စံးထီၣ်ပတြၢၤ 41:2 - Sgaw Karen Common Bible

² ယွၤကကဟုဘံၣ်ကယာ်ဘၢအီၤဒီးဒုးမူအီၤန့ၣ်လီၤ. အဝဲကဘၣ်တၢ်ကိးအီၤလၢပှၤဘၣ်ဆိၣ်ဂ့ၤလၢ ထံဧိၤကီၢ်ဧိၤအပူၤန့ၣ်လီၤ. ယွၤတဟ့ၣ်လီၤအီၤဒ်အဒုၣ်အဒါသ့ၣ်တဖၣ် အတၢ်ဘၣ်အသးအသိးန့ၣ်ဘၣ်.

စံးထီၣ်ပတြၢၤ 41:2 Iomraidhean Croise

စံးထီၣ်ပတြၢၤ 27:12

တဘၣ်ဟ့ၣ်လီၤကွံာ်ယၤဆူယဒုၣ်ယဒါသ့ၣ်တဖၣ် အတၢ်ဘၣ်အသးအပူၤတဂ့ၤ, အဂ့ၢ်ဒ်အံၤ, ပှၤလၢအအုၣ်အသးကဘျံးကဘျၣ် တဖၣ် ဂဲၤဆၢထၢၣ်ထီဒါယၤ ဒီးသါတဖှိထီၣ်တၢ်စုဆူၣ်ခီၣ်တကးန့ၣ်လီၤ.

စံးထီၣ်ပတြၢၤ 33:19

ဒ်သိးကမၤပူၤဖျဲးအဝဲသ့ၣ်လၢတၢ်သံ ဒီးပာ်မူအဝဲသ့ၣ်ဖဲ တၢ်သၣ်ဝံၤလီၤဒိအကတီၢ်န့ၣ်လီၤ.

စံးထီၣ်ပတြၢၤ 37:22

ပှၤလၢအဘၣ်တၢ်ဆိၣ်ဂ့ၤလၢယွၤန့ၣ် ကဒိးန့ၢ်ဘၣ်ထံဧိၤကီၢ်ဧိၤ, ဘၣ်ဆၣ်ပှၤလၢအဘၣ်တၢ်ဆိၣ်အၢလၢအီၤန့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.

တၢ်ကတိၤဒိ. 11:17

ဖဲနသးကညီၤတၢ်န့ၣ်, နမၤဘျုးမၤဖှိၣ်လီၤနသးတမံၤလီၤ. နမ့မ့ၢ်ပှၤအၢဝဲသီဝဲဒီး, နမၤဘၣ်ဒိဘၣ်ထံးလီၤနသးဒၣ်နဲန့ၣ်လီၤ.

တၢ်ကတိၤဒိ. 14:21

နမ့ၢ်အဲၣ်ဒိးဘၣ်ဆိၣ်ဂ့ၤန့ၣ်, သးကညီၤပှၤဖှီၣ်ဖိယာ်ဖိတက့ၢ်. တၢ်သးဘၣ်အၢပှၤတဂၤလၢ်လၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 31:20

အဝဲဟ့ၣ်တၢ်ညီလၢပှၤဖှီၣ်ဖိယာ်ဖိဒီးပှၤလၢအတၢ်တအိၣ်တဖၣ်န့ၣ် လီၤ.

လံာ်ယံးရမံယၤ 39:17

ဘၣ်ဆၣ်ဒီးယၤ, ယွၤအံၤ, ယကဒီဒၣ်အိၣ်ပှိၤနၤ, ဒီးနတဘၣ်တၢ်ဟ့ၣ်လီၤကွံာ်ဘၣ်နၤဆူ ပှၤလၢနပျံၤအီၤတဖၣ်အစုပူၤန့ၣ်ဘၣ်.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

လံာ်နီၢ်ရူၤသး 2:19

ဒီးနီၢ်နၤဧမံသံကွၢ်အီၤ, “တနံၤညါအံၤနလဲၤထၢဘုဖဲလဲၣ်. နလဲၤမၤတၢ်လၢမတၤအစံာ်ပျီပူၤလဲၣ်. မ်ယွၤဆိၣ်ဂ့ၤပှၤတဂၤလၢ အသူၣ်အိၣ်သးအိၣ်နၤန့ၣ်တက့ၢ်.” ဒီးနီၢ်ရူၤသးစံးဘၣ်အမံၤပှၢ်ပိာ်မုၣ်လၢတနံၤညါအံၤအဝဲလဲၤ မၤတၢ်လၢပှၤတဂၤအမံၤမ့ၢ်စီၤဘိၤဧးအစံာ်ပျီပူၤန့ၣ်လီၤ.