စံးထီၣ်ပတြၢၤ 41:11 - Sgaw Karen Common Bible

¹¹ လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ, ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.

စံးထီၣ်ပတြၢၤ 41:11 Iomraidhean Croise

စံးထီၣ်ပတြၢၤ 124:6

မ်ပစံးဘျုးယွၤလၢအတပျဲပဒုၣ်ပဒါသ့ၣ်တဖၣ် မၤနၢၤပှၤအဃိန့ၣ်တက့ၢ်.

စံးထီၣ်ပတြၢၤ 13:4

တဘၣ်ပျဲယဒုၣ်ယဒါသ့ၣ်တဖၣ်စံး, “ပမၤနၢၤတ့ၢ်လံအီၤလံ.” န့ၣ်တဂ့ၤ. တဘၣ်ပျဲအဝဲသ့ၣ်သးခုခူသူၣ်လၢ ယဃၣ်ကွံာ်အဃိန့ၣ်တဂ့ၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 25:2

ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 31:8

နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်. နဟ့ၣ်ယၤတၢ်သဘျ့လၢ ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.

စံးထီၣ်ပတြၢၤ 35:25

တဘၣ်ပျဲအဝဲသ့ၣ်စံးလီၤအသးဒၣ်ဝဲလၢ, “အၣ်ဟါ, ပတၢ်အလိၣ်လၢပှဲၤလံ.” မ်အသုတစံးပယူၢ်လီၤကွံာ်လံအီၤလံန့ၣ်တဂ့ၤ.

စံးထီၣ်ပတြၢၤ 86:17

ယွၤဧၢ, ဒုးနဲၣ်နတၢ်ဂ့ၤအတၢ်ပနီၣ်လၢယၤ ဒ်သိးပှၤလၢအသးဟ့ယၤတဖၣ်ကထံၣ်ဝဲ ဒီးကဘၣ်တၢ်မၤမဲာ်ဆှးအီၤ, မ့ၢ်လၢနမၤစၢၤတ့ၢ်လံယၤဒီး မၤမုာ်ထီၣ်က့ၤယၤအဃိန့ၣ်တက့ၢ်.

လံာ်ယံးရမံယၤ 20:13

သးဝံၣ်ထီၣ်ယွၤတက့ၢ်. စံးထီၣ်ပတြၢၤယွၤတက့ၢ်. အဝဲဒၣ်အုၣ်က့ၤခီၣ်က့ၤပှၤလၢအဘၣ်တၢ်မၤအၢမၤနး အီၤတဖၣ်လၢပှၤအအၢအသီတဖၣ်အစိကမီၤအပူၤန့ၣ်လီၤ.

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.