စံးထီၣ်ပတြၢၤ 43:1 - Sgaw Karen Common Bible

¹ ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်, ဒီးဒီဒၣ်ယတၢ်ဂ့ၢ်တၢ်ကျိၤထီဒါ ပှၤတယူးတယီၣ်ယွၤန့ၣ်တက့ၢ်. မၤပူၤဖျဲးယၤလၢပှၤလီတၢ်ဒီး ပှၤအၢပှၤသီန့ၣ်တက့ၢ်.

စံးထီၣ်ပတြၢၤ 43:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 16:20

အန့ၣ်ဝံၤဒီး, စီၤအးဘၡါလိၣ်ဃၣ်ဃီၤအသးဆူ စီၤအဃံသဖ့ၤလးအအိၣ်ဒီးစံးဝဲဒၣ်, “ခဲကနံၣ်အံၤမ့ၢ်လၢပအိၣ်ဖဲအံၤလံအဃိ, နကဟ့ၣ်ကူၣ်ပှၤလၢပကဘၣ်မၤတၢ်မနုၤန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 18:8

တၢ်ဒုးလိာ်ယၤလိာ်အသးရၤလီၤအသးလၢကီၢ်ဒီဘ့ၣ်ညါအပူၤဒီး ပှၤသံလၢသ့ၣ်ပှၢ်အပူၤအါန့ၢ်ဒံးပှၤဘၣ်တၢ်မၤသံအီၤလၢတၢ်ဒုးပျီအပူၤတက့ၢ်န့ၣ်လီၤ.

စံးထီၣ်ပတြၢၤ 140:5

ပှၤလၢအပာ်ထီၣ်ထီအသးတဖၣ် ပာ်လီၤပျံၤသကွီၤခူသူၣ်လၢယဂီၢ်, ဒီးဒါလီၤပှာ်ဧိၤစၤဧိၤလၢကျဲလိၤ, အဝဲသ့ၣ်ဆဲထီၣ်ထုလၢယဂီၢ်လီၤ. စ့လၤ

စံးထီၣ်ပတြၢၤ 26:1

ယွၤဧၢ, စံၣ်ညီၣ်ယၤတက့ၢ်. အုၣ်နသးလၢယတၢ်ကမၣ်တအိၣ်ဘၣ်အဂ့ၢ်တက့ၢ်. အဂ့ၢ်ဒ်အံၤ, ယမၤတၢ်လၢအမ့ၢ်အတီ ဒီးယနာ်နၤလၢလၢပှဲၤပှဲၤလီၤ.

စံးထီၣ်ပတြၢၤ 35:1

ယွၤဧၢ, ထီဒါပှၤလၢအထီဒါယၤ, ဒီးဒုးပှၤလၢအဒုးထီဒါယၤတက့ၢ်.

စံးထီၣ်ပတြၢၤ 35:24

ယယွၤ, ယကစၢ်ယွၤဧၢ, ဒ်နတၢ်တီတၢ်လိၤအိၣ်ဝဲအသိးန့ၣ်, စံၣ်ညီၣ်ယၤတက့ၢ်. ဒီးဒုးသူၣ်ခုသးခုယဒုၣ်ယဒါလၢယဖီခိၣ်န့ၣ်တဂ့ၤ.

စံးထီၣ်ပတြၢၤ 5:6

နမၤဟးဂီၤပှၤလၢအကတိၤကဘျံးကဘျၣ်တၢ်လီၤ. ပှၤလၢအအဲၣ်ဒိးတၢ်ဂၢ်သွံၣ်ဂၢ်စီၤ, ဒီးပှၤလီတၢ်သ့ၣ်တဖၣ်န့ၣ် နသးဘၣ်အၢအီၤလီၤ.

စံးထီၣ်ပတြၢၤ 54:3

အဂ့ၢ်ဒ်အံၤ, ပှၤပာ်ထီၣ်ထီအသးတဖၣ် ဂဲၤဆၢထၢၣ်ထီဒါယၤ, ပှၤမၤတၢ်အၢတဖၣ်ဃုယသးလီၤ. အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ

စံးထီၣ်ပတြၢၤ 7:7

ဒုးအိၣ်ဖှိၣ်ရိဖှိၣ်ပှၤကလုာ်ခဲလၢာ်ဝးတရံးနၤ ဒီးပၢအီၤလၢနလီၢ်ထီၣ်ထီန့ၣ်တက့ၢ်.

စံးထီၣ်ပတြၢၤ 7:8

ယွၤစံၣ်ညီၣ်ပှၤကလုာ်ခဲလၢာ်လီၤ. ယွၤဧၢ, စံၣ်ညီၣ်ယၤဒ်ယတၢ်တီတၢ်လိၤ ဒီးယသူးယသ့ၣ်အိၣ်ဒီးယၤအသိးန့ၣ်တက့ၢ်.

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

စံးထီၣ်ပတြၢၤ 71:4

ကစၢ်ယွၤဧၢ, မၤထူၣ်ဖျဲးယၤလၢပှၤတတီတလိၤအစုပူၤ, လၢပှၤမၤအၢတၢ်ဒီးပှၤမၤနးမၤဖှီၣ်တၢ် အတၢ်ဖီၣ်ဃာ်န့ၣ်တက့ၢ်.

စံးထီၣ်ပတြၢၤ 75:7

မ့မ့ၢ်ကစၢ်ယွၤမ့ၢ်ပှၤလၢအစံၣ်ညီၣ်တၢ်, စံၣ်ညီၣ်ပှၤတနီၤဒီးမၤပူၤဖျဲးပှၤအဂၤတနီၤန့ၣ်လီၤ.

တၢ်ကတိၤဒိ. 22:23

ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.

တၢ်ကတိၤဒိ. 23:11

ယွၤမ့ၢ်အဝဲသ့ၣ်အပှၤဒီဒၣ်တၢ်လၢအစိကမီၤဒိၣ်ဝဲ, ဒီးကကတိၤဂ့ၢ်လိာ်တၢ်လၢအဝဲသ့ၣ်အကွီၢ်အဂီၢ်ထီဒါနၤလီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:15

ယွၤကစံၣ်ညီၣ်တၢ်လီၤ. ဒီးအဝဲကနီၤဖးတၢ်လၢနၤဒီးယၤအံၤ မ့ၢ်မတၤကမၣ်လဲၣ်န့ၣ်လီၤ. မ်အကွၢ်နုာ်ဃီၤဆူတၢ်ဂ့ၢ်ပူၤ, ဒီဒၣ်အိၣ်ပှိၤယၤဒီးအုၣ်က့ၤခီၣ်က့ၤယၤလၢနစုပူၤတက့ၢ်.”