စံးထီၣ်ပတြၢၤ 45:8 - Sgaw Karen Common Bible

⁸ နကူနသိးတဖၣ်နၢမူဝဲဒီးမူရၣ်, အကၠီၣ်ဒီးကဒါနါန့ၣ်လီၤ. သီတူၢ်တနၢ်တဖၣ်မၤသးခုနၤလၢ နီကဆီမဲအပူၤန့ၣ်လီၤ.

စံးထီၣ်ပတြၢၤ 45:8 Iomraidhean Croise

လံာ်စီၤပၤအခီၣ်ထံးတဘ့ၣ် 22:39

ကယဲၢ်တၢ်အဂုၤအဂၤတမံၤလၢ်လၢ်လၢစီၤပၤအၤဃာ်မၤတ့ၢ်ဝဲ, ဃုာ်ဒီးတၢ်ကွဲးနီၣ်ဘၣ်ထွဲဒီးအဝဲအနီလၢအဘၣ်တၢ်ကယၢကယဲ အီၤလၢကဆီမဲဒီးကယဲၢ်ဝ့ၢ်တဖၣ်လၢအဝဲသူၣ်ထီၣ်တ့ၢ်ဝဲ အဂ့ၢ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးအစီၤ ပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

စံးထီၣ်ပတြၢၤ 11:7

အဂ့ၢ်ဒ်အံၤ, ယွၤန့ၣ်တီဝဲလိၤဝဲ ဒီးအဲၣ်တၢ်တီတၢ်လိၤအတၢ်မၤတဖၣ် ဒီးပှၤအသူၣ်လိၤအသးဘျၢတဖၣ်န့ၣ် ကထံၣ်ဘၣ်ယွၤအမဲာ်လီၤ.

စံးထီၣ်ပတြၢၤ 150:4

စံးထီၣ်ပတြၢၤအီၤလၢဒၢ, ဒီးတၢ်ဂဲၤကလံၣ်တက့ၢ်. စံးထီၣ်ပတြၢၤအီၤလၢတၢ်လၢပှၤဒ့ဝဲဒီး တၢ်လၢပှၤအူဝဲန့ၣ်တက့ၢ်.

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 45:15

အဝဲသ့ၣ်ဟဲနုာ်ဆူစီၤပၤအနီပူၤအိၣ်ဒီး တၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:13

ပှၤလၢယအဲၣ်အီၤတဂၤနၢမူဒ်မူရၣ်အသိး, ဖဲအဝဲမံနီၤလၢယနုၢ်ကဆူးပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:6

ယကအိၣ်လၢမူရၣ်အတၢ်လူၢ်လၢအနၢမူဝဲအလိၤ တုၤလၢဂီၤခီအကလံၤဆှံဟဲအူထီၣ်ဝဲ, ဒီးတၢ်ခံးလီၤမၢ်ကွံာ် ဝဲန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 5:13

အဘိးပၤလီၤအဲၣ်ဝဲဒ်တၤသၣ်လီၢ်တလီၢ်အသိး, လၢအပှဲၤဝဲဒီးသ့ၣ်ဖိဒီးသ့ၣ်အစီနၢမူတဖၣ်န့ၣ်လီၤ. အနိးဖံးတဖၣ်မၤအသးဒ်ဖီဒ့ၣ်ညါတဖၣ်, လၢအဘၣ်စီၣ်ဝဲဒီးမူရၣ်အထံအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:5

ယအိၣ်ကတဲာ်ကတီၤယသးလၢယကပျဲနုာ် အီၤန့ၣ်လီၤ. ယစုတဖၣ်ဖှူဃာ်အသးဒီးမူရၣ်, ဒီးယစုမုၢ်တဖၣ်ဘၣ်စီၣ်လၢမူရၣ်အထံ, ဖဲယစှီၤဃာ်ပဲတြီအစုဟံးအခါန့ၣ်လီၤ.

လံာ်ဧၤမိၣ် 3:15

ယကမၤဟးဂီၤကွံာ်တၢ်ဂိၢ်ကတီၢ်အဟံၣ်တဖၣ် ဒီးတၢ်ကိၢ်ကတီၢ်အဟံၣ်တဖၣ်လီၤ. ဟံၣ်တဖၣ်လၢအဘၣ်တၢ်ကယၢကယဲအီၤလၢကဆီမဲ ကလီၤပှီၢ်ကွံာ်ဝဲဒၣ်ဆူတၢ်ဟးဂူာ်ဟးဂီၤအပူၤ, ဒီးကယဲၢ်ဟံၣ်ဖးဒိၣ် ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်ယိၤဟၣ် 14:2

လၢယပၢ်အဟံၣ်ပူၤန့ၣ်, ဒၢးအိၣ်ဝဲအါဖျၢၣ်လီၤ. ယကလဲၤကတဲာ်ကတီၤတၢ်လီၢ်လၢသုဂီၢ်လီၤ. တၢ်အံၤမ့တမ့ၢ်ဘၣ်န့ၣ်, ယတစံးဘၣ်တဲဘၣ်သုဘၣ်.

လံာ်ယိၤဟၣ် 19:39

စီၤနံၤကဒ့မူး, ပှၤလၢအဃုထံၣ်တ့ၢ်ယ့ၣ်ၡူးလၢမုၢ်နၤခီတဘျီ တဂၤန့ၣ်, ဟဲစ့ၢ်ကီးဒီးစီၤယိၤသး, ဒီးဟဲစိာ်ဃုာ်ဝဲတၢ်နၢမူကိး ဝဲလၢမူရၣ်လၢအဃါဃုာ်အသးဒီးအကၠီၣ်, သၢဆံလံတြၤ ဃၣ်ဃၣ်န့ၣ်လီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.