စံးထီၣ်ပတြၢၤ 47:9 - Sgaw Karen Common Bible

⁹ ပှၤပၢတၢ်လၢအပၢပှၤကလုာ်တဖၣ်အိၣ်ဖှိၣ်ရိဖှိၣ် ဒီးစီၤအၤဘြၤဟၣ်အကစၢ်ယွၤ အပှၤဂီၢ်မုၢ်တဖၣ်န့ၣ်လီၤ. အဂ့ၢ်ဒ်အံၤ ဟီၣ်ခိၣ်အကတီၤတဖၣ် ဘၣ်ဃးဒီးယွၤန့ၣ်လီၤ. အဝဲဘၣ်တၢ်ပာ်ထီၣ်ထီအီၤဒိၣ်မးန့ၣ်လီၤ.

စံးထီၣ်ပတြၢၤ 47:9 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 72:11

မ်စီၤပၤခဲလၢာ်ကဘါထီၣ်အီၤ ဒီးပှၤကလုာ်ခဲလၢာ်ကမၤအတၢ်တက့ၢ်.

စံးထီၣ်ပတြၢၤ 89:18

နဲဒၣ်ယွၤဧၢ, နဃုထၢပှၤ, ဒီဒၣ်အိၣ်ပှိၤပှၤ, နဲဒၣ်အံၣ်စရ့လးအကစၢ်ယွၤစီဆှံဧၢ, ဟ့ၣ်ပှၤပစီၤပၤတ က့ၢ်.

စံးထီၣ်ပတြၢၤ 97:9

တၢ်စိဒိၣ်ကမီၤထီယွၤဧၢ, နမ့ၢ်ပှၤပၢဟီၣ်ခိၣ်ဒီဘ့ၣ်ညါ ဒီးနဒိၣ်န့ၢ်ဒံးကယဲၢ်ကစၢ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 3:15

တဲဘၣ်ပှၤအံၣ်စရ့လးဖိတဖၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤန့ၣ်ဆှၢလီၤနၤဆူ အဝဲသ့ၣ်အအိၣ်တက့ၢ်. အအံၤမ့ၢ်ယမံၤအထူအယိာ် လၢပှၤတစိၤဘၣ်တစိၤကဘၣ်ကိးယၤန့ၣ်တက့ၢ်.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

တၢ်ကတိၤဒိ. 30:5

ယွၤမၤလၢပှဲၤအတၢ်အၢၣ်လီၤကိးထံၣ်ဒဲးလီၤ. အဝဲလီၤဂာ်ဒ်ကတီၤတဘ့ၣ်အသိးလၢပှၤဃုန့ၢ်အတၢ်ဒီဒၣ်အိၣ်ပှိၤ ကိးဂၤဒဲးအဂီၢ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.