စံးထီၣ်ပတြၢၤ 51:3 - Sgaw Karen Common Bible

³ အဂ့ၢ်ဒ်အံၤ, ယသ့ၣ်ညါယတၢ်မၤကမၣ်တၢ်တဖၣ်, ဒီးယတၢ်ဒဲးဘးအိၣ်လၢယမဲာ်ညါတထံၣ်ဃီလီၤ.

စံးထီၣ်ပတြၢၤ 51:3 Iomraidhean Croise

လံာ်စီၤနဃ့မယၤ 9:2

ဒီးအဝဲသ့ၣ်မၤလီၤဖးအသးဒီးပှၤတခီဘီမုၢ်ဖိတဖၣ်န့ၣ်လီၤ. ဒီးအဝဲသ့ၣ်ကူသိးဝဲထၢၣ်တၢ်ကံးညာ်ဒီးဖှံအခိၣ်လၢဟီၣ်ခိၣ် အကမူၣ်ဒ်အမ့ၢ်တၢ်သူၣ်အုးသးအုးအတၢ်ပနီၣ်န့ၣ်လီၤ. ဒီးအဝဲသ့ၣ်ဂဲၤဆၢထၢၣ်ဒီးတဲလီၤကျဲၤလီၤတၢ်ဒဲးဘးတဖၣ်လၢ အဝဲသ့ၣ်ဒီးအမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲန့ၣ်လီၤ.

လံာ်စီၤယိၤဘး 33:27

အဝဲစံးတၢ်လၢပှၤဂီၢ်မုၢ်အမဲာ်ညါ, “ယမၤတ့ၢ်လံတၢ်ဒဲးဘးလံ. ယတမၤတၢ်လၢ အဘၣ်ဘၣ်. ဘၣ်ဆၣ်ဒီးကစၢ်ယွၤပျၢ်ဖျဲးယၤလီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

စံးထီၣ်ပတြၢၤ 38:18

ယတဲလီၤကျဲၤလီၤယတၢ်ကမၣ်, ဒီးယသးအုးလၢယတၢ်ဒဲးဘးအဃိလီၤ.

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

စံးထီၣ်ပတြၢၤ 41:5

ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ ဒီးစံးဝဲ, “အဝဲကသံဒီးအမံၤကဘၣ်တၢ် သးပ့ၤနီၣ်အီၤအခါဖဲလဲၣ်.”

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 59:12

ယွၤဧၢ, ပတၢ်ကမၣ်ထီဒါနၤတဖၣ်အိၣ်ဝဲအါအါဂီၢ်ဂီၢ်လီၤ. ပတၢ်ဒဲးဘးတဖၣ်အုၣ်အသးထီဒါပှၤလီၤ. တၢ်သ့ၣ်တဖၣ်အံၤခဲလၢာ်ပသ့ၣ်ညါဂ့ၤဂ့ၤဘၣ်ဘၣ်လီၤ.

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”