စံးထီၣ်ပတြၢၤ 49:10 - Sgaw Karen Common Bible

¹⁰ ပှၤတဂၤလၢ်လၢ်ထံၣ်သ့လၢ ပှၤကူၣ်ဘၣ်ကူၣ်သ့တဖၣ်ဒၣ်လဲာ်သံဝဲ, ဒ်သိးသိးပှၤသးတဆးဒီးပှၤသးတထံတဖၣ်စ့ၢ်ကီးန့ၣ်လီၤ. အဝဲသ့ၣ်ခဲလၢာ်ပာ်တီၢ်တ့ၢ် အတၢ်ထူးတၢ်တီၤတဖၣ်ဆူ ပှၤလီၤစၢၤလၢအဝဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 49:10 Iomraidhean Croise

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 49:17

အဂ့ၢ်ဒ်အံၤ, တုၤအသံဒီးက့ၤစိာ်တၢ်တန့ၢ်နီတမံၤဘၣ်. အတၢ်ထူးတၢ်တီၤတလဲၤပိာ်ထွဲအခံဘၣ်.

စံးထီၣ်ပတြၢၤ 73:22

ယမ့ၢ်ပှၤလၢအသးတပှဲၤဒီး တၢ်သ့ၣ်ညါနၢ်ပၢၢ်တအိၣ်, ယလီၤဂာ်ဒီးဆၣ်ဖိကီၢ်ဖိလၢနမဲာ်ညါလီၤ.

စံးထီၣ်ပတြၢၤ 89:49

ယွၤဧၢ, နတၢ်အဲၣ်ဂၢၢ်ကျၢၤလၢပျၢၤ ဒီးနဆိၣ်တ့ၢ်တၢ်ဒီးစီၤဒၤဝံးလၢ တၢ်သူၣ်တီသးလိၤအပူၤန့ၣ်, မ့ၢ်အအိၣ်ဖဲလဲၣ်.

စံးထီၣ်ပတြၢၤ 94:8

ယပှၤဂီၢ်မုၢ်ဧၢ, သုကဲထီၣ်ပှၤဟးဂီၤဖိထဲသိးန့ၣ်ဧါ. သ့ဒ်လဲၣ်. သုကမၤလိန့ၢ်တၢ်အခါဖဲလဲၣ်.

တၢ်ကတိၤဒိ. 11:4

မုၢ်တနံၤဖဲနကွၢ်ဆၢၣ်မဲာ်တၢ်သံန့ၣ်, တၢ်ထူးတၢ်တီၤတဖၣ်တမၤ ဂ့ၤနၤဘၣ်. မ့မ့ၢ်, တၢ်တီတၢ်လိၤမၤပူၤဖျဲးနသးသမူသ့ဝဲလီၤ.

တၢ်ကတိၤဒိ. 12:1

ပှၤတဂၤလၢ်လၢ်လၢအအဲၣ်တၢ်သ့ၣ်ညါနၢ်ပၢၢ်န့ၣ်သးအိၣ်လၢပှၤကစံး ဘၣ်တဲဘၣ်အီၤဖဲအဝဲမၤကမၣ်တၢ်န့ၣ်လီၤ. တၢ်သးဟ့တၢ်သိၣ်ဃီၣ်န့ၣ်မ့ၢ်တၢ်သူၣ်တထံသးတဆးလီၤ.

တၢ်ကတိၤဒိ. 14:24

ပှၤကူၣ်သ့တဖၣ်ဘၣ်တၢ်ဟ့ၣ်ဘျုးအီၤလၢတၢ်ထူးတၢ်တီၤလီၤ. မ့မ့ၢ်ပှၤဟးဂီၤဖိတဖၣ်ဘၣ်တၢ်သ့ၣ်ညါအီၤလၢအတၢ်ဟးဂီၤဒၣ်ဝဲ န့ၣ်လီၤ.

တၢ်ကတိၤဒိ. 30:2

ယလီၤဂာ်ဒီးဆၣ်ဖိကီၢ်ဖိအါန့ၢ်ဒံးပှၤကညီတဂၤ တက့ၢ်လီၤ. ယတအိၣ်ဒီးတၢ်သးဆးလၢကြၢးအိၣ်ဒီးပှၤကညီတဂၤန့ၣ်ဘၣ်.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 17:11

ပှၤတဂၤလၢအမၤန့ၢ်စ့လၢတၢ်တတီတလိၤအပူၤန့ၣ်, လီၤဂာ်ဒ်ထိၣ်တဘ့ၣ်လၢအဟုဒံၣ်တဖၣ်လၢ အဝဲတဒံၣ်လီၤဝဲဘၣ်အသိးန့ၣ်လီၤ. လၢတၢ်အိၣ်မူအသးအနံၣ်အလါအဂ့ၤကတၢၢ်အကတီၢ်န့ၣ်, အတၢ်ထူးတၢ်တီၤတဖၣ်ကလီၤမၢ်န့ၢ်အီၤဒီးလၢအကတၢၢ်န့ၣ် အဝဲတမ့ၢ်တၢ်နီတမံၤလၢၤဘၣ်, ဒီးမ့ၢ်ဒၣ်ပှၤဟးဂီၤဖိတဂၤန့ၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

ဧ့ၤဘြံၤ 9:27

ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,