စံးထီၣ်ပတြၢၤ 41:6 - Sgaw Karen Common Bible

⁶ ပှၤလၢအဟဲထံၣ်ယၤသ့ၣ်တဖၣ်အံၤ တအိၣ်ဒီးတၢ်သးတီဘၣ်. အဝဲသ့ၣ်ပာ်ဖှိၣ်တၢ်ကစီၣ်လၢအတဂ့ၤတဖၣ် လၢအဘၣ်ဃးဒီးယၤ, ဝံၤဟးထီၣ်ဒီးတဲတၢ်အံၤလၢ တၢ်လီၢ်ကိးတီၤဒဲးန့ၣ်လီၤ.

စံးထီၣ်ပတြၢၤ 41:6 Iomraidhean Croise

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ဒၤနံးယ့လး 11:27

ဒီးစီၤပၤခံဂၤန့ၣ်ကဆ့ၣ်နီၤလၢစီၢ်နီၤခိၣ်တဖျၢၣ်ဃီဒီးအီၣ်သကိးတၢ်လီၤ. မ့မ့ၢ်အတၢ်တိာ်သူၣ်ပာ်သးတဖၣ်ကမ့ၢ်တၢ်အၢတၢ်သီ, ဒီးကလီလိာ်အသးတဂၤဒီးတဂၤန့ၣ်လီၤ. ဘၣ်ဆၣ်ဒီးတဒိးန့ၢ်ဘၣ်ဝဲတၢ် လၢအသးလီတဖၣ်န့ၣ်ဘၣ်. အဂ့ၢ်ဒ်အံၤ, တၢ်ဆၢကတီၢ် လၢအဝဲန့ၣ်အဂီၢ်တဟဲတုၤဒံးဘၣ်ဝဲဘၣ်.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.