စံးထီၣ်ပတြၢၤ 44:3 - Sgaw Karen Common Bible

³ တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

စံးထီၣ်ပတြၢၤ 44:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:23

လၢဟီၣ်ခိၣ်ချၢအံၤပှၤကလုာ်ဂၤလၢကလီၤဂာ်ဒီးအံၣ်စရ့လးလၢ နမၤပူၤဖျဲးအီၤလၢကုၢ်အလီၢ်ဒ်သိးနကဒုးကဲထီၣ်အီၤလၢနပှၤ ဂီၢ်မုၢ်ဒၣ်နဲန့ၣ်, တအိၣ်ဘၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤတ့ၢ်လၢအဝဲသ့ၣ်အဂီၢ် န့ၣ်ဒုးဟူထီၣ်သါလီၤနမံၤလၢဟီၣ်ခိၣ်ဒီဘ့ၣ်ညါလီၤ. နဟီထီၣ်ကွံာ်တ့ၢ်ပှၤကလုာ်အဂၤတဖၣ်ဒီးအဝဲသ့ၣ်အကစၢ်တဖၣ်ဖဲနပှၤ ဂီၢ်မုၢ်လဲၤထီၣ်ဒုးတၢ်အခါန့ၣ်လီၤ. ပှၤဂီၢ်မုၢ်အံၤမ့ၢ်ပှၤလၢနမၤထူၣ်ဖျဲးထီၣ်အီၤလၢ ကီၢ်အဲၤကူပတူးဒ်သိးကကဲထီၣ်နပှၤဒၣ်နဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:7

နမ့ၢ်ပကစၢ်ယွၤလီၤ. ဖဲနပှၤဂီၢ်မုၢ်အံၣ်စရ့လးဟဲနုာ်ဆူကီၢ် အံၤအပူၤန့ၣ်, နဟီထီၣ်ကွံာ်ပှၤဂီၢ်မုၢ်လၢအအိၣ်ဆိးဖဲအံၤဒီးဟ့ၣ်လီၤထံ ဧိၤကီၢ်ဧိၤဆူနတံၤသကိးအစၢၤအသွဲၣ်တဖၣ်ဒ်သိးကမ့ၢ်အဝဲသ့ၣ် အတၢ်လီၤစိၤလီၤထီန့ၣ်လီၤ.

စံးထီၣ်ပတြၢၤ 111:6

အဝဲပာ်ဖျါတ့ၢ်လံအစိအကမီၤဆူ အပှၤဂီၢ်မုၢ် ခီဖျိအဟ့ၣ်လီၤအဝဲသ့ၣ် လၢပှၤတခီဘီမုၢ်ဖိတဖၣ်အထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 17:7

ပာ်ဖျါထီၣ်နတၢ်အဲၣ်လီၤလးဒီးမၤပူၤမၤဖျဲးယၤတက့ၢ်. တၢ်ပူၤဖျဲးဒီးဒုၣ်ဒါ, အိၣ်ဝဲလၢနစုထွဲန့ၣ်လီၤ.

စံးထီၣ်ပတြၢၤ 20:6

ဒီးခဲအံၤယသ့ၣ်ညါလၢယွၤဟ့ၣ်လီၤတၢ်မၤနၢၤ လၢအပှၤဒိးဖှူအသး, စံးဆၢအီၤလၢအမူခိၣ်စီဆှံ ဒီးဟ့ၣ်အီၤ တၢ်မၤနၢၤဖးဒိၣ်တဖၣ်လၢအစုထွဲန့ၣ်လီၤ.

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 42:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီး ယကစၢ်ယွၤလၢအမၤပူၤဖျဲးက့ၤယၤလီၤ.

စံးထီၣ်ပတြၢၤ 74:11

ဘၣ်မနုၤလၢနထုးက့ၤနစုန့ၣ်လဲၣ်. ဘၣ်မနုၤလၢနပၢၤဃာ်နစုထွဲလၢ လီၢ်ခံန့ၣ်လဲၣ်.

စံးထီၣ်ပတြၢၤ 77:15

လၢနစိနကမီၤန့ၣ်နအုၣ်က့ၤခီၣ်က့ၤနပှၤဂီၢ်မုၢ်, စီၤယၤကိာ်ဒီးစီၤယိၤသးအစၢၤအသွဲၣ်တဖၣ်လီၤ. စ့လၤ

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

စံးထီၣ်ပတြၢၤ 80:16

ပဒုၣ်ပဒါတဖၣ်ဒွဲၣ်ကွံာ်အီၤလၢမ့ၣ်အူ, ကူာ်လီၤဃံၤကွံာ်အီၤလံ. ကွၢ်အဝဲသ့ၣ်လၢတၢ်သးထီၣ်အပူၤဒီး မၤဟးဂီၤကွံာ်အဝဲသ့ၣ်န့ၣ်တက့ၢ်.

စံးထီၣ်ပတြၢၤ 80:9

နမၤပျီတၢ်လီၢ်လၢအဂီၢ်, ဒီးစဲၤလီၤဝဲအဂံၢ်, ဒီးမၤပှဲၤထံဧိၤကီၢ်ဧိၤလီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်တၢ်ဂံၢ် 14:8

ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

လံာ်သိၣ်လီၤသီလီၤတၢ် 10:15

မ့မ့ၢ်ယွၤအတၢ်အဲၣ်လၢသုမိၢ်ပၢ်ဖံဖုလၢပျၢၤတဖၣ်အဂီၢ်န့ၣ်, ဆူၣ်ဝဲဒိၣ်မးတုၤဒၣ်လဲာ်, အဝဲဒၣ်ဃုထၢသု, လၢပှၤဂီၢ်မုၢ်အဂုၤအဂၤတဖၣ်အလီၢ်န့ၣ်လီၤ. ဒီးသုမ့ၢ်ဒံးဒၣ်အဝဲအပှၤဂီၢ်မုၢ်လၢအဃုထၢဝဲန့ၣ်လီၤ.

လံာ်စီၤယိၤၡူ 24:12

ဖဲသုထီၣ်တၢ်ဒုးန့ၣ်, ယမၤပျံၤမၤဖုးအဝဲသ့ၣ်ဒ် သိးပှၤအမိၢ်အစီၤပၤခံဂၤကဘၣ်တၢ်နီၣ်ထီၣ်ဟီထီၣ်ကွံာ်အီၤ အဂီၢ်န့ၣ်လီၤ. တမ့ၢ်လၢသုနးဧိၤဘီဧိၤဒီးချံၣ်ဧိၤပျၢ်ဧိၤအဃိဘၣ်.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.