စံးထီၣ်ပတြၢၤ 42:6 - Sgaw Karen Common Bible

⁶ ဖဲအံၤလၢ တၢ်စိာ်မၢကဲကုၢ်အလီၢ်န့ၣ်, ယသူၣ်ကၢ်သးလီၤယဲလီၤ. ဒ်ထံလီၤဆူ သီၣ်လီၤလၢ ကစၢၢ်ဃ့ရမိၣ်ဒီး ကစၢၢ်မံစၢ်အလိၤဆူ ထံကျိယၢ်ဒ့ၣ်အသိးန့ၣ်

စံးထီၣ်ပတြၢၤ 42:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:22

လၢတၢ်န့ၣ်အဃိ, စီၤဒၤဝံးဒီးအပှၤတဖၣ်စးထီၣ်ခီဂာ် ထံကျိယၢ်ဒ့ၣ်ဒီးတုၤမုၢ်ဆ့ၣ်ထီၣ်န့ၣ်အဝဲသ့ၣ်ခဲလၢာ်တုၤဝဲဆူထံကျိဘးခီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:27

ဖဲစီၤဒၤဝံးဟဲတုၤဝဲဆူဝ့ၢ်မၤဃန့ၤန့ၣ်, အဝဲဘၣ်တၢ်ဟဲသဂၢၢ်အီၤလၢပှၤဧၣ်မိၣ်ဖိလၢဝ့ၢ်ရးဘးစီၤနၤဃၣ် အဖိခွါစီၤၡိဘံၤ, စီၤဧမံၤအ့လးအဖိခွါစီၤမၤကံၢ်အိၣ်လၢဝ့ၢ်လိဒဘၢ်, ဒီးစီၤဘၢ်စံးလဲလၢကီၢ်ကံးလဧးအဝ့ၢ်ရိကလံၣ်, သ့ၣ်တဖၣ်န့ၣ်လီၤ.

စံးထီၣ်ပတြၢၤ 133:3

မၤသးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံယိၣ်အကစၢၢ်ကလိအလိၤ အသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

စံးထီၣ်ပတြၢၤ 22:1

ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်တ့ၢ်ယၤလဲၣ်. ဘၣ်မနုၤလၢနအိၣ်ယံၤလၢတၢ်မၤစၢၤယၤအဂီၢ်, နယံၤဒီးယတၢ်ကအုကစွါအတၢ်ကတိၤ တဖၣ်န့ၣ်လဲၣ်.

စံးထီၣ်ပတြၢၤ 43:4

အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 43:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 61:2

လၢတၢ်သးဟးဂီၤဒီး တၢ်အိၣ်ယံၤဒီး ဟံၣ်အပူၤန့ၣ်ယကိးထီၣ်နၤလီၤ. ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.

လံာ်ယိၤနါ 2:7

တုၤယသးလီၤဘှါဝဲလၢယပူၤဘူးလၢယကသံန့ၣ်ဒီးယသ့ၣ် နီၣ်ထီၣ်နၤလီၤ. ဒီးယတၢ်ထုကဖၣ်လဲၤထီၣ်ဆူနအိၣ်ဆူနတၢ်လုၢ်ဟံၣ်စီဆှံ အပူၤန့ၣ်လီၤ.

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 27:46

ဖဲအကဘၣ်သၢနၣ်ရံၣ်န့ၣ်, ယ့ၣ်ၡူးကိးပသူထီၣ်လၢအကလုၢ်ဖးဒိၣ်ဒီးစံး, “အ့ၤလံၤ, အ့ၤလံၤ, လၤမၤစၤဘၤဃသၤနံ,” အခီပညီမ့ၢ်ဝဲ, “ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်ကွံာ်ယၤလဲၣ်.”