စံးထီၣ်ပတြၢၤ 5:7 - Sgaw Karen Common Bible

⁷ မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

စံးထီၣ်ပတြၢၤ 5:7 Iomraidhean Croise

လံာ်စီၤပၤအခီၣ်ထံးတဘ့ၣ် 8:35

ဖဲနတြီဃာ်တၢ်ဟဲစူၤ, မ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါနၤအဃိ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးကွၢ်ဃီၤယွၤအတၢ်လုၢ် ဟံၣ်အံၤ, ဒီးဃ့ဘါထုကဖၣ်ဆူနအိၣ်လၢတၢ်ဆီၣ်လီၤသးအပူၤန့ၣ်,

လံာ်စီၤပၤအခီၣ်ထံးတဘ့ၣ် 8:38

ဖဲတၢ်တတၢးတနါမ့တမ့ၢ်တၢ်ဆူးတၢ်ဆါအိၣ်ဝဲလၢအဝဲသ့ၣ်အကျါ မ့ၢ်ဂ့ၤန့ၣ်, ပှၤလၢနပှၤဂီၢ်မုၢ်အံၣ်စရ့လးအကျါတဂၤဂၤ, မ့ၢ်ကွၢ်ဃီၤဆူယွၤအတၢ်လုၢ်ဟံၣ်အံၤ, ယူာ်ထီၣ်အစုလၢတၢ်ထုကဖၣ်အပူၤအိၣ်ဒီးတၢ်သူၣ်ကၢ်သးလီၤန့ၣ်,

စံးထီၣ်ပတြၢၤ 101:7

ပှၤလၢအလီတၢ်န့ၣ် တအိၣ်တဆိးဘၣ်လၢ ယနူၢ်ပူၤစီၤပူၤဘၣ်. ပှၤလၢအပာ်မၤအသးတဖၣ်န့ၣ် တအိၣ်တဆိးဘၣ်လၢယမဲာ်ညါနီတဂၤဘၣ်.

စံးထီၣ်ပတြၢၤ 130:4

ဘၣ်ဆၣ်တၢ်ပျၢ်တၢ်ကမၣ်အိၣ်ဒီးနၤဒ်သိး ပှၤကပျံၤနၤန့ၣ်လီၤ.

စံးထီၣ်ပတြၢၤ 132:7

ပစံးပဝဲ, “မ်ပလဲၤသကိးဆူ ယွၤအဟံၣ်, မ်ပဘူၣ်ထီၣ်ဘါထီၣ်တၢ်လၢ အလီၢ်ပစိာ်အမဲာ်ညါတက့ၢ်.”

စံးထီၣ်ပတြၢၤ 138:2

ယဃၣ်ဃီၤယမဲာ်နတၢ်လုၢ်ဟံၣ်စီဆှံအအိၣ်, ဆုးလီၤယခိၣ် ဒီးစံးထီၣ်ပတြၢၤနမံၤ လၢနတၢ်အဲၣ်ဂၢၢ်ကျၢၤ ဒီးနတၢ်မ့ၢ်တၢ်တီအဃိန့ၣ်လီၤ. အဂ့ၢ်ဒ်အံၤ, နပာ်ထီၣ်ထီနမံၤဒီး နကလုၢ်ကထါ လၢတၢ်ခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 28:2

ဒိကနၣ်ယတၢ်ထုကဖၣ်အသီၣ်, ဖဲယကိးထီၣ်နၤလၢတၢ်မၤစၢၤအဂီၢ်, ဖဲယယူာ်ထီၣ်ယစုဆူ နတၢ်လီၢ်စီဆှံကတၢၢ်န့ၣ်တက့ၢ်.

စံးထီၣ်ပတြၢၤ 34:17

ဖဲပှၤတီပှၤလိၤကိးထီၣ်ယွၤလၢတၢ်မၤစၢၤအဂီၢ်န့ၣ် ဒီးယွၤဒိကနၣ်အီၤလီၤ. ယွၤမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

စံးထီၣ်ပတြၢၤ 52:8

မ့မ့ၢ်ယဲဒၣ်အံၤ, ယမၤသးဒ်သ့ၣ်စၤယံးသံကစဲာ် တထံးလၢကစၢ်ယွၤအဟံၣ်ပူၤအသိးန့ၣ်လီၤ. ယသန့ၤယသးလၢယွၤအဘျုးအဖှိၣ် လီၤထူလီၤယိာ်လီၤ.

စံးထီၣ်ပတြၢၤ 55:16

ဘၣ်ဆၣ်ယကိးထီၣ်ယွၤ, ကစၢ်ယွၤ ဒီးယွၤကမၤပူၤမၤဖျဲးယၤလီၤ.

စံးထီၣ်ပတြၢၤ 69:13

ယွၤဧၢ, မ့မ့ၢ်ယဲဒၣ်အံၤ, ယဘါထုကဖၣ်တၢ်ဆူနၤလီၤ. ကစၢ်ယွၤဧၢ, လၢဆၢကတီၢ်လၢနဃုထၢအီၤ ဒီးလၢနတၢ်အဲၣ်ဂၢၢ်ကျၢၤလၢလၢပှဲၤပှဲၤအပူၤန့ၣ် စံးဆၢလၢ်ယၤတက့ၢ်. အဂ့ၢ်ဒ်အံၤ, နဟံးဃာ်ကျၢၤနတၢ်အၢၣ်လီၤအီလီၤလၢ နကအုၣ်က့ၤခီၣ်က့ၤတၢ်လီၤ.

စံးထီၣ်ပတြၢၤ 69:16

ယွၤဧၢ, စံးဆၢလၢ်ယၤတက့ၢ်. အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤမ့ၢ်တၢ်ဂ့ၤလီၤ. ဃၣ်နသးဆူယအိၣ်ဒ်နတၢ်သးကညီၤ အလၢအပှဲၤအသိးန့ၣ်တက့ၢ်.

တၢ်ကတိၤဒိ. 6:16

တၢ်အိၣ်ဝဲဒၣ်နွံမံၤလၢယွၤသးဟ့ဒီးသးဘၣ်အၢအီၤန့ၣ်လီၤ.

တၢ်ကတိၤဒိ. 6:17

မဲာ်ကွၢ်တၢ်အိၣ်ဒီးတၢ်ပာ်ထီၣ်ထီသး, ပျ့ၤလၢအလီတၢ်, စုလၢအမၤသံပှၤလၢအတၢ်ကမၣ်တအိၣ်,

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 64:11

ဒီးပတၢ်လုၢ်ဟံၣ်, တၢ်အလီၢ်စီဆှံဒီးဃံဝဲလၤဝဲဖဲပမိၢ်ပၢ် ဖံဖုလၢပျၢၤတဖၣ်စံးထီၣ်ပတြၢၤတ့ၢ်နၤန့ၣ်, ဘၣ်တၢ်မၤဟးဂီၤကွံာ်အီၤလၢမ့ၣ်အူလံ. ကယဲၢ်တၢ်လီၢ်တဖၣ် လၢပအဲၣ်တ့ၢ်အီၤအိၣ်လၢတၢ်ဟးဂီၤအပူၤလံ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”