စံးထီၣ်ပတြၢၤ 44:7 - Sgaw Karen Common Bible

⁷ ဘၣ်ဆၣ်နမၤပူၤဖျဲးတ့ၢ်ပှၤလၢပဒုၣ်ပဒါသ့ၣ်တဖၣ် ဒီးမၤနၢၤတ့ၢ်ပှၤလၢအသးဟ့ပှၤန့ၣ်လီၤ.

စံးထီၣ်ပတြၢၤ 44:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:10

ယဃုထၢတ့ၢ်တၢ်လီၢ်တတီၤလၢပှၤဂီၢ်မုၢ်အံၣ်စရ့လးအဂီၢ် ဒီးသူၣ်လီၤဆီလီၤအဝဲသ့ၣ်ဖဲန့ၣ်, ဖဲအဝဲသ့ၣ်ကအိၣ်ဆိးဝဲ တအိၣ်ဘၣ်ဒီးတၢ်မၤအၢမၤနးအီၤနီတစုဘၣ်န့ၣ်လီၤ. စးထီၣ်လၢအဝဲသ့ၣ်နုာ်လီၤဆူကီၢ်အံၤအပူၤလံၤလံၤန့ၣ်, အဝဲသ့ၣ်ဘၣ်တၢ်ဒုးအီၤလၢပှၤမၤတၢ်လၢတၢ်စုဆူၣ်ခီၣ်တကးအပူၤ တဖၣ်လီၤ.

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

စံးထီၣ်ပတြၢၤ 136:24

ဒီးမၤပူၤမၤဖျဲးပှၤလၢပဒုၣ်ပဒါန့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 140:7

ယယွၤ, ပၢဘၣ်တၢ်ခဲလၢာ်, ယတၢ်အုၣ်က့ၤခီၣ်က့ၤကစၢ်ဧၢ, နကဟုကယာ်တ့ၢ်လံယၤလၢ တၢ်ဒုးသုးအပူၤန့ၣ်လီၤ.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

စံးထီၣ်ပတြၢၤ 40:14

မ်ပှၤလၢအဂုာ်ကျဲးစၢးမၤသံယၤတဖၣ် ဘၣ်တၢ်မၤနၢၤဒီးဘၣ်တၢ်မၤသဘံၣ်ဘုၣ်ကွံာ်အီၤ လၢာ်လၢာ်ဆ့ဆ့ မ်ပှၤလၢအသးခုလၢယတၢ်ဘၣ်ကိၢ်ဘၣ်ဂီၤအဃိန့ၣ်, ဘၣ်တၢ်မၤဃၣ်ကွံာ်အီၤဒီး ဘၣ်တၢ်မၤမဲာ်ဆှးအီၤန့ၣ်တက့ၢ်.

စံးထီၣ်ပတြၢၤ 53:5

ဘၣ်ဆၣ်အဝဲသ့ၣ်အိၣ်လၢတၢ်ပျံၤဖးဒိၣ် လၢအတမၤအသးဒ်အံၤနီတဘျီဘၣ်အပူၤန့ၣ်လီၤ. အဂ့ၢ်ဒ်အံၤ, ကစၢ်ယွၤကမၤလီၤပြံလီၤပြါ အပှၤဂီၢ်မုၢ်အဒုၣ်အဒါတဖၣ်အဃံအကွဲလီၤ. အဝဲသ့ၣ်တဖၣ်ကဘၣ်တၢ်မၤမဲာ်ဆှးအီၤအဂ့ၢ်မ့ၢ်လၢ ကစၢ်ယွၤညိကွံာ်တ့ၢ်လံအဝဲသ့ၣ်အဃိန့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 11:6

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. အဂ့ၢ်မ့ၢ်လၢခဲမုၢ်ဆ့ၣ်ဒ်သိးအံၤအဆၢကတီၢ်န့ၣ်ယကမၤသံအဝဲ သ့ၣ်ခဲလၢာ်ဒီးဟ့ၣ်လီၤအီၤလၢအံၣ်စရ့လးအစုပူၤအဃိန့ၣ် လီၤ. သုကဘၣ်ကျီတဲာ်အကသ့ၣ်တဖၣ်အခီၣ်ထူၣ်ဒီးဒွဲၣ်အူ ထီၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.”

လံာ်ပှၤစံၣ်ညီၣ်ကွီၢ် 2:18

ဖဲယွၤဟ့ၣ်လီၤပှၤအံၣ်စရ့လးဖိလၢခိၣ်နၢ်တဘျီလၢ်လၢ်န့ၣ်, ယွၤမၤစၢၤအီၤဒီးအုၣ်က့ၤခီၣ်က့ၤပှၤဂီၢ်မုၢ်လၢအဒုၣ်အဒါတဖၣ်အစုပူၤဖဲခိၣ်နၢ်တဂၤန့ၣ်အိၣ်မူဒံးဝဲအဆၢကတီၢ်န့ၣ်လီၤ. ယွၤသးကညီၤအဝဲသ့ၣ်မ့ၢ်လၢအဝဲသ့ၣ်ကအုကစွါဝဲလၢ အတၢ်နးတၢ်ဖှီၣ်ဒီးတၢ်မၤအၢမၤနးအပူၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:47

ဒီးပှၤအိၣ်ဖဲအံၤကိးဂၤကထံၣ်ဝဲလၢယွၤတလိၣ်ဘၣ်နးတဖၣ်မ့ၢ် ဂ့ၤဘီတဖၣ်မ့ၢ်ဂ့ၤလၢကအုၣ်က့ၤခီၣ်က့ၤအပှၤဂီၢ်မုၢ်အဂီၢ်ဘၣ် န့ၣ်လီၤ. အဝဲမၤန့ၢ်မၤနၢၤတၢ်လၢတၢ်ဒုးတၢ်ယၤအပူၤ, ဒီးအဝဲကပာ်လီၤသုလၢပစိကမီၤအဖီလာ်လီၤ.”