စံးထီၣ်ပတြၢၤ 46:6 - Sgaw Karen Common Bible

⁶ ပှၤကလုာ်တဖၣ်သီၣ်ထီၣ်ရုၢ်ရုၢ်, ဒီးဘီမုၢ်တဖၣ်ဟူးဝးဝဲလီၤ. ကစၢ်ယွၤထုထီၣ်ကလုာ်, ဒီးဟီၣ်ခိၣ်ပှံၢ်ဝဲလီၤ.

စံးထီၣ်ပတြၢၤ 46:6 Iomraidhean Croise

လံာ်စီၤပၤခံဘ့ၣ်တဘ့ၣ် 19:34

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်ဒီးမ့ၢ်လၢတၢ်အၢၣ်လီၤအီလီၤလၢယမၤတ့ၢ်ဒီးယခ့ယပှၤစီၤ ဒၤဝံးအဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:1

တၢ်န့ၣ်တဖၣ်အလီၢ်ခံတယံာ်ဘၣ်န့ၣ်, ကီၢ်မိၤအးဒီးကီၢ်ဧၤမိၣ် အသုးမုၢ်တဖၣ်ပာ်ဖှိၣ်ဃုာ်သကိးအသးဒီးအဝဲသ့ၣ်အသိၣ်အမှံၤတဖၣ် လၢအမ့ၢ်ပှၤမူနးဖိတဖၣ်ဒီးဟဲထီၣ်ဒုးကီၢ်ယူဒၤန့ၣ်လီၤ.

စံးထီၣ်ပတြၢၤ 125:1

ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ်စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ်ဝဲဆိးဝဲလီၤထူလီၤယိာ်လီၤ.

စံးထီၣ်ပတြၢၤ 18:13

ဒီးယွၤဒုးသီၣ်ထီၣ်တၢ်ဒ်လီသီၣ်အသိးလၢမူခိၣ်, ဒီးတၢ်ထီကတၢၢ်မၤသီၣ်ထီၣ်အကလုၢ်လီၤ.

စံးထီၣ်ပတြၢၤ 68:33

ပှၤလၢအဒိးတၢ်လၢ တၢ်အၢၣ်အပူၤ, တၢ်အၢၣ်လၢပျၢၤန့ၣ်တက့ၢ် ကနၣ်အတၢ်ကိးထီၣ် အသီၣ်ဖးဒိၣ်တက့ၢ်.

စံးထီၣ်ပတြၢၤ 68:8

ဟီၣ်ခိၣ်ဆှဲးဆှိးဝဲဒီး မူခိၣ်ဒုးစူၤလီၤတၢ်, လၢကစၢ်ယွၤ လၢအမ့ၢ်ကစၢၢ်စံၤနါအကစၢ်, အကစၢ်ယွၤလၢအမ့ၢ် အံၣ်စရ့လးအကစၢ်ယွၤအမဲာ်ညါန့ၣ်လီၤ.

စံးထီၣ်ပတြၢၤ 97:5

ကစၢၢ်ကလိပှံၢ်လီၤဝဲဒ်ဃိးအသိးလၢယွၤအမဲာ်ညါ, လၢဟီၣ်ခိၣ်ဒီဘ့ၣ်ညါအကစၢ်အမဲာ်ညါလီၤ.

လံာ်ယၡါယၤ 31:5

ဒ်ထိၣ်တဘ့ၣ်ယူၤဝ့ၤဝီၤလၢအသွံအဖီခိၣ်လၢတၢ်ဒီဒၣ်အိၣ်ပှိၤ အဖိတဖၣ်အဂီၢ်အသိး, ယၤ, ယွၤသ့တၢ်လၢာ်ကဒီဒၣ်အိၣ်ပှိၤ ဝ့ၢ်ယရူၤၡလ့ၣ်ဒီးခီၣ်ဆၢတၢ်လၢအဂီၢ်လီၤ.”

လံာ်ယၡါယၤ 33:20

ကွၢ်ဃီၤစံယိၣ်, ဝ့ၢ်လၢပမၤပတၢ်ဘူၣ်တၢ်ဘါအမူးတဖၣ်န့ၣ် တက့ၢ်. ကွၢ်ဃီၤဝ့ၢ်ယရူၤရှလ့ၣ်တက့ၢ်. ကမ့ၢ်ဝဲတၢ်ပူၤဖျဲး အလီၢ်တတီၤလၢပကအိၣ်လၢအပူၤမးလဲၣ်. ကလီၤဂာ်ဒီးဒဲတဖျၢၣ်လၢတၢ်တသုးအလီၢ်နီတဘျီဘၣ်, အနီၣ်စဲတဖၣ်တဘၣ်တၢ်ထဲးထီၣ်ကွံာ်အီၤနီတဘျီဘၣ်, ဒီးလၢအပျံၤတဖၣ်တဘၣ်တၢ်မၤတဲာ်ကွံာ်အီၤနီတဘျီဘၣ် န့ၣ်လီၤ.

လံာ်ယံးရမံယၤ 25:30

နဲဒၣ်, စီၤယံးရမံယၤဧၢ, နကဘၣ်တဲဖျါတၢ်ကိးမံၤဒဲးလၢ ယစံးတ့ၢ်ယဲလီၤ. နဘၣ်တဲဘၣ်ပှၤဂီၢ်မုၢ်တဖၣ်အံၤလၢ, “ယွၤကထုထီၣ်အကလုၢ်လၢမူခိၣ် ဒီးအကလုၢ်ကသီၣ်ထီၣ်ဝဲ ဒ်လီသီၣ်အသိးလၢမူခိၣ် အလီၢ်ထီၣ်ထီတဖၣ်န့ၣ်လီၤ. အဝဲကထုထီၣ်အကလုၢ်ထီဒါ အပှၤဂီၢ်မုၢ်, အဝဲကကိးပသူထီၣ်ဝဲ ဒ်ပှၤတဂၤလၢ အယီၢ်စပံးသၣ်အသိးန့ၣ်လီၤ. ပှၤကိးဂၤဒဲးလၢ ဟီၣ်ခိၣ်ချၢကနၢ်ဟူအီၤ,

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

လံာ်ဧၤမိၣ် 1:2

ဒီးစီၤဧၤမိၣ်စံးဝဲဒၣ်, “ယွၤကိးသတြီထီၣ်လၢကစၢၢ်စံယိၣ်, ထုထီၣ်အကလုၢ်လၢဝ့ၢ်ယရူၤၡလ့ၣ်လီၤ. တၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲ ဒီးတပံၢ်တမါလၢကစၢၢ်ကၢ်မ့ၤလးအဒီခိၣ်ဃ့ထီကွံာ်ဝဲလီၤ.”

လံာ်ဧၤမိၣ် 9:13

ယွၤစံးဝဲဒၣ်, မုၢ်နံၤတဖၣ်ဟဲဝဲ, ဖဲဘုဧိၤဟုဧိၤတဖၣ်ကမဲထီၣ်ချ့န့ၢ်ဒံး တၢ်ကူးအီၤကသ့အကတီၢ်, ဒီးစပံးမုၢ်တဖၣ်ဒိၣ်ထီၣ်ဝဲကချ့န့ၢ်ဒံး တၢ်မၤစပံးထံကသ့အကတီၢ်န့ၣ်လီၤ. ကစၢၢ်ကလိတဖၣ်ကလီၤစီၤဒီးစပံးထံအဆၢဒီးတၢ်လူၢ်ခိၣ် တဖၣ်ကယွၤလီၤဃုာ်ဒီးစပံးထံန့ၣ်လီၤ.

လံာ်ဧၤမိၣ် 9:5

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ထိးဘၣ်ဟီၣ်ခိၣ်ဒီး ဟူးဝးဝဲ, ဒီးကယဲၢ်ပှၤအိၣ်လၢအပူၤခဲလၢာ်ဟီၣ်ဝဲယၢၤဝဲလီၤ. ဟီၣ်ခိၣ်ဒီဘ့ၣ်စံၣ်စုးဒီးလီၤသွီဒ်ထံကျိနံၤလါလၢကီၢ်အဲၤကူပတူး အသိးန့ၣ်လီၤ.

လံာ်မံကၤ 1:4

တုၤနုၤတစု, ဒ်ဃိးလၢအပှံၢ်လီၤဝဲလၢမ့ၣ်အူပူၤဒီးထံလၢ အယွၤလီၤဝဲလၢတၢ်လူၢ်ခိၣ်အသိးန့ၣ်ကစၢၢ်တဖၣ်ကပှံၢ်လီၤဝဲ ဒီးယွၤလီၤဝဲလၢကစၢၢ်ကဆူးပူၤလီၤ.

လံာ်နၤဃူၣ် 1:5

ကစၢၢ်ကလိတဖၣ်ဟူးဝးဆှဲးဆှိး ဒီးတၢ်လူၢ်ဒီခိၣ်တဖၣ်ပှံၢ်ထီၣ်ကွံာ်ဝဲလၢယွၤ အမဲာ်ညါန့ၣ်လီၤ. ဟီၣ်ခိၣ်ဟူးဝးဖဲယွၤလီၣ်ဖျါထီၣ်အသး, ဟီၣ်ခိၣ်ဒီးအပှၤဂီၢ်မုၢ်ခဲလၢာ်ကနိးကစုာ်ဝဲဒၣ်န့ၣ်လီၤ.

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 2:9

ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.