စံးထီၣ်ပတြၢၤ 49:7 - Sgaw Karen Common Bible

⁷ ပှၤတဂၤပှ့ၤလီၤက့ၤအသးတသ့နီတဘျီဘၣ်. ဟ့ၣ်ကစၢ်ယွၤလၢအသးသမူအပှ့ၤအဂီၢ် တသ့ဘၣ်.

စံးထီၣ်ပတြၢၤ 49:7 Iomraidhean Croise

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

တၢ်ကတိၤဒိ. 18:11

ပှၤအထူးအတီၤတဖၣ်တခီန့ၣ်ဆိကမိၣ်ဝဲလၢအတၢ်ထူးတၢ်တီၤဒီဒၣ် အဝဲသ့ၣ်ဒ်ဝ့ၢ်တဖျၢၣ်လၢအအိၣ်ဒီးအခိၣ်ဒူတဖၣ်လၢအထီဒီးအိၣ် ဝးတရံးအီၤအသိးန့ၣ်လီၤ.

လံာ်ယံးရမံယၤ 9:22

ပှၤသံစိၣ်တဖၣ်အိၣ်လီၤပြံလီၤပြါလၢတၢ်လီၢ်ကိးပူၤဒဲး, လီၤဂာ်ဒီးတၢ်အ့ၣ်တၢ်ဆံၣ်အပူၣ်တဖၣ် လၢစံာ်ဧိၤပှဲၤဧိၤအပူၤ, လီၤဂာ်ဒီးဘုခ့လၢတၢ်ကူးဒီးပာ်လီၤတ့ၢ်အီၤလၢ ပှၤကူးတၢ်ဖိတဖၣ်, ဘုခ့လၢပှၤတထၢဖှိၣ်အီၤနီတဂၤဘၣ်န့ၣ်လီၤ. အအံၤမ့ၢ်တၢ်လၢယွၤမၤတ့ၢ်ယၤလၢယကဘၣ် စံးဘၣ်တဲဘၣ်န့ၣ်လီၤ.”

လံာ်ဟိၤၡ့ 12:9

ဘၣ်ဆၣ်ယၤ, ယွၤ, သုကစၢ်ယွၤလၢအဒုးဟးထီၣ်တ့ၢ်သုလၢကီၢ်အဲၤ ကူပတူးအပူၤ, ယကဒုးအိၣ်ကဒီးသုလၢဒဲတဖၣ်အပူၤ, ဒ်သုမၤတ့ၢ်အီၤဖဲယဟဲဆူသုအိၣ်လၢပှၢ်မုၢ်ကနၢအပူၤအခါန့ၣ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်မးသဲ 25:9

ပှၤအသူၣ်ဆးအသးဆးတဖၣ်စံးဆၢဝဲ, ‘တသ့ဘၣ်. ပသိတအိၣ်လၢအိၣ်လီၣ်လၢသုဂီၢ်ဒီးပဂီၢ်ဘၣ်. လဲၤဆူတၢ်ဆါတၢ်ပှ့ၤအကျးဒီးပှ့ၤန့ၢ်သိလၢ သုဂီၢ်ဒၣ်သုဝဲတက့ၢ်.’

လံာ်မၢ်ကူး 8:37

ပှၤကညီတဂၤကဟ့ၣ်တၢ်အပှ့ၤမနုၤတမံၤလၢ ကမၤန့ၢ်က့ၤအသးသမူနီၢ်နီၢ်အဂီၢ်န့ၣ်လဲၣ်.

၁ တံၤမသ့း 2:6

လၢအဟ့ၣ်လီၤအသးလၢတၢ်ပှ့ၤက့ၤပှၤဟီၣ်ခိၣ်ဖိခဲလၢာ် အဂီၢ်န့ၣ်လီၤ. တၢ်အဝဲအံၤမ့ၢ်တၢ်အုၣ်အသးဘၣ်ဆၢဘၣ် ကတီၢ်လၢကစၢ်ယွၤသးအိၣ်လၢပှၤခဲလၢာ်ကတုၤလၢတၢ် အုၣ်က့ၤခီၣ်က့ၤအဂ့ၢ်န့ၣ်လီၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.