စံးထီၣ်ပတြၢၤ 46:8 - Sgaw Karen Common Bible

⁸ ဟဲဒီးကွၢ်တၢ်လၢယွၤမၤတဖၣ်န့ၣ်တက့ၢ်. ကွၢ်တၢ်လီၤလးသ့ၣ်တဖၣ်လၢအမၤတ့ၢ်ဝဲလၢ ဟီၣ်ခိၣ်ချၢန့ၣ်တက့ၢ်.

စံးထီၣ်ပတြၢၤ 46:8 Iomraidhean Croise

စံးထီၣ်ပတြၢၤ 146:5

ပှၤလၢစီၤယၤကိာ်အကစၢ်ယွၤမ့ၢ်အတၢ်မၤစၢၤအီၤ, ပှၤလၢအမုၢ်လၢ်တၢ်လၢယွၤ, အကစၢ်ယွၤန့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 59:10

ယကစၢ်ယွၤအဲၣ်ယၤဒီး ကဟဲဆူယအိၣ်လီၤ. အဝဲကဒုးထံၣ်ယၤလၢဒုၣ်ယဒါဘၣ် တၢ်မၤနၢၤကွံာ်အီၤန့ၣ်လီၤ.

စံးထီၣ်ပတြၢၤ 66:5

ဟဲဒီးကွၢ်တၢ်လၢကစၢ်ယွၤမၤတ့ၢ်န့ၣ်တက့ၢ်. အဝဲမ့ၢ်တၢ်ပျံၤအလီၢ်လၢ အတၢ်မၤတဖၣ်လၢပှၤကညီအကျါန့ၣ်လီၤ.

လံာ်တၢ်ဟးထီၣ်ကွံာ် 10:7

စီၤပၤအပဒိၣ်ပပှၢ်တဖၣ်စံးဘၣ်အီၤ, “ပှၤတဂၤအံၤကမၤတံာ်တာ်ပှၤ ဆံးယံာ်လဲၣ်. ပျၢ်ကွံာ်ပှၤအံၣ်စရ့လးဖိအပိာ်ခွါတဖၣ်ဒ်သိးအကလဲၤဘူၣ်ထီၣ် ဘါထီၣ်အယွၤ, အကစၢ်ယွၤန့ၣ်တက့ၢ်. မ့ၢ်နတသ့ၣ်ညါဘၣ်လၢကီၢ်အဲၤကူပတူးအံၤဟးဂီၤကွံာ်လံန့ၣ်ဘၣ်ဧါ.”

လံာ်တၢ်ဟးထီၣ်ကွံာ် 12:30

လၢမုၢ်နၤအဝဲန့ၣ်, စီၤပၤ, အဝဲအခ့အပှၤတဖၣ်ဒီးကယဲၢ်ပှၤအဲၤကူပတူးဖိခဲလၢာ်ဖုးပၢၢ်ထီၣ်ဝဲဒၣ်လီၤ. ဒီးတၢ်ဟီၣ်ကိးပသူဖးဒိၣ်အိၣ်ထီၣ်ဝဲဒၣ်လၢကီၢ်အဲၤကူပတူး ဒီဘ့ၣ်ညါအပူၤမ့ၢ်လၢဖိဝဲၢ်ကိတဖၣ်သံဝဲဒၣ်လၢဟံၣ်ကိးဖျၢၣ် ဒဲးအပူၤအဃိန့ၣ်လီၤ.

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်ယၡါယၤ 61:4

အဝဲသ့ၣ်ကသူၣ်ထီၣ်ဘှီထီၣ်ကဒါက့ၤဝ့ၢ်တဖၣ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤန့ၣ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်တၢ်ဂံၢ် 14:9

ပူထီၣ်ထီဒါယွၤတဂ့ၤ. ဒီးပျံၤပှၤအိၣ်ဖဲန့ၣ်တဖၣ်တဂ့ၤ. ပကမၤနၢၤအဝဲသ့ၣ်ညီကဒၣ်လီၤ. ယွၤအိၣ်ဒီးပှၤဒီးမၤနၢၤလံကစၢ်တဖၣ်လၢအအိၣ်ပှိၤတ့ၢ်အဝဲ သ့ၣ်န့ၣ်လီၤ.

လံာ်တၢ်ဂံၢ် 23:23

တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.