စံးထီၣ်ပတြၢၤ 51:2 - Sgaw Karen Common Bible

² သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

စံးထီၣ်ပတြၢၤ 51:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:4

စီၤဒၤဝံးပျဲလီၤအပှၤစိာ်တၢ်ကစီၣ်တဖၣ် လၢကလဲၤကိးပိာ်မုၣ်န့ၣ်လီၤ. အဝဲသ့ၣ်ဟဲက့ၤစိာ်ပိာ်မုၣ်န့ၣ်ဆူအဝဲအအိၣ်ဒီးအဝဲဒၣ်မံဃုာ်ဂဲၤဃုာ်ဒီးအီၤလီၤ. (ပိာ်မုၣ်န့ၣ်မၤကဆှီအသးဝံၤသီသီလၢပိာ်မုၣ်အလုၢ်အလၢ်တလါတဘျီန့ၣ်လီၤ.) အန့ၣ်ဝံၤဒီးပိာ်မုၣ်န့ၣ်က့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:1

ယွၤဆှၢလီၤဝံစီၤနၤသၣ်ဆူစီၤဒၤဝံးအအိၣ်လီၤ. စီၤနၤသၣ်လဲၤဆူအအိၣ်ဒီးစံးဘၣ်အီၤ, “ပှၤအိၣ်ဝဲခံဂၤလၢအအိၣ်ဆိးလၢဝ့ၢ်တဝ့ၢ်ဃီအပူၤလီၤ. တဂၤန့ၣ်ထူးတီၤဒီးတဂၤန့ၣ်ဖှီၣ်ဝဲယာ်ဝဲလီၤ.

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:58

ဒီးဖဲအဆှုၣ်ကွံာ်တၢ်တမံၤန့ၣ်ဒီး, တၢ်ဆါအၢအကဝီၤဟးမၢ်ကွံာ်န့ၣ်, အဝဲကဘၣ်ဆှုၣ်ကဒီးဝဲတဘျီဒီးကကဆှီဝဲဒၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်ယိၤဟၣ် 13:9

စီၤၡံမိၣ်ပ့းတရူးစံးဆၢအီၤဒီးစံး “ကစၢ်ဧၢ, မ့မ့ၢ်ဒ်န့ၣ်ဒီး, တဘၣ်သ့ထဲယခီၣ်တဂ့ၤ. သ့ဃုာ်စ့ၢ်ကီးယစုတဖၣ်ဒီးယခိၣ် တက့ၢ်.”

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.