စံးထီၣ်ပတြၢၤ 44:15 - Sgaw Karen Common Bible

¹⁵ ထီဘိယအိၣ်ယဲလၢတၢ်မဲာ်ဆှးအပူၤ, ယဘၣ်တၢ်လုၣ်ဘၢယၤလၢတၢ်မဲာ်ဆှး,

စံးထီၣ်ပတြၢၤ 44:15 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:21

ယွၤဆှၢလီၤအကလူးတဂၤလၢအမၤသံကွံာ်ကီၢ်အၤၡူၢ်အသုးဖိ တဖၣ်ဒီးအသုးခိၣ်သုးနၢ်တဖၣ်န့ၣ်လီၤ. လၢတၢ်န့ၣ်အဃိကီၢ်အၤၡူၢ်အစီၤပၤဖးဒိၣ်က့ၤကဒါက့ၤဆူ ကီၢ်အၤၡူၢ်လၢတၢ်မဲာ်ဆှးအပူၤန့ၣ်လီၤ. ဘၣ်မုၢ်တနံၤဖဲ အဝဲအိၣ်လၢအကစၢ်အတၢ်လုၢ်ဟံၣ်အပူၤအခါန့ၣ်, အဝဲအဖိခွါတနီၤမၤသံကွံာ်အီၤလၢအဝဲသ့ၣ်အနးတဖၣ်န့ၣ်လီၤ.

လံာ်စီၤဧ့စြၤ 9:6

ယစံး, “အိ, ကစၢ်ယွၤဧၢ, ယမဲာ်ဆှးတ့ၢ်ဒိၣ်မးလၢယကမိာ်ထီၣ်ယခိၣ်လၢနမဲာ်ညါန့ၣ်လီၤ. ယတၢ်ဒဲးဘးတဖၣ်အိၣ်ဒီကထၢထီၣ်အသးထီန့ၢ်ဒံးပခိၣ်တဖၣ်ဒီး တုၤထီၣ်ထီဝဲထဲသိးမူခိၣ်တဖၣ်န့ၣ်လီၤ.

လံာ်စီၤယိၤဘး 17:6

ဒီးခဲအံၤပှၤဂီၢ်မုၢ်သူတၢ်ကတိၤဒိအံၤထီဒါယၤ, ဒီးယကဲထီၣ်ပှၤလၢအမဲာ်ဘၣ်တၢ်ထူးပှဲာ်အီၤလီၤ.

စံးထီၣ်ပတြၢၤ 69:7

အဂ့ၢ်ဒ်အံၤ, ယဘၣ်တၢ်ဒုၣ်ဒွဲၣ်လၢနဃိလီၤ. တၢ်မဲာ်ဆှးလုၣ်ဘၢတ့ၢ်လံယမဲာ်လံ.

စံးထီၣ်ပတြၢၤ 71:13

ပှၤလၢအဃုယသး ဒ်သိးကမၤဟးဂီၤယၤန့ၣ် မ်အဘၣ်တၢ်မဲာ်ဆှးဒီးဟးဂီၤကွံာ်န့ၣ်တက့ၢ်. ပှၤလၢအဃုယတၢ်ဟးဂီၤတဖၣ်န့ၣ် မ်အဘၣ်တၢ်လုၣ်ဘၢကွံာ်အီၤလၢတၢ်ဒုၣ်ဒွဲၣ်, ဒီးတၢ်မၤမဲာ်ဆှးန့ၣ်တက့ၢ်.

စံးထီၣ်ပတြၢၤ 89:45

နဒုးဖျါပှၢ်အီၤန့ၢ်ဒံးအနံၣ်အလါ အမ့ၢ်အတီ ဒီးလုၣ်ဘၢအီၤဒီး တၢ်လီၤမဲာ်ဆှးန့ၣ်လီၤ. စ့လၤ

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 51:51

သုစံးလၢ, ‘ပဘၣ်တၢ်ဒုၣ်ဒွဲၣ်ဒီး တၢ်မၤမဲာ်ဆှးတ့ၢ်ပှၤလီၤ. ပစုကတၢၢ်ခီၣ်ကတၢၢ်ဒီး မၤစၢၤလီၤပသးတဘၣ်, မ့ၢ်လၢပှၤတခီဘီမုၢ်ဖိတဖၣ် ဟံးန့ၢ်ကွံာ်တၢ်လီၢ်စီ ဆှံတဖၣ်လၢ ယွၤအတၢ်လုၢ်ဟံၣ်အပူၤလံအဃိန့ၣ်လီၤ.’

လံာ်သးသယုၢ်တၢ် 2:15

ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”