စံးထီၣ်ပတြၢၤ 50:15 - Sgaw Karen Common Bible

¹⁵ လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 50:15 Iomraidhean Croise

လံာ်စီၤပၤခံဘ့ၣ်တဘ့ၣ် 20:2

စီၤဃံးစကံယၤဃၣ်ဃီၤအမဲာ်ဆူတၢ်ဒူၣ်ဒီးဘါထုကဖၣ်ယွၤ, စံးဝဲဒၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 20:9

တၢ်တတၢးတနါတမံၤမံၤလၢအမ့ၢ်, တၢ်ဒုးတၢ်ယၤ, တၢ်ဆါသံသတြိာ်, မ့တမ့ၢ်တၢ်သၣ်ဝံၤလီၤဒိ, မ့ၢ်ဟဲဘၣ်အဝဲ သ့ၣ်လၢကစံၣ်ညီၣ်အီၤအဂီၢ်န့ၣ်ဒီး, အဝဲသ့ၣ်ဟဲဒီးဆၢထၢၣ်လၢ ယွၤအတၢ်လုၢ်ဟံၣ်အံၤအမဲာ်ညါ, ဖဲနဘၣ်တၢ်ဘူၣ်ထီၣ်ဘါထီၣ်နၤအလီၢ်န့ၣ်သ့ဝဲလီၤ. လၢတၢ်ကိၢ်တၢ်ဂီၤအကတီၢ်န့ၣ်အဝဲသ့ၣ်ဘါထုကဖၣ်တၢ်ဆူနအိၣ်သ့ ဝဲဒီးနကဒိကနၣ်အဝဲသ့ၣ်ဒီးအုၣ်က့ၤခီၣ်က့ၤအီၤန့ၣ်လီၤ.

လံာ်စီၤယိၤဘး 22:27

ဖဲနဘါထုကဖၣ်အီၤန့ၣ်အဝဲကဒိကနၣ်နၤ, ဒီးနကမၤလၢထီၣ်ပှဲၤ ထီၣ်ဘၣ်တၢ်ဆိၣ်လၢနမၤတ့ၢ်ဒီးအီၤန့ၣ်လီၤ.

စံးထီၣ်ပတြၢၤ 107:19

အန့ၣ်ဒီး အဝဲသ့ၣ်ကိးထီၣ်ယွၤလၢအတၢ်ကိၢ်တၢ်ဂီၤအပူၤ, ဒီးယွၤမၤပူၤဖျဲးအဝဲသ့ၣ်လၢ အတၢ်နးတၢ်ဖှီၣ်န့ၣ်လီၤ.

စံးထီၣ်ပတြၢၤ 107:28

အန့ၣ်ဒီးအဝဲသ့ၣ်ကိးထီၣ်ယွၤလၢ အတၢ်ကိၢ်တၢ်ဂီၤအပူၤ, ဒီးယွၤမၤပူၤဖျဲးအဝဲသ့ၣ်လၢ အတၢ်နးတၢ်ဖှီၣ်န့ၣ်လီၤ.

စံးထီၣ်ပတြၢၤ 120:1

လၢယဘၣ်တၢ်ကီတၢ်ခဲအပူၤန့ၣ် ယကိးထီၣ်ယွၤ ဒ်သိးကစံးဆၢယၤလီၤ.

စံးထီၣ်ပတြၢၤ 22:23

“စံးထီၣ်ပတြၢၤအီၤ, သုဝဲပှၤလၢအမ့ၢ်ယွၤအခ့အပှၤသ့ၣ်ဧၢ, မၤလၤကပီၤအီၤ, သုဝဲပှၤလၢ အလီၤစၢၤလၢစီၤယၤကိာ်သ့ၣ်ဧၢ, ဘူၣ်ထီၣ်ဘါထီၣ်အီၤ, သုဝဲပှၤအံၣ်စရ့လးဖိသ့ၣ်ဧၢ,

စံးထီၣ်ပတြၢၤ 34:5

ကွၢ်ထီၣ်အီၤ, ဒီးကပီၤထီၣ်, အန့ၣ်ဒီးနမဲာ်တဆှးဘၣ်နီတဘျီဘၣ်.

စံးထီၣ်ပတြၢၤ 34:7

ယွၤအကလူးသူၣ်ဒဲဝးတရံးပှၤလၢအပျံၤအီၤ ဒီးမၤပူၤဖျဲးအဝဲသ့ၣ်လီၤ.

စံးထီၣ်ပတြၢၤ 4:2

သုဝဲ, ပှၤဂီၢ်မုၢ်ကမၤတရီတပါယၤဆံးယံာ်လဲၣ်. သုကအဲၣ်တၢ်ကလီကလီ, ဒီးလူၤဃုတၢ်တတီတလိၤန့ၣ်ဆံးယံာ်လဲၣ်. စ့လၤ

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

စံးထီၣ်ပတြၢၤ 77:2

လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

စံးထီၣ်ပတြၢၤ 77:3

တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

စံးထီၣ်ပတြၢၤ 81:7

လၢသုဘၣ်တၢ်ကိၢ်တၢ်ဂီၤန့ၣ်သုကိးထီၣ်ယၤ, ဒီးယမၤပူၤဖျဲးသုလီၤ. ယစံးဆၢသုလၢလီသီၣ်အလီၢ်ခူသူၣ်, ဒီးယမၤကွၢ်သုဖဲမရံၤဘါအထံထီၣ်ပၢၢ်လီၤ. စ့လၤ

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

စံးထီၣ်ပတြၢၤ 86:7

လၢယဘၣ်တၢ်ကိၢ်တၢ်ဂီၤအမုၢ်တနံၤန့ၣ် ယကိးထီၣ်နၤလီၤ. အဂ့ၢ်ဒ်အံၤ, နစံးဆၢယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်ယံးရမံယၤ 39:17

ဘၣ်ဆၣ်ဒီးယၤ, ယွၤအံၤ, ယကဒီဒၣ်အိၣ်ပှိၤနၤ, ဒီးနတဘၣ်တၢ်ဟ့ၣ်လီၤကွံာ်ဘၣ်နၤဆူ ပှၤလၢနပျံၤအီၤတဖၣ်အစုပူၤန့ၣ်ဘၣ်.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

လံာ်ယိၤဟၣ် 15:8

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

မၤတၢ် 16:25

ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.

လံာ်ပှၤစံၣ်ညီၣ်ကွီၢ် 15:19

တုၤနုၤတစု, ယွၤအိးထီၣ်တၢ်လီၤကအိတတီၤလၢဟီၣ်ခိၣ်လာ်ဖဲ ဝ့ၢ်လ့ၤဃံ, ဒီးထံဟဲထီၣ်လၢအပူၤလီၤ. စီၤၡံၣ်ၡိၣ်အီထံ ဒီးအိၣ်မုာ်ထီၣ်က့ၤဝဲလီၤ. မၤသးဒ်န့ၣ်ဒီး, ထံထီၣ်ပၢၢ်အံၤဘၣ်တၢ်ကိးအမံၤလၢဧ့ၣ်ဟးကိ ရ့ၤဒီးအိၣ်ဒံးဖဲဝ့ၢ်လ့ၤဃံန့ၣ်လီၤ.