါဖဲလဲၣ်.”

စံးထီၣ်ပတြၢၤ 5:9

အဂ့ၢ်ဒ်အံၤ, တၢ်ကတိၤအမ့ၢ်အတီ တအိၣ်ဘၣ်လၢအထးခိၣ်နီတထံၣ်ဘၣ်. လၢအသးကံၢ်ပူၤန့ၣ်အိၣ်ထဲ တၢ်သးအိၣ်မၤဟးဂီၤတၢ်န့ၣ်လီၤ. အကိာ်ပူၤန့ၣ်လီၤဂာ်ဒီးတၢ်သွၣ်ခိၣ်အပူၤ အိၣ်အိးထီၣ်အသး, အပျ့ၤတဖၣ်ပှဲၤဒီးတၢ်ကတိၤအူသဖှိထီၣ်တၢ်လၢ ကလီန့ၢ်ပှၤအဂီၢ်လီၤ.

တၢ်ကတိၤဒိ. 2:21

အဂ့ၢ်ဒ်အံၤ, ပှၤအတီအလိၤတဖၣ်, လၢအတၢ်အိၣ်မူလၢဝဲပှဲၤဝဲန့ၣ် ကအိၣ်ကဆိးလၢအထံဧိၤကီၢ်ဧိၤအပူၤလီၤ.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်လူၤကၣ် 11:39

လၢတၢ်န့ၣ်အဃိကစၢ်ယ့ၣ်ၡူးစံးဘၣ်အီၤ, “ခဲကနံၣ်အံၤ, သုဝဲပှၤဖၤရံၤၡဲတဖၣ်သုမၤကဆှီလီခီလၢအချၢတကပၤလီၤ. မ့မ့ၢ်လၢသုပူၤတခီန့ၣ်သုလၢပှဲၤဒီးတၢ်စုဆူၣ်ခီၣ်တကးဒီးတၢ် အၢတၢ်သီလီၤ.

ရိမ့ၤ 7:22

လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”