စံးထီၣ်ပတြၢၤ 47:1 - Sgaw Karen Common Bible

¹ ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု, ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ အတၢ်သးဝံၣ်တဖၣ်န့ၣ်တက့ၢ်.

စံးထီၣ်ပတြၢၤ 47:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:15

မၤသးဒ်န့ၣ်ဒီးအဝဲဒီးကယဲၢ်ပှၤအံၣ်စရ့လးဖိခဲလၢာ် က့ၤစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ယရူၤရှလ့ၣ်အိၣ် ဒီးတၢ်သူၣ်ခုသးခုအတၢ်ကိးပသူထီၣ်ဒီးကွဲၤတဖၣ်အသီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 13:15

ပှၤယူဒၤဖိတဖၣ်ကိးထီၣ်လၢအကလုၢ်ဖးဒိၣ်, ဒီးလဲၤထီၣ်ဒုးတၢ် လၢစီၤအဘံယၤအတၢ်ဆှၢအီၤန့ၣ်လီၤ. ကစၢ်ယွၤမၤနၢၤကွံာ်စီၤယၤရၤဘၣ်, ဒီးအံၣ်စရ့လးအသုးမုၢ်န့ၣ်လီၤ.

စံးထီၣ်ပတြၢၤ 106:47

ယွၤပကစၢ်ဧၢယွၤ, အုၣ်က့ၤခီၣ်က့ၤပှၤတက့ၢ်. ကိးက့ၤပှၤလၢ ပှၤကလုာ်တဖၣ်အကျါ ဒ်သိးပကစံးဘျုးစံးဖှိၣ်နၤ ဒီးစံးထီၣ်ပတြၢၤနမံၤစီဆှံန့ၣ်တက့ၢ်.

စံးထီၣ်ပတြၢၤ 42:1

ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ အယွၤလီၤအသိး, ယသးဆၢန့ၢ်ဘၣ်နၤလီၤ.

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 47:5

ကစၢ်ယွၤက့ၤထီၣ်ဆူအလီၢ်ပစိာ်လီၤ. တၢ်သူၣ်ဖှံသးညီအတၢ်ကိးထီၣ်တဖၣ် ဒီးကွဲၤတဖၣ်သီၣ်ထီၣ်ဝဲ ဖဲယွၤက့ၤထီၣ်ဆူထးန့ၣ်လီၤ.

စံးထီၣ်ပတြၢၤ 98:4

ပှၤဟီၣ်ခိၣ်ဖိခဲလၢာ်သ့ၣ်ဧၢ, သးဝံၣ်ထီၣ်ယွၤလၢတၢ်သးခု, စံးထီၣ်ပတြၢၤအီၤလၢတၢ်သးဝံၣ် ဒီးကိးထီၣ်အီၤလၢတၢ်သူၣ်ဖှံသးညီန့ၣ်တက့ၢ်.

စံးထီၣ်ပတြၢၤ 98:8

မ်ထံကျိတဖၣ်ဒဲအစုတက့ၢ်. မ်ကစၢၢ်ကလိတဖၣ်သးဝံၣ်တၢ်လၢ တၢ်သူၣ်ဖှံသးညီအပူၤ, လၢယွၤအမဲာ်ညါတက့ၢ်.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်စဖါနယၤ 3:14

အံၣ်စရ့လးအပှၤဂီၢ်မုၢ်ဧၢ, သးဝံၣ်ဒီးကိးထီၣ်လၢတၢ်သူၣ်ဖှံသးညီ အပူၤတက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, သူၣ်ခုသးခုလၢနသးဒီဖျၢၣ်ညါန့ၣ်တက့ၢ်.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:24

စီၤၡမူၤအ့လးစံးဘၣ်ပှၤဂီၢ်မုၢ်, “အဝဲအံၤ, မ့ၢ်ပှၤတဂၤလၢယွၤဃုထၢထီၣ်အီၤန့ၣ်လီၤ. လၢပဝဲဒၣ်ခဲလၢာ်အကျါပှၤလီၤဂာ်ဒီးအီၤတအိၣ်ဘၣ်နီတဂၤဘၣ်.” ဒီးကယဲၢ်ပှၤဂီၢ်မုၢ်ခဲလၢာ်ကိးထီၣ်ဝဲ, “မ်ပကစၢ်စီၤပၤအိၣ်ကၢအိၣ်ခိးတက့ၢ်.”