စံးထီၣ်ပတြၢၤ 47:4 - Sgaw Karen Common Bible

⁴ အဝဲဃုထၢတ့ၢ်ထံကီၢ်လၢပအိၣ်အလီၢ်အဂီၢ်, တၢ်န့ၢ်သါလၢအပှၤဂီၢ်မုၢ် လၢအအဲၣ်ဝဲအဂီၢ်န့ၣ်လီၤ. စ့လၤ

စံးထီၣ်ပတြၢၤ 47:4 Iomraidhean Croise

စံးထီၣ်ပတြၢၤ 136:22

ဟ့ၣ်တၢ်န့ၢ်သါလၢအခ့အပှၤ, အံၣ်စရ့လးအဂီၢ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

လံာ်ယၡါယၤ 60:15

နတဘၣ်တၢ်လဲၤသဒၣ်ကွံာ်နၤဒီးဘၣ်တၢ်သးဟ့နၤ, နတမ့ၢ်ဝ့ၢ်တဝ့ၢ်လၢအဘၣ်တၢ် ညိကွံာ်အီၤဒီးအိၣ်သယုၢ်သညိနီတစုလၢၤဘၣ်. ယကဒုးကဲထီၣ်နၤလၢဝ့ၢ်ဖးဒိၣ်ဒီးဃံလၤတဝ့ၢ်, တၢ်သးခုအလီၢ်တပူၤအစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်ဟိၤၡ့ 14:4

ယွၤစံးဝဲဒၣ်, ယကမိၤကဒါက့ၤယပှၤဂီၢ်မုၢ်ဆူယအိၣ်လီၤ. ယကအဲၣ်အဝဲသ့ၣ်လၢယသးဒီဖျၢၣ်ညါလီၤ. ယတသးထီၣ်လၢၤအဝဲသ့ၣ်နီတဘျီလၢၤဘၣ်.

လံာ်ဧၤမိၣ် 6:8

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ကတိၤဟ့ၣ်ပလီၢ်တၢ် လၢအနီၢ်ကစၢ်ဒၣ်ဝဲ, ဒီးစံးဝဲဒၣ်, ယသးဟ့ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီအသး, ယသးဘၣ် အၢအတၢ်အိၣ်မုာ်ဆိးပၢၤအလီၢ်တဖၣ်လီၤ. ယကဟ့ၣ်လီၤအဝ့ၢ်ခိၣ်ဒီးကယဲၢ်တၢ်အိၣ်လၢအပူၤခဲလၢာ်ဆူ အဒုၣ်အဒါအစုပူၤန့ၣ်လီၤ.

လံာ်ဧၤမိၣ် 8:7

ဒီးအံၣ်စရ့လးအကစၢ်ယွၤမၤတၢ်ဆိၣ်ဒီးစံး, ယတသးပ့ၤနီၣ်အဝဲသ့ၣ်အတၢ်မၤအအၢအသီတဖၣ်နီတဘျီဘၣ်.

လံာ်နၤဃူၣ် 2:2

ဘူးလံလၢယွၤကမၤအိၣ်ထီၣ်က့ၤပှၤအံၣ်စရ့လးဖိ အလၤအကပီၤဒ်အအိၣ်ပာ်တ့ၢ်လံဝဲတချုး လၢအဒုၣ်အဒါတဖၣ်မၤဟးဂီၤကွံာ်အီၤအသိးန့ၣ်လီၤ.

လံာ်မၤလကံ 1:2

ဒီးယွၤစံးဘၣ်အပှၤဂီၢ်မုၢ်, “ယအဲၣ်သုထီဘိလီၤ.” ဘၣ်ဆၣ်ဒီးအဝဲသ့ၣ်စံးဆၢဝဲ, “နဒုးနဲၣ်နတၢ်အဲၣ်ပှၤဒ်လဲၣ်.” ယွၤစံးဆၢဝဲ, “စီၤဧ့ၡီၤဒီးစီၤယၤကိာ်မ့ၢ်ပှၤဒီပုၢ်ဝဲၢ်, ဘၣ်ဆၣ်ယအဲၣ်စီၤယၤကိာ်ဒီးအစၢၤအသွဲၣ်တဖၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

လံာ်သိၣ်လီၤသီလီၤတၢ် 11:12

ယွၤ, သုကစၢ်ယွၤအံးထွဲကွၢ်ထွဲကီၢ်အံၤဒီးကွၢ်လီၤအီၤ စးထီၣ်လၢနံၣ်အခီၣ်ထံးတုၤလၢနံၣ်အကတၢၢ်န့ၣ်လီၤ.

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.