စံးထီၣ်ပတြၢၤ 45:16 - Sgaw Karen Common Bible

¹⁶ နဲဒၣ်ယစီၤပၤဧၢ, နကအိၣ်ဒီးဖိခွါအါဂၤ လၢကထီၣ်က့ၤနပၢ်လၢပျၢၤတဖၣ်အလီၢ် ဒ်စီၤပၤတဖၣ်အသိး, ဒီးနကဒုးကဲထီၣ်အဝဲသ့ၣ်လၢ ပှၤတဖၣ်လၢအပၢဘၣ်ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 45:16 Iomraidhean Croise

စံးထီၣ်ပတြၢၤ 22:30

ပှၤလၢစိၤလၢအကဟဲသ့ၣ်တဖၣ်ကမၤအတၢ်, ပှၤကစံးဘၣ်တဲဘၣ်ပှၤလၢခံတစိၤ လၢယွၤအဂ့ၢ်န့ၣ်လီၤ.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”