စံးထီၣ်ပတြၢၤ 43:4 - Sgaw Karen Common Bible

⁴ အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 43:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:5

စီၤဒၤဝံးဒီးကယဲၢ်ပှၤအံၣ်စရ့လးဖိတဖၣ်ဂဲၤကလံာ် ဒီးသူၣ်ဝံၣ်သးဆၢလၢာ်ဂံၢ်လၢာ်ဘါဒ်သိးကမၤလၤကပီၤယွၤအဂီၢ်န့ၣ်လီၤ. အဝဲသ့ၣ်ဒ့တနၢ်တဖၣ်, သီတူၢ်တဖၣ်, ဒၢတဖၣ်, ပှ့ၤသၣ်တဖၣ်, ဒီးစှၢၢ်စှံးတဖၣ်န့ၣ်လီၤ.

စံးထီၣ်ပတြၢၤ 26:6

ယွၤဧၢ, ယသ့ယစုလၢတၢ်ဒဲးဘးတအိၣ်ဘၣ်အပူၤ ဒီးလဲၤဆူနတၢ်လုၢ်လီၢ်လၢ တၢ်ဘူၣ်ထီၣ်ဘါထီၣ်နၤအဂီၢ်လီၤ.

စံးထီၣ်ပတြၢၤ 33:2

စံးထီၣ်ပတြၢၤယွၤလၢတနၢ်, သးဝံၣ်ထီၣ်အီၤလၢသီတူၢ် အိၣ်ဒီးပျံၤဆံဆဲၣ်ဘိန့ၣ်တက့ၢ်.

စံးထီၣ်ပတြၢၤ 42:6

ဖဲအံၤလၢ တၢ်စိာ်မၢကဲကုၢ်အလီၢ်န့ၣ်, ယသူၣ်ကၢ်သးလီၤယဲလီၤ. ဒ်ထံလီၤဆူ သီၣ်လီၤလၢ ကစၢၢ်ဃ့ရမိၣ်ဒီး ကစၢၢ်မံစၢ်အလိၤဆူ ထံကျိယၢ်ဒ့ၣ်အသိးန့ၣ်

စံးထီၣ်ပတြၢၤ 57:8

ဖုသံနီၣ်ထီၣ်, ယသးဧၢ, ဖုသံနီၣ်ထီၣ်, ယသီတူၢ်ဒီးတနၢ်သ့ၣ်ဧၢ, ယကထိၣ်ဂဲၤမုၢ်ဆ့ၣ်ဝါန့ၣ်လီၤ.

စံးထီၣ်ပတြၢၤ 57:9

ကစၢ်ယွၤဧၢ, လၢပှၤဂီၢ်မုၢ်အကျါန့ၣ်, ယကစံးဘျုးနၤ, ဒီးလၢပှၤကလုာ်တဖၣ်အကျါန့ၣ်ယကသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 63:2

ပျဲယထံၣ်ဘၣ်နၤလၢတၢ်လီၢ်စီဆှံအပူၤ, ပျဲယထံၣ်ဘၣ်နအိၣ်ဒီးတၢ်စိတၢ်ကမီၤ, ဒီးတၢ်လၤတၢ်ကပီၤထဲလဲၣ်န့ၣ်တက့ၢ်.

စံးထီၣ်ပတြၢၤ 81:2

စးထီၣ်တၢ်သးဝံၣ်, ပှီၢ်ဒၢဖိတဖၣ်, ဒီးဒ့တၢ်သးဝံၣ်အမုာ်လၢသီတူၢ်ဒီးတနၢ်

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

ရိမ့ၤ 5:11

အါန့ၢ်အန့ၣ်, ပသးခုဒီးပာ်ကဖၢလၢပသးလၢကစၢ်ယွၤ အပူၤ, ခီဖျိပကစၢ်ယ့ၣ်ၡူးခရံာ်လၢအဒုးကဲထီၣ်ပှၤလၢ ကစၢ်ယွၤအတံၤသကိးတဖၣ်အဃိန့ၣ်လီၤ.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.