စံးထီၣ်ပတြၢၤ 50:20 - Sgaw Karen Common Bible

²⁰ နကတိၤထီဒါ နဒီပုၢ်ဝဲတထံၣ်ဃီဒီး နဒုၣ်ဒွဲၣ်နမိၢ်အဖိခွါလီၤ.

စံးထီၣ်ပတြၢၤ 50:20 Iomraidhean Croise

စံးထီၣ်ပတြၢၤ 31:18

ပှၤလီတၢ်ဖိသ့ၣ်တဖၣ်လၢအပာ်ထီၣ်ထီအသး ဒီးအပာ်အသးကဖၢလၢ, လၢအကတိၤတရီတပါပှၤတီပှၤလိၤတဖၣ်န့ၣ်, မ်အနိးဖံးအိၣ်ဘှီၣ်ကလာ်တက့ၢ်.

တၢ်ကတိၤဒိ. 10:18

ပှၤတဂၤလၢအပာ်ခူသူၣ်အတၢ်သူၣ်ဟ့သးဟ့န့ၣ်မ့ၢ်ပှၤလီတၢ် တဂၤလီၤ. ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, မ့ၢ်ပှၤဟးဂီၤဖိလီၤ.

လံာ်တၢ်ဘူၣ်ထီၣ်ဘါထီၣ် 19:16

သုတရၤလီၤတၢ်ကတိၤကဘျံးကဘျၣ်ဘၣ်ဃးပှၤတဂၤလၢ်လၢ်အဂ့ၢ်တဂ့ၤ. ဖဲပှၤတဂၤဂၤဘၣ်ကွၢ်ဆၢၣ်မဲာ်ဒီးကွီၢ်လၢအ သးသမူကပူၤဖျဲးအဂီၢ်န့ၣ်သုတၢ်အုၣ်သးကဘၣ်မ့ၢ်တၢ်မၤစၢၤလၢအဂီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်မးသဲ 10:21

ပှၤကဟ့ၣ်လီၤကွံာ်အဒီပုၢ်ဝဲၢ်ဒၣ်ဝဲဆူတၢ်သံ, ပၢ်တဖၣ်ကဟ့ၣ်လီၤကွံာ်အဖိတဖၣ်, ဖိတဖၣ်ကထီဒါက့ၤအမိၢ်အပၢ်တဖၣ်ဒီး ဟ့ၣ်လီၤကွံာ်အဝဲသ့ၣ်ဒ်သိးကဘၣ်တၢ်မၤသံအီၤအဂီၢ်လီၤ.

လံာ်မးသဲ 5:11

တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်လူၤကၣ် 22:65

ဒီးအဝဲသ့ၣ်ကတိၤဒုၣ်ဒွဲၣ်ကတိၤဆါအီၤလၢတၢ်ကတိၤအဂၤ အါထံၣ်လီၤ.

၁ တံၤမသ့း 3:11

ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

လံာ်လီၣ်ဖျါ 12:10

တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.