စံးထီၣ်ပတြၢၤ 44:1 - Sgaw Karen Common Bible

¹ ကစၢ်ယွၤဧၢ, ပနၢ်ဟူတ့ၢ်လၢပနၢ်, ပပၢ်သ့ၣ်တဖၣ်တဲတ့ၢ်ပှၤ တၢ်ဖံးတၢ်မၤလၢနမၤတ့ၢ်လၢအမုၢ်နံၤတဖၣ်, မုၢ်နံၤလၢပျၢၤန့ၣ်လီၤ.

စံးထီၣ်ပတြၢၤ 44:1 Iomraidhean Croise

စံးထီၣ်ပတြၢၤ 22:31

ပှၤလၢအတအိၣ်ဖျဲၣ်ထီၣ်ဒံးဘၣ်သ့ၣ်တဖၣ် ကဘၣ်တၢ်စံးဘၣ်တဲဘၣ်အီၤလၢ, “ယွၤမၤပူၤဖျဲးအပှၤဂီၢ်မုၢ်န့ၣ်လီၤ.”

စံးထီၣ်ပတြၢၤ 42:1

ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ အယွၤလီၤအသိး, ယသးဆၢန့ၢ်ဘၣ်နၤလီၤ.

စံးထီၣ်ပတြၢၤ 71:18

ကစၢ်ယွၤဧၢ, တုၤလီၤလၢယသးပှၢ်ဒီးခိၣ်ဝါ, ယတချုးဒုးနဲၣ်ဒံးဘၣ်နတၢ်ဂံၢ်တၢ်ဘါဒီးနစိနကမီၤ လၢကယဲၢ်ပှၤလၢအကဟဲတဖၣ်ဒံးဘၣ်န့ၣ်, လဲၤသဒၣ်ကွံာ်ဒံးယၤတဂ့ၤ.

စံးထီၣ်ပတြၢၤ 77:5

ယဆိကမိၣ်တၢ်လၢမုၢ်နံၤလၢပျၢၤတဖၣ်, ယသ့ၣ်နီၣ်ထီၣ်က့ၤနံၣ်ဧိၤလါဧိၤလၢပျၢၤန့ၣ်လီၤ.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်ယိၤအ့လး 1:3

ဒီးတဲဘၣ်သုဖိသုလံၤ, ဒီးသုဖိသုလံၤကတဲဘၣ်အဖိအလံၤ, ဒီးအဝဲသ့ၣ်အဖိအလံၤကတဲဘၣ်ကဒီး အဖိအလံၤန့ၣ်လီၤ.

လံာ်သိၣ်လီၤသီလီၤတၢ် 6:20

လၢမုၢ်နံၤတဖၣ်လၢကဟဲအပူၤန့ၣ်, သုဖိတဖၣ်ကသံကွၢ်သု, ဘၣ်မနုၤလၢယွၤ, ပကစၢ်ယွၤမၤလိာ်တ့ၢ်ပှၤလၢပဘၣ်စူၢ်ကယဲၢ်အဝဲ အတၢ်ဘူၣ်တၢ်ဘါအတၢ်သိၣ်တၢ်သီတဖၣ်အံၤန့ၣ်လဲၣ်.

လံာ်ပှၤစံၣ်ညီၣ်ကွီၢ် 6:13

စီၤကံးဒဧိၣ်စံးဘၣ်အီၤ, “တၢ်ဒိၣ်ဧၢ, ယွၤမ့ၢ်အိၣ်ဒီးပှၤ န့ၣ်ဘၣ်မနုၤကယဲၢ်တၢ်ခဲလၢာ်အံၤမၤအသးဒီးပှၤန့ၣ်လဲၣ်. ကယဲၢ်တၢ်လီၤလးတဖၣ်လၢပပၢ်တဖၣ်တဲပှၤဘၣ်ဃးယွၤထုးထီၣ် အဝဲသ့ၣ်လၢကီၢ်အဲၤကူပတူးအပူၤ, တၢ်လၢယွၤမၤညီနုၢ်အီၤတဖၣ်န့ၣ်မၤအသးဒ်လဲၣ်. ယွၤညိကွံာ်တ့ၢ်လံပှၤ, ဒီးပာ်လီၤတဲာ်ပှၤလၢပှၤမံးဒယၣ်ဖိတဖၣ်အတၢ်သးကညီၤအပူၤလံ.”