စံးထီၣ်ပတြၢၤ 42:8 - Sgaw Karen Common Bible

⁸ ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ် ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ, တၢ်ထုကဖၣ်ဆူယသးသမူ အကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 42:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:5

တၢ်သံအလပီတဖၣ်အိၣ်ဝးတရံးယၤ, တၢ်မၤဟးဂီၤအလပီတဖၣ်တလ့ၣ်အသးလၢ ယဖီခိၣ်လီၤ.

လံာ်စီၤယိၤဘး 35:10

ဘၣ်ဆၣ်အဝဲသ့ၣ်တဃၣ်က့ၤအသးဆူကစၢ်ယွၤ, ပှၤလၢအတ့လီၤအီၤ, ပှၤလၢအဟ့ၣ်လီၤအဝဲသ့ၣ်တၢ်မုၢ်လၢ်ဖဲတၢ်ခံးတၢ်နၤအကတီၢ် တဂၤအအိၣ်န့ၣ်ဘၣ်.

စံးထီၣ်ပတြၢၤ 124:4

ဒီးထံဒိၣ်ထီၣ်ကစိာ်ကွံာ်ပှၤ ဒီးထံကလုၣ်ဘၢပှၤ,

စံးထီၣ်ပတြၢၤ 133:3

မၤသးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံယိၣ်အကစၢၢ်ကလိအလိၤ အသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

စံးထီၣ်ပတြၢၤ 149:5

မ်ကစၢ်ယွၤအပှၤဂီၢ်မုၢ်သူၣ်ဖှံသးညီ လၢအတၢ်မၤနၢၤအပူၤ, ဒီးသးဝံၣ်တၢ်လၢ တၢ်သးခုဒီနၤညါတက့ၢ်.

စံးထီၣ်ပတြၢၤ 16:7

ယစံးထီၣ်ပတြၢၤယွၤ, မ့ၢ်လၢအဝဲဒၣ်နဲၣ်လိယၤအဃိလီၤ. ဒီးလၢမုၢ်နၤန့ၣ်, ယသးလၢအသ့ၣ်ညါဒၣ်တၢ် ဟ့ၣ်ပလီၢ်ယၤလီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 32:7

နမ့ၢ်ယတၢ်အိၣ်ခူသူၣ်အလီၢ်, နကမၤပူၤဖျဲးယၤလၢတၢ်ဘၣ်ယိၣ်ဘၣ်ဘီလီၤ. ယသးဝံၣ်ထီၣ်ဒိၣ်ဒိၣ်လၢနတၢ်မၤပူၤဖျဲးယၤ, မ့ၢ်လၢနအိၣ်ပှိၤယၤအဃိန့ၣ်လီၤ. စ့လၤ

စံးထီၣ်ပတြၢၤ 44:4

နမ့ၢ်ယစီၤပၤဒီးယကစၢ်ယွၤ, နဟ့ၣ်တၢ်မၤနၢၤလၢ နအပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 57:3

အဝဲကစံးဆၢယၤလၢမူခိၣ်ဒီး အုၣ်က့ၤခီၣ်က့ၤယၤန့ၣ်လီၤ. စ့လၤ အဝဲကဒုးမဲာ်ဆှးပှၤလၢ အယီၢ်တံၢ်ယၤတဖၣ်န့ၣ်လီၤ. ကစၢ်ယွၤကလီၣ်ဖျါထီၣ်အတၢ်အဲၣ်ဂၢၢ်ကျၢၤဒီးအတၢ်တီတၢ်လိၤန့ၣ်လီၤ.

စံးထီၣ်ပတြၢၤ 63:6

ဖဲယသ့ၣ်နီၣ်ထီၣ်က့ၤနၤလၢယလီၢ်မံအဖီခိၣ်, ဒီးယဆိကမိၣ်လၢနဂ့ၢ်နကျိၤသီတနၤကျၢၤန့ၣ်လီၤ.

စံးထီၣ်ပတြၢၤ 77:6

ယသ့ၣ်နီၣ်ထီၣ်က့ၤယတၢ်သးဝံၣ်လၢမုၢ်နၤလၢယသး, ယဆိကမိၣ်ထီၣ်တၢ်ဒီး တၢ်အံၤမ့ၢ်တၢ်လၢ ယသံကွၢ်လီၤက့ၤယသး,

စံးထီၣ်ပတြၢၤ 88:8

နမၢယတံၤသကိးသ့ၣ်တဖၣ်ညိကွံာ်ယၤ, ဒီးယကဲထီၣ်တၢ်သး ဘၣ်အၢလၢ အဝဲသ့ၣ်အဂီၢ်လီၤ. ယဘၣ်တၢ်ကဝီၤဃာ်ယၤဒီး ယထူၣ်ဖျဲးထီၣ်တသ့ဘၣ်.

လံာ်ယၡါယၤ 30:29

ဘၣ်ဆၣ်သုဝဲယွၤအပှၤဂီၢ်မုၢ်တဖၣ်, သုကသူၣ်ခုသးခုဒီး သုကသးဝံၣ်တၢ်ဒ်သုမၤတ့ၢ်ဖဲမူးစီဆှံတနၤအဆၢကတီၢ် အသိးလီၤ. သုကသူၣ်ခုသးခုထဲသိးဒီးပှၤလၢအလဲၤတၢ်ဒ် တနၢ်သီတူၢ်အတၢ်ဒ့တၢ်အူအသိးလၢကျဲဆူယွၤ, အံၣ်စရ့လးအပှၤဒီဒၣ်တၢ်, အတၢ်လုၢ်ဟံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:21

ယွၤကဆိၣ်ဂ့ၤထံကီၢ်လၢဃုနံၣ်တနံၣ်အတီၢ်ပူၤဒ်သိးအကဟ့ၣ်ထီၣ်တၢ်အီၣ်လၢကလၢဝဲသၢနံၣ်အဂီၢ်လီၤ.

လံာ်ယိၤနါ 2:4

အန့ၣ်တစုယစံး, ယဘၣ်တၢ်ဟီထီၣ်ကွံာ်ယၤလၢနမဲာ်ညါ, ယကထံၣ်ဘၣ်ကဒီးနတၢ်လုၢ်ဟံၣ်စီဆှံဒ်လဲၣ်.

လံာ်မးသဲ 8:8

ဘၣ်ဆၣ်ဒီးသုးခိၣ်စံးဝဲ, “ကစၢ်ဧၢယတကြၢးတဘၣ်လၢ နကဟဲနုာ်ဆူယဟံၣ်ပူၤအဂီၢ်ဘၣ်. ထဲခါလီၤနကလုၢ်တဘီဒီးယခ့ယပှၤကအိၣ်ဆူၣ်ထီၣ်က့ၤလီၤ.

မၤတၢ် 16:25

ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.

လံာ်သိၣ်လီၤသီလီၤတၢ် 28:8

ယွၤ, သုကစၢ်ယွၤကဆိၣ်ဂ့ၤသုတၢ်မၤဒီးမၤပှဲၤသုသိၣ်ဧိၤဖီ ဧိၤဒီးသုဘုသၣ်ဘုချံဒီးအဝဲကဆိၣ်ဂ့ၤသုလၢကီၢ်လၢအဝဲ ဟ့ၣ်လီၤသုအပူၤန့ၣ်လီၤ.

ကလီးစဲ 3:3

အဂ့ၢ်ဒ်အံၤ, သုသံတ့ၢ်ဃုာ်ဒီးခရံာ်, ဒီးသုတၢ်မူနီၢ်နီၢ်အိၣ်ခူသူၣ်ဃုာ်ဒီးခရံာ်လၢကစၢ်ယွၤ အပူၤလီၤ.